吳鎮宇罕談拒拍《天地男兒》！要做羅嘉良陪襯「好唔舒服」 大爆有人對白難講多過10句
2024-06-06 21:00 
吳鎮宇近日忙於為邱禮濤編導、劉德華監製的電影《談判專家》宣傳，這次亦是他相隔19年再與好友劉青雲合作。吳鎮宇日前接受Do姐鄭裕玲的YouTube節目「The Do Show」訪問，由童年談到近況，更爆出很多不為人知的事！
相關閱讀：吳鎮宇現身內地在旁名導行動不便掀討論 患小兒麻痺症曾被劉德華作參考對象
吳鎮宇好多猛料同學？
62歲的吳鎮宇自小在黃大仙屋邨成長，有一兄一弟及兩位妹妹，吳鎮宇指小時候不曾出尖沙嘴，在沒有對比的情況下，一直覺得家庭環境不錯，由於爸爸是點心師傅，因此三餐溫飽，吳鎮宇在「The Do Show」分享父母雖然對他嚴厲，但家庭尚算和睦。吳鎮宇指小時候並未視演員為終身職業，只是覺得做演員無需太多技能，於是決定考TVB藝員訓練班，他表示：「講兩句對白，阿水都識啦！」豈料他報考了三次都不成功，第三次面試時，因見到評審對他眼睛的批評，認為外在條件難改變，於是放棄再報考，到布行打工。但因被客人讚他靚仔，載他第四度報TVB藝員訓練班，於是再考多次，最終成功入行。
吳鎮宇訓練班同學多猛人
吳鎮宇同期讀TVB藝員訓練班的包括梁朝偉、周星馳、李子雄、歐陽震華等人，吳鎮宇指除了現時成為天王巨星的梁朝偉、周星馳等，他當時見到某些同學都覺得驚艷：「嗰啲都高大都……例如林俊賢呀，關禮傑嗰啲靚到……就算當時唔識，唔知邊個會出頭，你一見到就『哇，呢班人都幾勁』。」吳鎮宇指當時只希望有份工作，沒有想得太長遠，直至身邊的同學都開始有劇拍，自己仍然未獲得工作安排，才慢慢有些野心。後來做了不少跑龍套角色的吳鎮宇，終於被安排拍攝他首部劇集《生命之旅》，與萬梓良、Do姐鄭裕玲合作。
相關閱讀：吳鎮宇15歲兒子突改名換姓貼老竇「遺照」 父子割席竟關猛料星二代事？
吳鎮宇90年代離巢闖影圈
吳鎮宇在TVB連拍多部劇集後，成為一線小生，卻於當紅時決定離巢，吳鎮宇直言因為工資不理想，而且身邊很多朋友如劉青雲都闖電影圈，因此決定於1992年離開TVB。吳鎮宇在電影圈拍攝《古惑仔》系列、《爆裂刑警》及《鎗火》等成名，其中《古惑仔》中「靚坤」一角，更肯定了他演反派的實力。吳鎮宇指拍攝《古惑仔》時有不少即興對白是他想出來，由於在TVB訓練有素，因此拍電影相對較為輕鬆，但並不是人人都可以即興配合，他表示：「有啲人唔即興得就排好啲囉！有啲新人呀，大佬B（吳志雄）嗰啲新人嚟㗎嘛！騰雞騰到……係咁同佢對稿，我話畀你聽，喺電影界，（拍）電視（出身）嘅演員可以一口氣講晒啲對白係令佢哋羨慕不已，佢哋不能講10句對白以上。我哋一句一句嚟反而弱，叫我哋講多啲仲好。」
相關閱讀：吳鎮宇削髮為僧舊照瘋傳！曾宣稱50歲後出家 靠修行入TVB做影帝視帝同學？
吳鎮宇拒拍《天地男兒》？
吳鎮宇原本有份拍《天地男兒》？
吳鎮宇在電影圈闖出名堂後，仍有為TVB拍劇，其中與羅嘉良、張可頤及宣萱主演的劇集《難兄難弟》就成為經典。吳鎮宇透露其實《難兄難弟》是他表明想與羅嘉良一同做男主角，而開拍前，吳鎮宇本被邀請拍攝戚其義監製的劇集《天地男兒》，吳鎮宇表示：「當時我細啦，《難兄難弟》嗰陣，人哋問我，我都話搵嘉良啦！咁《天地男兒》嘉良係第一男主角，我又要做個反派。我喺TVB做完反派，我出面（拍電影）做反派唔值錢！我返TVB做咩仲要做60集反派，即係譬如你做咗『表姐』，你返嚟我畀60集『表姐』你做一做……」吳鎮宇指當時年輕，對於回TVB拍劇不是做主角有些不滿：「嘉良本來係我點名要求合作㗎，下一套又要襯佢，仲要做反派，係好唔舒服㗎喺嗰個年紀嚟講，而且我更加唔會理添啦！」吳鎮宇亦對於令前香港無綫電視戲劇組製作部總監梁家樹「難做」感抱歉，他指只是出來見面聊起這部劇，卻令梁家樹誤會他會接拍，令他難對戚其義交代。吳鎮宇亦指自己當時說出不該說的話：「我仲要話，TVB真係一間咩公司……即係一間唔好公司，因為我心入面不斷諗，點解呢，我返嚟幫你拍套咁高收視嘅《難兄難弟》成為經典，跟住又呃我做呢啲嘢呢？」因此最終他拒絕接拍《天地男兒》。
相關閱讀：香港小姐2022｜冠軍林鈺洧父林俊賢《天地男兒》爆紅與黎明並列一線 靠fb搵返囡囡
吳鎮宇因「Sam哥」錯過《無間道》？
在電影圈，原來吳鎮宇亦有很多「錯過」的角色，他透露當時剛接演《衝上雲霄》，被邀拍攝《無間道》，但因為「Sam哥」造型已定，他認為如果接演，最有機會是出演「黃Sir」一角，但此角已定為黃秋生飾演。吳鎮宇指當時幕後團隊向他提出另一方案，不過他拒絕接演，他表示：「我話因為我而家剪咗個『飛機頭』呢，我不能同你做曾志偉『一將功成萬骨枯』個角色，我話不如做『黃Sir』，但個角色留咗畀黃秋生，咁就唔好搞我喇！因為一來我又唔係好想再做嗰類黑幫角色，因為志偉哥做就好睇啦（掃飯盒場面），我哋呢啲又係陳腔濫調，起碼我唔知點搞出一個新花樣。」《無間道》上映後大獲好評，隨即開拍《無間道2》，幕後團隊再找他出演，最終他演出「倪永孝」一角亦成為他的代表作之一。
其他文章：
吳鎮宇一家三口返星洲度歲 15歲兒子Feynman退隱微博半年 鬼祟露面疑患社恐？
吳鎮宇囝囝突自爆患病退岀「微博」 疑難抵輿論壓力專心準備高考
吳鎮宇靚妻激罕宫廷Look曝光 近200磅囝囝成功收身贏姜濤幾條街
61歲吳鎮宇罕現青澀樣！與兒子探望91歲劉兆銘同框合照好有愛
緊貼最新最快新聞資訊，請立即下載星島頭條App：https://bit.ly/3Q29Vow
最新回應