觀塘男子險墮樓|熱心街坊親述力挽狂瀾經歷 為救人受傷在所不計:人生經歷最長20分鐘
2024-07-12 20:46
觀塘翠屏北邨一名伯伯今日(12日)下午晾衫時失足時,倒吊在7樓的晾衫架近半小時,險象環生,幸街坊及時發現,用力捉住伯伯腿部,堅持至警員消防趕至,順利救回伯伯。當時及時捉住伯伯的救人英雄陸先生,事後接受傳媒採訪,親述自己破門入屋救人,鬼門關前力挽狂瀾的驚險場景,形容「係我人生經歷最長嘅20分鐘」,更直言「救人係每個香港市民都係要做嘅一件事」。
救人英雄陸先生任職裝修散工,家住5樓。他表示當時在家中玩手機,突然聽到窗外傳來「哎呀仔,我好辛苦呀」,他初時以為是鄰居長期病患呻吟,故沒有特別理會。然而未幾,窗外聲音卻變為「救命呀!救命」。陸先生向窗外張望,初時還不知道有人倒掛樓上窗外,便大叫「係咪嗌救命呀?咩事呀」。及後陸先生應對方要求打999,問清楚對方所在樓層是7樓後,便衝上樓協助救人。
相關新聞:觀塘翠屏北邨男子疑晾衫失足 半空倒掛「吊吊揈」 街坊捉腳救一命
![陸先生指救人過程中不斷安慰老翁。黃文威攝](https://image.hkhl.hk/f/1024p0/0x0/100/none/340916adcd9e5e5db2caa4b5f779c65b/2024-07/KakaoTalk_20240712_192306910.jpg)
![陸先生表示即使肚皮有瘀傷,但為救人也沒有問題。黃文威攝](https://image.hkhl.hk/f/1024p0/0x0/100/none/060fb9fba280ccdacb22ff2f80fd2dc2/2024-07/011_4.png)
![陸先生展示肚皮的瘀傷。黃文威攝](https://image.hkhl.hk/f/1024p0/0x0/100/none/bc4304df47ea48399506cc408e6e6beb/2024-07/009_3.png)
![陸先生展示肚皮的瘀傷。黃文威攝](https://image.hkhl.hk/f/1024p0/0x0/100/none/5211d61d64d08ecdc05d323b48e5c6ad/2024-07/007_3.png)
![陸先生展示肚皮的瘀傷。黃文威攝](https://image.hkhl.hk/f/1024p0/0x0/100/none/92da0a7a7bc24835bece9295b2cf70e3/2024-07/006_7.png)
相關新聞:觀塘男子險墮樓|聽呼救聲即跑上樓幫手 救人街坊謙稱:出於本能
陸先生坦言,上樓前他還以為只是有人在病床求援,上樓後在同大廈友人引領下,抵達事發單位旁邊的露台探頭外望,「喺窗台度攞開啲衫,屹個頭出去睇,發覺伯伯成個已經係全身喺窗台出面,晾住喺晾衫架上面。當時我第一反應覺得好危險,想盡辦法睇隔籬有無鎖匙,拍門又無人應,我就即刻破門入咗佢間屋」。
陸先生稱進入事發單位後,首先看見單位窗台有一張凳,他拿開凳子,見到對方卡在晾衫架,「成件事係好驚險,而且我腦海當時一片空白,只可以即刻捉住咗佢腳,固定咗佢,希望佢唔好再郁嚟郁去,同埋安慰佢『無事嘅,我嚟咗啦,你放心啦』,一邊再大嗌希望樓下啲人可以注意到我,希望第一係樓下唔好有人行嚟行去,第二係其他市民見到上來幫手」。及後雖然有市民上樓,但由於窗台狹窄,故難有空間幫手。
陸先生補充,伯伯當時左小腿卡在欄杆,已經骨折出現瘀血,右腿則撐在牆上,其中一手則扯住煤氣喉以作固定,而他只能用力捉住伯伯的腳。陸先生感嘆「係我人生經歷最長嘅20分鐘,我真係無曬力」;又指自己當時用盡全身力氣保持平衡,避免伯伯跌落樓,事後回家沖涼時才發覺肚皮位置有瘀傷,而且手臂也軟弱無力。
最後警員及消防飛將軍陸續到場,一同協助將伯伯救回安全位置。陸先生憶述與警員一同扶穩伯伯期間,伯伯曾經亂動,「當時我同警員安慰佢,話『唔好郁呀,你一郁同我哋鬥力,個力唔啱你就有危險啦,你定住我哋轉頭飲茶啦,無事嘅,我哋一齊捱過去呀,好多街坊同你打氣呀!好多警員到咗呀,你一定無事呀,放心啦!』」。
陸先生亦提到,伯伯懷疑倒吊時間過長,「已經雙眼通紅,對眼腫曬」,獲救時意識較為模糊,「我估佢都可能唔知我係邊個,可能都見我唔到。不過唔緊要啦,我覺得救人最重要係救到」。他又稱,平時有野外運動及歷奇課程,慶幸從中學到不少救人知識,「最深印象係阿Sir講過,救人你一係唔好救,救得就唔好諗」,又稱「當時又好驚自己會跌落去,但無諗得咁多」。他坦言「救人係每個香港市民都係要做嘅一件事」,希望伯伯可以早日康復,日後能與伯伯及救人警員,3人一同飲茶。
最新回應