柳應廷張天賦合作開騷 All In演出不設上下限 MC：同Jer合作可以大膽玩多啲嘢

《KATCH OUR LIFE Jer柳應廷 x MC張天賦音樂會》將於8月底舉行，Jer表示：「當我知道有呢個合作之後好興奮，係咁同公司講，我哋一定要接呢個Job。我自己好期待，因為由造星開始認識MC，佢一直都係一個好唱得嘅唱將，而我亦都係以唱將形象出現，所以都已經幻想到一齊會好有火花。」MC亦同樣期待與Jer的合作，他說：「當初知道要演出音樂會嘅時候，係未知會同邊位歌手合唱，嗰陣時就諗邊個會係我最期待呢？頭兩甲一定係Jer，因為同佢嘅歌路都有相似嘅地方，佢亦都係一位好出色嘅歌手，同台經驗唔算太多，今次有一個真正嘅Concert可以同佢合作，同佢一樣超級興奮。」

Jer表示與MC開騷好開心！

MC指與Jer歌路有相似嘅地方，大讚對方係一位好出色嘅歌手。

Jer與MC都是《造星》出身！

MC表示腦海裡面已呈現了音樂會很多不同畫面！

兩位都表示要all in 唱功給觀眾！

Jer與MC有太多相似的地方：《造星》出身、入行前經常Busking、懂得玩結他、唱歌音域與曲風類同等等。兩人又會期待怎樣用音樂擦出火花呢？Jer說：「應該係聲音上面嘅交流，大家好似擂台上面較量嘅感覺，好似兩個Fighter，練咗一身武功，到時去到擂台大家會All In攞出嚟。」MC腦海裡面亦呈現了很多不同畫面，他繪形繪聲道：「可能會係各踞一方，好似音樂會海報咁一黑一白，然後大家去做一個拉扯或者對抗，甚至喺台上面一齊玩樂器，或者我哋會攞我哋畢生所學嘅嘢出嚟All In，或者攞啲我哋唔識嘅嘢出嚟玩，我覺得都係幾有趣嘅一個地方。」

除此之外，All In的還有二人的唱功，MC希望可以給台下觀眾驚喜，他說：「今次揀歌方面偏向平時未必可以喺舞台上面，或者未必有機會玩嘅歌，再喺入面揀一啲再刺激啲再Extreme（極瑞）啲嘅作品出嚟，因為好多時候揀歌都要迎合某啲原因，但今次同Jer合作可以大膽啲玩多啲嘢，同埋我哋加埋嘅上限係會高好多。」Jer亦希望做出一個截然不同的音樂會，他表示：「近排大家都愛上推出搖滾、Powerful啲嘅歌，宣傳Poster裡面大家亦都攞住結他Rock Rock地，都幾期待我哋到時喺台上面變成一個Band Show，然後一齊揈頭，台下有人轉圈（Mosh Pit），講下笑，未必會，但會係一個好投入但又幾有力量嘅表演。」
 

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊 https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow