80歲葉振棠一講黃昏戀好尷尬：我唔係何伯跟關正傑失聯30年揭老友小秘密丨獨家

2024-06-21 07:00

殿堂級歌手葉振棠縱橫樂壇超過半世紀，唱過不少經典劇集主題曲，本月23日終於實現多年夢想，首踏紅館舉行演唱會。自言體力去到巔峰，80歲有心有力的棠哥會演繹30多首歌。對於近日被網民野生捕獲，偷拍到翹住年輕女伴行街，疑似發展黃昏戀！一提戀情，棠哥即耍手擰頭勁尷尬，坦言「我唔係何伯嘛！」採訪：方騫平攝影：朱偉彥

棠哥講返去年「生蛇」都驚。

「生蛇」後8個月仲有後遺症。

80歲葉振棠一講黃昏戀好尷尬。

棠哥自言今年體力去到巔峰。

棠哥有心有力。

葉振棠縱橫樂壇超過半世紀。

葉振棠周日紅館開騷啦，一票難求。

夏韶聲係《80告別樂壇演唱會》其中一位嘉賓。

仲有米雪力撐。

棠哥今年體能唔錯。

80歲仍老當益壯。

棠哥頻頻做唱片宣傳。

棠哥跟關正傑及陳百強都係唱得之人。

10年前，網上流出關正傑容貌，65歲好飽滿。

亞視經典劇集《浮生主劫》由已故張國榮及劉志榮演出，第2主題曲《戲劇人生》由棠哥主唱。

當年棠哥嘅《忘盡心中情》唱片大賣。

葉振棠（右一）有不少兄弟姊妹，圖為葉振棠小時候與母親、大哥、三哥、二姐、七弟、八弟的合照。

葉振棠70年代，陳潔靈、鍾定一等組成樂隊組合Topnotes。

葉振棠1980年在智利演出。

葉振棠1980年推出首張廣東唱碟《浮生六劫》。

葉振棠也曾參加過不少TVB節目。

葉振棠在《顧嘉煇榮休盛典演唱會》演唱《忘盡心中情》，也是煇哥最喜歡的作品之一。

葉振棠是結他手出身，靠觸覺不傷神，入行後不時為盲人機構籌款。

葉振棠曾與夏韶聲、劉雅麗、葉麗儀、肥姐、杜麗莎等演出舞台劇《麗花皇宮2003》。

葉振棠曾憑《這首歌》一碟打入「2014年IFPI十大廣東碟銷量榜」。

葉振棠與葉麗儀自1984年開始一起合唱及舉行演唱會。

《80告別樂壇演唱會》是葉振棠入行55年的首個紅館個唱，請來張德蘭、陳潔靈及夏韶聲做嘉賓，雷安娜更由加拿大返港助陣。不過，美中不足是跟昔日戰友關正傑失去聯絡，想請佢都請唔到。

曾去美國搵老友

談到神隱36年的關正傑，棠哥即滔滔不絕，爆出兩人之間的小秘密：「好多人以為紅爆80年代嘅《大地恩情》、《天蠶變》係我主唱，其實我只係翻唱，原唱者係關正傑；當年佢係建築師，唔方便接job就會私下彈畀我做，益我賺錢，雖然唔同唱片公司，但我哋唔係對敵而係朋友。」棠哥坦言30年冇見定居西雅圖的關正傑：「之前我去過兩次都搵佢唔到，好似顧嘉煇在生時都力邀佢復出，佢都唔肯。」

救傷隊抬走好瘀

今年初葉振棠推出最後一張專輯《80》後，順勢挑戰紅館申請開騷，竟然意外獲批：「以前喺紅館都係唱群星騷，唱歌唔會多過5首；今次會唱30多首經典及side track歌，所以準備功夫及緊張程度都多10倍，擔心完票房，就要求自己做到100分，喺視覺及聽覺上畀到觀眾驚喜。」棠哥事先張揚會跳少少舞，但又戴定頭盔：「但我唔係郭富城。」不過，因為僅得1成視力，舞台方面唔會有太多機關，棠哥最記得多年前在伊館做兩場群星騷，做完第一場落台時因為太黑睇唔到，結果叉錯腳「拗柴」，要由救傷隊員抬落台，同日夜晚嗰場要單腳跳出台，諗起都瘀到爆。

阿倫撐棠哥最後一張專輯《80》。

棠哥最後一張專輯《80》，「中一生」周吉佩及李佳有份參與。

棠哥有好多朋友。

葉振棠將最後一張專輯《80》受益捐給奧比斯。

棠哥眼力唔好，每次站台演唱都要小心奕奕。

為遷就棠哥視力，紅館舞台唔會有咁多機關。

曾生蛇苦不堪言

問到健康狀況能否應付今次個唱？棠哥強調冇問題：「今年身體狀況係人生巔峰，反而去年身體係最差嘅一年，年初中招(新冠肺炎)，9月『生蛇』，病發時仲要為《情牽煇黃經典演唱會》演出，我唱完頭場自己嗰Part經已辛苦到想暈，之後冇法完成『雙葉』合唱部份，尾場更加做唔到。」棠哥更因「生蛇」搞到手尾好長，「最初唔為意『生蛇』，以為面上出暗瘡，直至3日後左邊眼尾至耳後腫晒及出現小水泡才斷到症，可惜已過咗黃金72小時治療時間，所以手尾好長，即使相隔8個月塊面仍然有針拮感覺、牙肉有少少麻痺及耳鳴，好彩唔影響唱歌，最慘當日大病時有啲外地show取消唔到，食咗特效藥身體變得虛弱，血糖飆升及胃部不適，只能唱兩首又坐喺台邊唞15分鐘，好彩觀眾體諒係咁拍手支持，不過，我仍堅持唔『咪嘴』，自己一定要用真功夫才對得住fans。」

自言體力去到巔峰，又如願開到紅館騷，問棠哥可有諗過發展黃昏戀？一提戀事即變得敏感：「我唔係何伯嘛！」再追問曾被拍攝到跟年輕女伴行街，他依然大耍太極，更擺仔女上枱：「都冇啦真係㗎！80歲唔諗呢啲，仔女都大晒有自己家庭！」然後中年女助手如臨大敵，表示趕時間要走先。