前J2患癌主持文頌男離世終年29歲近日病情惡化今午病逝後事從簡處理

2024-07-13 22:23

前J2節目《不正常愛情研究所》主持文頌男（Koba）去年確診罕見癌症尤文氏肉瘤後，停工專心養病，零收入的文頌男曾發起眾籌醫藥費。然而近日情況惡化，今日文頌男IG貼出長文，宣布文頌男離世，終年僅29歲。

前J2患癌主持文頌男離世：

前J2節目《不正常愛情研究所》主持文頌男（Koba）因癌正離世，終年僅29歲。

文頌男生前預先撰寫遺言，今日晚上10時公布離世消息，令人心酸。

文頌男慘被病魔折磨。

文頌男去年12月在IG公布患癌。

文頌男去年確診罕見的尤文氏肉瘤（Ewing's Sarcoma）。

文頌男早前慶祝29歲生日。

文頌男消瘦很多。

文頌男的胞姊早前在IG上載姊弟照，透露文頌男腫瘤擴散，下半身沒有知覺。

文頌男早前亦有在社交平台發文透露他在醫院：「短期內出唔到院，身體情况好差。」

文頌男化療後毛髮開始脫落，故索性剃光頭。

文頌男直言電療前照X光等過程已令他痛苦不堪：「成個過程我諗做咗四個字至半個鐘，我諗我去到一半左右已經痛到頂唔順，開始喺度呻吟，我差啲想大聲叫救命……」

文頌男亦會接受不同媒體訪問。

文頌男早前再度入院，曾提到在公院睡不好，等不到適切治療，又不滿醫生「趕住走」。

文頌男日前透露每日都盡量進食，但吃一點便有「頂住」以及想吐的感覺，更指坐起來時有胸口痛的情況。

文頌男月初曾表示身體情況不理想。

不少網民看到文頌男的言論，都擔心他的情緒，怕他失去積極治療的動力。

文頌男當時也再度表現出負面心態。

文頌男預先撰寫遺言

文頌男生前預先撰寫遺言，今日晚上10時公布離世消息：「好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。」

文頌男上月底開始下半身癱瘓

文頌男直指自己在上月22日已經下半身癱瘓，被緊急送入醫院，而文章則在7月10日撰寫，當時病情不但未有好轉，而日漸變嚴重：「醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。簡單嚟講，依家就係等緊死，純粹希望死得舒服啲。喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。」

文頌男今午病逝後事從簡

文頌男生前曾在網台「閃芒」作幕前演出，今晚10時「閃芒」IG亦同時貼出訃聞，透露文頌男於今日（13日）下午離世：「文頌男的離世是我們團隊的一大損失，也讓無數喜愛他的粉絲感到深切哀痛。我們將永遠懷念他，感謝他在我們生命中留下的無數美好回憶和歡樂時光。」同時透露將會尊重文頌男意願，身後事一切從簡：「我們將尊重文頌男的遺願，身後事宜一切從簡，不會安排任何公開的追思會或喪禮。我們亦懇請大家尊重其家人和親友的隱私，避免過度打擾。謝謝大家的理解與體諒。」而團隊亦將暫停更新一周，討論日後發展。

