東張西望丨何伯何太數臭行動升級！公開仔女姓名工作職位 爆大仔有兩頭住家：反骨忤逆
2024-05-29 18:15 
76歲何伯與何太為控訴細女將聯名戶口450萬元取走，以及5名子女反對他再婚一事而報《東張西望》，結果引起全城討論，連日來何太在粉絲群瘋狂爆家事，甚至在直播期間不單暗示何伯性能力強勁「一晚五次」，更與何伯即場咀嘴，結果被網民圍剿喪鬧！不過何伯何太依然懶理，在粉絲群突然失踪了一晚，今午如常進行直播，有備而來的何伯公開仔女姓名、工作職位以及多年來欠款，尤其是大仔，反骨忤逆兼有兩頭住家！
相關閲讀：東張西望丨何伯夫婦再度被網民喪鬧係極品 何太抖音帳號疑被封直播隨時告吹
何伯公開仔女姓名工作兼職位：
何太直播提何伯「講吓你啲仔女」
何伯和何太今日下午在抖音開直播，兩人食邊說話，閒話一輪後，何太對着老公說：「你講吓你啲仔女，網上有好多人誤解咗。」有備而來的何伯準備了一張「貓紙」說：「而家係咪講得，把聲沙咗喎。」何太霸氣地說：「又唔係叫你唱歌，沙唔沙聲有乜嘢關係？不過你驚唔記得，寫齊喇，你咪照讀囉。」何伯二話不說，中氣十足地逐個數臭仔女！何生先力斥大仔：「我個大仔何XX在2016年8月24號，攞咗我60萬米，本票40萬米，現金20萬米。2016年3月24號，又取咗30萬米，合共取咗我130幾萬米。佢話『咬糧』畀返100萬我，但佢『咬咗糧』我打俾佢，佢話100萬攞唔佢畀我，話畀返50萬我先，但佢唔覆我電話，我錄咗音佢冇覆我電話。」
相關閱讀：東張西望丨何太與前夫都係忘年戀！患抑鬱激動落淚 何伯睇疑似愛妻骨妹照靠一部位辨認
何伯稱12年冇掂過女人
何伯又稱在2018年6月，每名仔女都攞了五萬買，共25萬：「二仔何XX買保險差5萬銀冇得畀，佢又搵我攞5萬銀米，我唔想話我偏心，咪5個仔女都畀5萬，二仔裝修XX樓公屋，在2023年取了我35萬米，前後取了60多萬。」何伯又再爆大仔在警察部的職級：「佢個人攞咗錢冇得還畀我，有兩頭家，有頭家喺內地，生咗一對龍鳳胎，佢個人就係咁情形，冇蒲頭冇覆我。」何伯還說前妻入院都由他負責照顧：「直到16年前妻去世。」何太搶住說：「即係照顧咗佢3年，單身咗9年，加埋12年冇掂過女人嘛。」
何伯對何太表現再度遭網民鬧爆：
何太哀怨斥何伯仔女沒有良心
鏡頭背後突然有把男聲傳來，指何伯的「貓紙」遮住了鏡頭，何伯整理後再說：「我同佢哋個個都買咗陰宅，你睇下佢哋點對我？佢哋一下想置我死地。」何太哀怨地說：「太慘喇，佢哋太冇良心！」何伯再全力出擊！：「佢哋個個都冇良心，細女一下就攞晒我啲錢，二嫂同個孫都黑口黑面，唔睬㗎啦！喺西鐵見到打個招呼，都唔睬㗎啦！所以我而家公布俾大家知，同佢哋斬晒纜，唔好影衰我。」何伯透露細女仍留有其前妻首飾，「好多金喺細女度，喺夾萬度，係前妻啲首飾，有成十兩金喺度呀！啲錢喺細嗰度鎖住晒啦！」何生稱仔女不讓他入屋，「上門撳鐘都唔開門，叫保安趕我走，想置我於死地。」
相關閱讀：東張西望丨何伯強調「一晚五次」冇講大話！狂揸何太玉臂緊盯心口 直播濕吻零尷尬
何伯強調450萬是開裝修公司親手賺
何伯強調450萬是自己開裝修公司親手賺回來，「好多人以為我好食懶飛，根本佢哋冇畀錢養過我，一冇錢就同我攞。」何伯力數大仔最不孝：「最唔孝順就係大嗰個，反骨忤逆，攞我百幾萬走，呢頭買車，嗰頭抽籤買樓，抽唔到又唔出聲，自己又袋埋。」何伯補充：「大仔攞60萬買樓，搭住我膊頭講：『好多老竇都做唔到好似你咁，一嘢攞60萬。』嗰陣就老竇。」何伯會到銀行追回450萬：「唔得就去銀行總行示威，唔掂就到睬到佢掂。見銀行行長、董事長。一定要踩上去。」又稱要寄信給警務處處長、特首求公道。
其他文章：
東張西望｜何太失控狂爆何伯子女私隱：大仔高級過處長 直認享受「成名」生活
何太直播與何伯咀嘴咀到啜一聲！冧爆：佢一晚五次㗎 疑袋逾萬元課金
林作自封為「何太頭號公敵」！直播爆粗鬧爆：只係想呃呃𠱁𠱁唔使做
東張西望丨何太爆何家5子女成日攞錢！何伯誓爭450萬買金慰妻 亡妻生前花數百萬醫病？
何伯夫婦人氣直逼MIRROR成功課題目 何太自爆再上《東張西望》做帶貨KOL
緊貼最新最快新聞資訊，請立即下載星島頭條App：https://bit.ly/3Q29Vow
最新回應