升中派位｜油天小六生「O嘴」爆紅 港航向3名「本份」同學仔及家人送機票 校方咁回應
2024-07-11 16:30 
日前升中放榜，油蔴地天主教小學（海泓道）一名姓陳學生成功獲派入華仁書院，其受訪時稱周一至周五都有補習，讀書是他的本份，其後一名方同學露出「O嘴」的驚訝表情，在網上爆紅，更引起海外媒體報導。香港航空亦乘機「抽水」，表示「想獎勵吓3位咁努力嘅同學仔」，向他們送機票，請他們一家人去旅行，於是在社交網站發文「尋人」。
相關新聞：升中派位︱學生受訪後方同學「O嘴」爆紅 校長親解原因：對一件事感到驚訝
港航：目的地任揀 強調包20kg寄艙及7kg手提行李
香港航空在帖文表示，雖然讀書「講辛苦真係談唔上」，但香港航空亦想「獎勵吓三位咁努力嘅同學仔」，為他們送上機票，「請你哋一家去旅行！」。港航呼籲3位同學本人或家長們見到帖文，盡快私訊聯絡小編，小編就會替他們安排，又稱「讀書係你哋嘅本份，為你哋製造快樂回憶都係我哋本份！」
港航小編表示旅行目的地「任佢揀」，「如果有兄弟姊妹都包埋」不過有留言問到「咁酒店呢？」，小編則回應「酒店唔係小編本份」。至於行李，港航小編表示「梗係包行李啦，20kg寄艙行李，7kg手提行李可以分兩件，免埋機場稅、燃油附加費」，笑言「 最緊要開心」。
校方：不用辛苦「尋人」9月前仍是油天學生
校方回覆《星島頭條》時表示，校方會尊重學生及其家長意願，指3位同學在9月前仍是油天學生，相關機構要找到他們不難，又指校方在事件中無立場。
記者：陳俊豪
最新回應