張松枝 泰臣 羅雲龍圍埋講爆笑男人經 首搞網台《男團澡堂》求開心非為賺錢丨獨家

張松枝、泰臣和羅雲龍（龍師傅）有見近年興起拍網片，即一腳踢自製網台節目《男團澡堂》，公開3條麻甩佬平時坐埋吹水，大講男人經的爆笑對話。他們搞節目志在開心不求賺錢，所以形式好隨意，仲有機會出埋歌拍埋MV，一於玩盡佢。採訪：杜杜

松枝、泰臣和龍師傅為節目變得八卦，「要搵題材，多咗留意身邊事物。」

松枝、泰臣和龍師傅為節目變得八卦，「要搵題材，多咗留意身邊事物。」

松枝、泰臣和龍師傅為節目變得八卦，「要搵題材，多咗留意身邊事物。」

因松枝本身開始拍網片，不如搵埋兩個兄弟一齊搞個節目，「有時諗唔到拍乜，夾埋拍可能火花會好啲，反正我哋成日坐埋吹水，索性拍節目睇吓反應點囉！」泰臣想過自製網上節目，但1個人好難搞，加埋龍師傅亦變化不大，但有埋松枝就好唔同，「我哋有唔同範疇，唔同經歷，似坐喺大排檔吹水，講吓自己或人哋嘢都得，感覺得喎！」龍師傅覺得節目啱晒佢，「熟我知我係口水佬，仲可以喺前輩身上學嘢。」

松枝希望拍外景，首個目標在大排檔拍攝。

泰臣不介意做埋幕後，「當畀機會自己學多啲嘢。」

做慣玄學節目的龍師傅，首做清談節目覺得好好玩。

改名澡堂貪夠赤裸

節目名為《男團澡堂》，龍師傅就解釋澡堂是比較特別的地方，「男子澡堂正常得男人冇女人，咁咪可以講好多男人嘢，好似幾赤裸，個澡字又有3個口。」問作為師傅的他，有冇算過個名好唔好？他說：「大家話好就一定好啦！」泰臣笑言未得閒去澡堂住，「因為我哋先做咗男團先。（出首快歌排埋舞？）可以拍埋MV，應該幾搞笑。」

《男團澡堂》自3月開播，每周上架新集數。

拍攝前3人只需要度題目，「大家夠默契之後照吹就得。」

3人認為節目形式好彈性，因心態似玩。泰臣說：「我哋本身真係無一物去砌出嚟，唔需要太有框架，如果唔係玩就會有壓力，唔想有壓力，最緊要隨心。」松枝補充，「最緊要我哋唔係賺錢，我哋等人收購，哈哈！」問是否歡迎電視台邀請變成電視版？松枝強調，「唔好話邀請，最緊要有Budget先，我哋一定要質素好，唔好諗住畀兩嚿水我就拍半個鐘，我哋唔係咁得閒，我哋好忙㗎！」

3人認為拍攝時除了多幾個鏡頭，同平時吹水冇分別。

泰臣安排拍攝外，還負責剪接和後期製作。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

 

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/