文頌男談抗癌經過：

文頌男（右二）憑主持J2節目《不正常愛情研究所》而為人熟悉。

文頌男去年12月自揭患罕見的尤文氏肉瘤（Ewing's Sarcoma）。

經歷五次化療後，文頌男曾宣告治療無效，椎間近盤骨的惡性腫瘤疑有增大跡象。

為免感染病菌加上體力不足，除了到醫院覆診外，文頌男現時甚少外出。

文頌男平日覆診都要Call車，並需全程跪地乘搭。

文頌男（左）早前精神稍好在老友Dean陪伴下回網台辦公室。

由於車廂空間狹窄，文頌男只好拎出自備咕𠱸墊住坐。

文頌男指平時會用自備咕𠱸墊住跪，最初因引來司機奇異目光而感尷尬，後來也慢慢習慣索性豁出去。

文頌男表示，化療後痛感沒初期那麼嚴重：「之前完全坐唔到，而家好啲，所以可以坐到30至45分鐘，視乎座位夠唔夠軟，雖然而家有啲頂住頂住，但都接受到。」

由於腫瘤壓住椎間神經，文頌男指試過下半身持續劇痛30多小時，經化療後本來痛症大大下降，惜後期再次浮現，令他心力交瘁。

文頌男指，劇痛時10分滿分有8、9分痛：「係好多種唔同嘅痛夾埋，譬如放射痛、俾針拮及火燒嘅感覺，主要由大髀到膝頭後面。」

文頌男現時需長期服藥舒緩痛楚，但他說：「而家就算食藥都Keep住2、3分痛，間中會突然持續兩個鐘劇痛，痛到意識模糊。」

文頌男曾接受28次放射治療（俗稱電療）。

文頌男成長路上歷盡坎坷，12歲時父親為菲律賓情婦拋妻棄子，更留下大筆債務。

文媽媽惟有密密做獨力養大一對子女，終於捱到囝囝大學畢業。

文頌男成功考入教育大學，並取得藝術管理及藝術教育雙學士資格。

文頌男（中）讀書時期曾到中學實習。

然而實習前一日，文頌男曾因情緒抑鬱而欲輕生：「當然最終冇做到，好唔開心咁去咗間學校，全程都要收埋情緒扮冇嘢，照樣準備好教材去工作，唔想麻煩到人。」

經歷大病後心臟更強大的文頌男豁達直說：「有咩重要得過你就嚟要死？以前好關注或者為啲咩同人嘈，而家都覺得好無謂好少事，最緊要自己活得舒服、開心。」

言談間文頌男一直表現堅強，惟提及家人即難掩情緒數度流下男兒淚。

提到年過60的文媽媽為方便照顧病兒，索性辭去日間工作，晚上8時至清晨6時則做清潔工幫補家計，文頌男嘆道：「我冇工作仲要佢照顧我，自己都好愧疚。」

昔日覺得一切都是理所當然，大病後文頌男（右）才洞悉家人朋友無私付出的可貴，他爆喊說：「有時見阿媽幫我做啲嘢，我會同佢講『媽咪，我好愛你』，以前好少表達呢樣嘢，可能我驚自己時間唔係好多。」

文頌男（中）自幼與文媽媽相依為命，兩母子關係密切，加上早年踏入社會幫手還清債務，目前經濟狀況尚算穩定下來，因此他認為家庭方面算是無憾。

文頌男（中）倒是最牽掛一班死黨。

文頌男（左）指Best friend很依賴他，擔心自己離開後沒人給予對方情緒支持。

文頌男（右）亦表示仍有許多事情想跟戰友們一起做：「可能係一齊拍攝，呢個年紀應該喺工作上可以同佢哋Achieve（實現）好多嘢，但我做唔到。」

文頌男寄語年青一輩努力實踐夢想，「如果好似我咁覺得自己時間無多，你就會發現所有外來壓力同聲音都唔重要，有咩想做想講就唔好再拖，要投入去做，只要Keep住熱誠努力做，係一定有回報同進步。」

到訪問尾聲，雖感前路茫茫，但文頌男仍樂觀為自己打氣：「我一定會好番㗎！」

文頌男曾收到不少圈中人慰問，包括J2高層、《東張西望》主持及電台DJ，其中令他最驚喜的是梁祖堯（圖）的私訊關心。

好友Dean與文頌男由細玩到大，一直視對方為家人，他指平日出現情緒問題、工作遇到困難也會找對方傾訴，「同佢有好多點滴同回憶都好深刻，嗰時佢搵我拍片、一齊去玩，由咩都唔識到慢慢教到我識，希望佢快啲好番，有好多嘢都想繼續同佢做。」

說到文頌男患病後曾表示很辛苦，好友Dean不禁爆喊道：「有時佢有好多唔好嘅念頭，話好想放棄嘅時候，我好想同佢講『你堅持吓得唔得呀』，但我覺得咁講好似好自私，因為我見到佢好辛苦。」

訪問期間，文頌男與好友Yanice（右）不時鬥嘴，後者笑指對方「大細超」對她特別惡。話雖如此，但Yanice不時到醫院探望文頌男，十分有心。

好友Yanice（左）爆料指去沖繩拍外景時，四日內跟文頌男鬧了兩次大交，原因只為爭房等小事。

Yanice坦言眼見文頌男受疾病纏繞也感心痛，表示無論前路多難行都會一直陪伴對方走過：「以前好多時候都係佢就我多，如果將來冇乜機會一齊拍嘢，我諗我都會幾後悔為啲小事而發你脾氣，希望有多啲時間大家好好相處。」

文頌男IG全文：

好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。

呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。

其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。

自從入院以嚟，到我撰文呢一刻（2024年7月10號），已經接近三個星期。唔好講病情冇好轉，反而越嚟越差。胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我可以喺外部摸到。有知覺嘅地方都感覺24小時都好痛，例如肩胛骨、頸椎、頭皮。

我仲有氣促，心跳長期偏快，依家要吸氧。每朝早都會有發燒嘅感覺，不過量體溫就量唔出發燒，而且仲會覺得好凍，但就出曬汗，身邊嘅人感覺我發緊熱

醫院已經開咗好多唔同嘅藥畀我，不停調整劑量，雖然有抑制到大部分症狀，但仍然都係好辛苦、好唔舒服。

醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。簡單嚟講，依家就係等緊死，純粹希望死得舒服啲。

喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。

其他文章：

29歲J2患癌主持文頌男腫瘤擴散下半身無知覺家姐難面對壞消息：彼此心中有數

J2患癌主持文頌男獲梅艷芳猛料好友安排專車接送覆診！撰文感激：明明本來唔認識我

J2患癌主持文頌男病情疑漸趨樂觀？一原因遭網民怒轟：希望畀多啲空間我

前TVB主持患癌住公院大呻似坐監？稱被拖症致怪病纏身：冇錢就等死囉

J2患癌主持文頌男再度入院早前獲兩猛人援手怕再被罵急解釋發長文原因

J2患癌主持文頌男專訪｜上月宣告治療無效父因情婦拋妻棄子由媽媽獨力撫養成人：我對佢好愧疚

J2患癌主持文頌男完成化療撰千字文交代病況：活得好冇尊嚴