周志康9歲大女遇變態佬「想摸」囡囡 老婆嬲爆：佢踎低睇枱底
2024-07-11 20:00 
現年34歲、「巨星幫」出身的周志康（Daniel ）在2014年與圈外女友Emily結婚並育有Emma和Elva兩個女，一家四口的生活十分開心，不過日前發生了一件不快事，搞到Emily嬲爆說：「竟然冇飛個餐牌埋去或者捉住佢！」
相關閱讀：周志康26歲做「嫩爸」家中有三條Queen 老婆曾認錯阿哥係自己
周志康大女險被變態佬非禮：
周志康太太發文鬧爆變態佬
周志康的太太Emily婚後專心相夫教女，經常陪兩個女兒參與不同的課外活動，今年已經9歲的Emma，近年參與不少香港啦啦隊的公開賽，成績理想，媽咪Emily經常在IG分享女兒的比賽相並說：「喺閃閃發光嘅emma自信勇敢，見到佢好開心，睇得到佢同大家嘅努力，又一個金牌，繼續加油！」但日前發生了一件不快事，搞到Emily在IG限時動態發文鬧爆「我好嬲！好嬲！真係好嬲！」原來大女Emma日前險被變態佬非禮，她說：「暑假係咪特別多變態佬？前日喺條街度有個變態佬想摸Emma，佢避開咗 然後再話我知，不過嗰陣已經唔見咗人！！！我叫佢下次記得大叫！」
周志康太太後悔「冇飛個餐牌埋去」
想不到事件又再發生，幸好Emily及時發現，她憶事發經過：「頭先我哋坐喺商場餐廳嘅門口位，佢哋玩緊我電話，我四圍望，有個怪人喺出面望住佢哋，我都覺得佢怪怪哋，究竟睇緊咩？過咗幾秒之後行咗去我嗰邊，直程踎低睇枱底，我勁大聲鬧佢：『喂！你做乜？』佢話唔好意思，9秒9就係唔見咗！X，好嬲，我竟然冇飛個餐牌埋去或者捉住佢！」
周志康自爆老婆曾經認錯兩兄弟
周志康在2009年與孖生哥哥周志文一齊參加第一屆《超級巨聲》，多年來外界有不少人仍未能分辨出「邊個係大孖？邊個係細孖？」周志康曾在訪問上自爆連老婆都曾經認錯兩兄弟：「因為佢唔知我係孖生，嗰時佢第一次上我屋企，我咁啱整緊嘢、我阿哥去開門，佢就奇怪點解呢個人咁熟悉又咁陌生嘅。」反而兩名女兒未有「搞錯」周志康和大伯周志文的身份。雖然周志康在26歲已經做了爸爸，不過他曾經表示不覺得有困難，一來有不少渠道去學習，二來他認為教子女方法最重要是兩公婆想法一致，需要互相提醒，對小朋水要有耐性，他覺得循循善誘、溫柔對待是最好方法。
其他文章：
最新回應