何太直播爆喊！眼紅紅零眼淚引熱議 何伯大讚18歲繼子再突然交代身後事
2024-06-13 18:30 
《東張西望》76歲何伯與何太，最近先後被房屋署署長羅淑佩高調點名調查，再與翁靜晶網上展開不開名的罵戰，而再度成為熱話。昨日何太又湊何伯北上陽江，今日再度在抖音進行直播，其間何太一度爆喊！
相關閱讀：何太粉絲群發偉論稱「俾知識份子搞」 頭戴白花出巡被質疑咒老公死？
何太突然零眼淚爆喊？
稱曾拜祭已故何太
何太今午在直播指，曾經拜祭已故的前何太：「之前拜何老太太時，我斟酒敬茶嗰時仲同佢講，叫佢放心，而家軒（讀音）哥由我嚟照顧，我會代你好好哋照顧佢。』」何伯亦附和：「我老婆當時真係講呢句說話，我聽到呢啲說話，當堂眼淚都流出嚟，有個咁好嘅老婆，同我拜亡妻。」之後何太突然又多謝網民送出的心心、禮物，而何太亦繼續蘊釀情緒講到何伯細女：「當時以為佢細女真係防騙咁簡單，但經過呢三個幾日，百幾日以來，佢老竇大病又搵佢唔到，我就覺得唔係咁簡單嘅事。」
何伯鬧爆：啲人食屎屙飯
然後何太突然情緒激動爆喊：「我覺得佢哋真係……」何伯則在旁邊𠱁愛妻說：「今日13號啊，同你四個月喇，百日有多。我而家又無錢，做乜唔同我分手啊？」隨後何伯向何太遞上紙巾：「好人唔係咁易搵㗎，我就夠眼光，搵到呢個老婆。」此時何太喊得更加淒厲，何伯則繼續說：「唔好喊喇，老婆，我哋做嘅嘢有天地知，行得正企得正。最衰啲話人生安白造，有啲（人）以為真，嗰啲人食屎屙飯，個腦裝屎，就講得出呢啲說話。」
何太一邊喊一邊說：「唉……佢老竇畀咗佢仔女好多好多錢，都無睬佢。」何伯又繼續續鬧爆仔女：「到而家都無一個聯絡我。」何太又再度情緒激動哭腔說：「佢哋遺棄咗個老竇，我無咗佢唔得㗎，一定要照顧返佢。」何伯又說：「無你照顧我，今日見我唔到㗎喇，我而家個心好甜，我老婆對我好好嘅，點都唔會分開。我老婆對我咁好，我真係笑住走。」何伯還再度向何太示愛：「我真係鍾意佢。」
相關閱讀：「樂壇風紀」甄妮加入戰團撐翁靜晶？ 斥「河太」知識淺薄：垂死掙扎
何太雖然眼紅紅，情緒又好像相當激動，但竟然如《東張西望》之前的訪問一樣，沒有一滴眼淚，再被質疑是假喊，網民還直言：「哭得好像，但沒眼淚」、「好假」、「假到媽都認不得。」
何太揚言老公離世燒真錢？
何伯在直播中又提到何太的18歲兒子，更大讚繼子好過親生仔：「而家一個仔，個仔仲好過親生，對我仲孝順，我好開心。」何伯更突然交代身後事：「我第日死都唔會喺香港死，喺國內死，我啲骨灰唔運返香港，撒喺國內公園算數。」
何太不斷講450萬
何太則淡然接着說：「睇下啦，到今個月6月28號就係筆定期到期日，睇下佢回會唔會回心轉意畀返佢老竇，佢唔畀真係打官司。」何伯更挑戰香港司法制度：「睇下啲法官幫下幾十歲，定幫啲無知、41、2歲嘅何XX。」再度公開細女的名字，何太更怒斥銀行「想逼死老人家」。何伯不斷爆細女全名：「佢再唔心轉意，我一定同佢鏈到底。」
何伯：我血氣方剛
有網民提到何伯臉色紅潤，何太表示何伯無擦唇膏：「佢不嬲都係咁。」76歲何伯又再自豪表示：「我血氣方剛。」之後何太又繼續講錢：「筆錢畀返老竇，大家做返一家人。」何伯亦說：「畀返我就一筆勾鎖，唔搞咁多嘢。」當網民再度質疑何伯臉色時，何太賣慘說：「可能係啲微絲血管爆破，激氣囉。」不過何伯即時反駁：「我後生都有。」
其他文章：
何太爆粗與網民決一死戰玩賭命！重申唔稀罕何伯450萬：老公死咗將真錢燒畀佢
翁靜晶預告向「大媽」發律師信！何太疑對號入座邀當面對質：為了流量不擇手段
翁靜晶講解「一晚五次」論原來暗藏玄機 或與香港婚姻條例相關：原來有人好識法律
何太直播帶貨賣湯料包變賣書？遭揶揄「歪理變道理」 自爆冇錢請律師：蝦緊我！
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
最新回應