東張西望丨容羨媛被「垃圾屋」婆婆寸問題幼稚 曾多度採訪失言惹爭議
2024-06-06 20:30 
TVB節目《東張西望》前日（4日）報道「垃圾屋」阻塞單位門口及後樓梯，由主持容羨媛全程採訪。當容羨媛遇上涉事「垃圾屋」屋主婆婆時，表示希望向對方提供幫助，卻遭婆婆語帶不耐煩寸爆：「我覺得你都問得…我唔敢得罪啊，好幼稚！問得好幼稚！」不少網民竟認同婆婆言論，直指其訪問技巧好差。容羨媛對網民的反應，今日在社交網出PO回應。
相關閱讀：東張西望丨精液斷診「女中醫」被捕！黎寬怡被推撞上演追逐戰 驚恐表情逐格睇
容羨媛為採訪「垃圾屋」被寸問得幼稚回應？
《東張西望》前日報道「垃圾屋」情況，有指涉事女戶主退休前是一名老師，節目派出容羨媛採訪，她在單位外視察情況，見到單位門前的雜物，堆積高度比自己還要高，而且單位大門被阻塞，無法進出。容羨媛之後訪問鄰居，街坊指屋主雜物影響其他人，更擔心如遇上火災時無法逃生。
容羨媛採訪被婆婆寸爆
容羨媛採訪期間，屋主突然現身，被問到有家歸不得，婆婆表示：「冇幾多年㗎啦！」之後稱附近鄰居發出噪音，令她「有家歸不得」。容羨媛繼續問屋主，被對方指︰「你接觸到我痛處！」容羨媛再問如果解決到噪音問題，會否搬回單位居住，卻遭婆婆寸爆：「如果可以嘅話就可以啦！係唔係啊？我覺得你都問得…我唔敢得罪啊，好幼稚！問得好幼稚！可以入去住我入去住啦！我想請問下係邊位請你哋嚟呢？」
容羨媛獲網民留言鼓勵
經過一日發酵，容羨媛今日在IG留言：「話我啦話我啦，我冇問題㗎！最緊要係而家啲雜物清晒，大家唔洗再驚走火通道同樓梯被阻塞！希望困擾咗大廈近20年嘅問題真係可以解決啦！」不少網民在其帖文下留言鼓勵：「Support！明白的自然會明白」。
相關閱讀：東張西望丨何伯曾被子女警告收口？誓要令大仔「工都冇埋」 驚爆大新抱啞忍老公出軌
容羨媛採訪失言事件：
現年40歲的容羨媛是圈中擁有高學歷的藝人之一，於香港理工大學取得建築經濟及管理學（榮譽）理學士，並入讀香港浸會大學獲得傳理系碩士學位。容羨媛於2004年讀大學期間參加DJ比賽，成為香港電台DJ，直到2008年離開電台轉投TVB，先在娛樂新聞台擔任節目主持，到2012年加入《東張西望》成為廠景兼外景主持，在節目中已工作12年。
容羨媛高聲量被指浮誇
不過容羨媛在《東張西望》的表現，經常為人詬病，除被指她在節目中以高聲量說話，感覺誇張外，其中在多次訪問藝人時失言，遭炮轟冇腦兼唔識尊重人。容羨媛曾在採訪《下流上車族》演員時，容羨媛站在林敏驄身後不斷「喂嘩鬼叫」，導致林敏驄要多度掩耳，容羨媛見狀卻反問：「係咪聾喇？」令林敏驄一度尷尬。
容羨媛訪問《美麗戰場》演員蔣家旻和李成昌時，開場白竟然是興奮表示：「全城熱睇蔣家旻兩分鐘強姦戲！」令受訪的蔣家旻一臉尷尬。容羨媛之後又問李成昌：「你又強姦咗人，然後大家仲好開心支持你，你冇被人鬧，你咪最著數？」李成昌無奈表示：「我好多思考㗎！我哋男演員真係好多思考㗎，有啲位又唔可以過份，但係又要自然，好大壓力㗎！」
容羨媛被斥沒有做功課
高海寧、何依婷和王敏奕一同演出《新聞女王》，容羨媛訪問時恭喜三人：「恭喜各位終於有代表作喇！」入行15年高海寧化解尷尬說：「今次真係確確實實feel到自己真係有代表作，係幾感動嘅一件事。」有網民直斥容羨媛沒有做功課，因高海寧在其他作品上已獲得肯定。容羨媛之後訪問何依婷時，更口沒遮攔，先指何依婷角色十分慘，再問對方：「你係唔係即係妹仔命啊？」遭網民轟問題沒有水準。容羨媛又試過稱呼何廣沛和鄧智堅做「公公」，更窮追猛打問何廣沛何時公開劇中與佘詩曼的床照，令二人非常尷尬。
容羨媛除了在訪問中失言，對住《東張西望》拍檔亦一樣，黃耀英與太太李旻芳當時已結婚近5年，二人未有仔女。容羨媛為引入「香港為全球生育率最低的地方」報道，竟問黃耀英是否有問題，更叫對方要去做身體檢查，令黃耀英一臉尷尬。
其他文章：
《東張西望》元老主持貼老婆互動片嗌心寒？ 過程極具痛楚鮮血噴面：好驚呀！
東張西望丨黎寬怡採訪又搵命搏！險遭馬騮襲擊嚇到花容失色 徒手摸廚餘垃圾
東張西望丨新東張女神秉承傳統小背心上陣 譚輝智唔敢望？竟被批眼神閃縮
緊貼最新最快新聞資訊，請立即下載星島頭條App：https://bit.ly/3Q29Vow
最新回應