7.19開騷 ｜陳卓賢Ian 滿意個唱綵排進度 「不期然嘴角上揚」 認為擁有長相廝守愛情非易事

MIRROR成員陳卓賢（Ian） 一連七場的首次個人演唱會《IAN CHAN "TEARS" IN MY SIGHT SOLO CONCERT 2024》將於下星期五（19日）假亞博Arena展開，進入倒數階段的Ian ，正忙於為演唱會積極綵排，今日（11日）他接受商台謝茜嘉《叱咤樂壇》的視像直播訪問，除透露滿意演唱會進度，又表示綵排時會不期然嘴角上揚  ，更預告今年度第四首新歌正在同步籌備當中。

Ian接受商台謝茜嘉的視像直播訪問，他表示好滿意演唱會進度。

Ian更預告今年度第四首新歌正在同步籌備當中。

直播中，見忙於籌備演唱會的Ian心情輕鬆。

Ian狀態極佳！

直播中，見忙於籌備演唱會的Ian笑容滿面，心情輕鬆，狀態極佳，對於演唱會的籌備進度，他表示：「密鑼緊鼓，一陣間做完live都即刻去綵排，相當順利，我自己都幾興奮同期待。」被問到作為演唱會導演、監製兼音樂總監的他，到現在身份有否改變，需要放手去俾人搞？他輕鬆表示：「其實呢一個演唱會每一個單位都有好好嘅前輩一齊去合作，今次覺得個人好似跳返去音樂氛圍到，有時綵排緊嘅時候都會不期然嘴角上揚 ，好開心好滿足嘅感覺，所以我自己都幾期待。」他更笑言自己都好想做觀眾睇吓呢個騷。

Ian 逐透露演唱會的內容：「唔係唱完一首簡單轉接去下一首歌，而係希望觀眾係入場嗰下已經有個體會，由Opening到ending係一個故事」問到除音樂以外，是否會有類似舞台劇的東西，Ian 即非常口密，並表示：「呢個要賣個關子，係邀請咗梁祖堯負責一part嘅導演，今次嘅主題係Tears，所以想喺唔同方面嘅情感展現出嚟，係開心，傷心、感動嘅Tears」Ian 希望觀眾入場不要有任何預設，帶着一個放鬆的心情好好享受音樂，而準備充足的他更指有信心可以做得好。

Ian 日前推出了今年故事系列第三首新歌《以孤獨命名》。

Ian演唱會主題是「Tears」，鬼馬的Ian 更笑言希望觀眾睇完係「笑住喊」咁走。

問到對於演唱會有什麼期待，Ian 坦言希望觀眾可以看到另一面的陳卓賢。

Ian說：「之前MIRROR喺香港開16埸騷，其實MIRROR 嘅Ian同Solo 嘅Ian係幾唔同，會有另一面俾大家睇到！」

Ian 逐透露演唱會的內容：「唔係唱完一首簡單轉接去下一首歌，而係希望觀眾係入場嗰下已經有個體會。」

問到會否會有類似舞台劇的東西，Ian 即非常口密，拍要賣個關子！

Ian透露邀請了梁祖堯負責其中一部份的導演。

Ian透露邀請了梁祖堯負責其中一部份的導演。

Ian 指錄音時亦唱新歌唱到非常「心up」，又笑言：「爭啲斷氣，太難唱，太密！」

Ian好留心地寫歌。

期待到時Ian在演唱會的另一面。

他亦預告今年第四首歌，正在籌備過程中，無論在編曲和旋律都有驚喜，亦都係一個新挑戰。

問到對於演唱會有什麼期待，Ian 坦言希望觀眾可以看到另一面的陳卓賢，「之前MIRROR喺香港開16埸騷，其實MIRROR 嘅Ian同Solo 嘅Ian係幾唔同，會有另一面俾大家睇到，希望大家留意到MIRROR 以外嘅Ian做緊嘅音樂，想喺個concert入面表達啲咩俾大家睇。」適逢演唱會主題是「Tears」，鬼馬的Ian 更笑言希望觀眾睇完係「笑住喊」咁走。

Ian 日前推出了今年故事系列第三首新歌《以孤獨命名》，故事由非常甜蜜，到突然間分手變得孤單，Ian 表示沒有刻意解釋故事發展的原因：「其實每一個人嘅經歷都唔同，所以想留白少少，等各人代入返自己嘅故事，加上我覺得《以孤獨命名》好似係大部份人戀愛都會經歷過嘅嘢」主持人立即追問Ian 的個人經歷，他則透露：「可能我個人比較悲觀少少，認為認識另一半可以長相廝守、白頭到老係好難得嘅，現實啲講愛情係要經好多考驗，唔係每一個人都可以咁完美地白頭到老到。」

Ian 續指錄音時亦唱到非常「心up」，又笑言：「爭啲斷氣，太難唱，太密，冇位換氣，係有嗰種鼻酸酸嘅感覺，而家錄音比起以前更加投入，以前係要刻意諗一啲情景，但而家音樂一響起 ，就會好快進入嗰個狀態。」他坦言有這個轉變可能是年紀大了，加上近年自己敞開心扉，願意讓情感外露：「自己都發覺呢年幾突然好似轉左另一個人咁，但係我覺得係positive嘅，以前對於一啲comments會有少少怕，唔知點應對，但係而家就平常心啲，自己係舒服咗。」最後，他預告今年第四首歌，正在籌備過程中，無論在編曲和旋律都有驚喜，亦都係一個新挑戰。