顏國樑逝世丨太太霍潔貞首開腔憶述老公抗癌經過：我以佢為榮！大體老師遺願有變數留上天安排
2024-05-29 16:36 
曾於TVB經典處境劇《香港81》飾演「陳積」的顏國樑在周日（26日）驚傳離世，享年71歲。顏國樑生前與太太霍潔貞鶼鰈情深，顏國樑曾透露三度踏入鬼門關，當中兩次幸得老婆救回一命，雖然顏國樑已立遺囑，但在2022年宣布與霍潔貞結婚。顏國樑的離去，霍潔貞的心情當然沉重，她首開腔稱目前專心為老公打點後事並稱：「我以佢為榮！」
相關閱讀：顏國樑逝世丨梁思浩含淚憶顏國樑！難忘故友與妻私下恩愛一幕：到呢刻都唔會忘記
顏國樑霍潔貞昔日合照：
霍潔貞首開腔談及老公離世後心情
顏國樑和霍潔貞在TVB結識並相愛逾40年，在2022年顏國樑患上「鱗狀細胞癌」時，當時霍潔貞無微不至照顧，顏國樑曾透露三度踏入鬼門關，當中兩次幸得老婆救回一命。雖然兩人遲遲未註冊，但顏國樑早已立下遺囑「清清楚楚乜都係佢嘅」，不過仍決定要給霍潔貞一個名份，可惜顏國樑最後不敵病魔，在周六（25日）晚上離世。霍潔貞昨日（28日）首度開腔，接受好友鄧英敏主持的YouTube節目《顏國樑‧忘不了你》網上追思會的訪問，一直堅強與老公對抗病魔的霍潔貞說：「係沉重啲，但係OK，我好感恩身邊有好多錫我嘅朋友，喺呢段時間喺我身邊幫我，我係好感恩。」
顏國樑喪禮希望以佛教儀式進行
對於顏國樑後事的安排，霍潔貞說：「今（噚）日同殯儀有初步接觸，希望以佛教儀式進行，但係日子同各樣嘢係未決定，要攞咗個死亡證先，其他嘢一路進行緊。」顏國樑一直淡然面對病情，他曾表示得知患病時，唯一第一時間問醫生一個問題：「我2013年參加咗港大嘅『大體老師』計劃，咁而家張卡係咪畀你？」，當時顏國樑還說：「呢個唔係講笑，我知道做『大體老師』嘅人，當佢一離世，遺體就要即時處理，所以先會咁同醫生講。」
顏國樑「大體老師」遺願有變數
不過霍潔貞表示這件事可能出現變數：「我有打過電話去『大體老師』嗰邊，但係答覆因為師傅嘅磅數係190幾磅，佢哋收嘅遺體要under 180磅，所以應該唔會接收。但係佢哋有同我講，可以試吓『無言老師』嗰邊會唔會接受，我都有打電話去嗰邊，佢哋暫時都話可以畀啲資料佢，睇吓會唔會接收，不過喺我心目中，做唔做到老師都唔緊要，最緊要係佢本身嘅心願想咁做，原來個天覺得OK喇，唔使佢咁做，所以我都係平常心，做到就做，做唔到都緊要。」
顏國樑早期珍貴照片：
霍潔貞憶述了顏國樑臨走前的一件事
鄧英敏曾透露顏國樑在本月20日因呼吸困難入伊利沙伯醫院，在周六（25日）晚因為肺炎引致呼吸急速而離世，霍潔貞亦憶述顏國樑臨走前的一件事：「今次入院頭嗰3日，醫生都唔畀佢食嘢，佢一直都好恨食嘢，咁到第四日我同醫生講，可唔可以畀佢食啲糊仔，咁醫生就應承咗，第二朝佢好犀利，先食醫院嗰個早餐，火腿通粉同雙蛋，晏晝飲埋杯咖啡，跟住飲杯維他奶，食兩條麵包，夜晚就飲埋湯，再食埋麵包，嗰日佢好開心，呢日係佢臨走前兩日即係23號。佢真係好鍾意食嘢，佢好開心同我講，所以我覺得佢真係好正面，唔諗咁多嘢，有得食就盡情食，盡情享受！」
霍潔貞專心辦喪事並以老公為榮
顏國樑生前與太太在上水經營寵物店，問到今後的去向，霍潔貞說：「我暫時都會繼續做，其他嘢暫時都唔諗住，最緊要係幫我老公搞掂啲身後事，做得好好睇睇，希望佢滿意。」霍潔貞還說：「佢有佢嘅脾氣，不過佢係好錫我，但係佢錫嘅方式唔係一般喺把口度講出嚟，我係明既。」至於有否甚麼想向老公講？霍潔貞說：「我以佢為榮，佢好正面、勇敢、樂觀同堅強，佢真係叻。」
其他文章：
顏國樑逝世丨梁思浩公開顏國樑最後訪問窩心細節 要求拍靚前藝人太太留美好回憶
「陳積」顏國樑驚傳死訊！享年71歲 梁思浩貼合照：顏先生一路走好
顏國樑逝世丨鄧英敏揭顏國樑死因！原定今日往醫院探望 指顏國樑太太表現堅強
顏國樑傳逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命
顏國樑逝世丨69歲宣布結婚娶前藝員太太 一個原因拍拖多年未有註冊
顏國樑逝世丨2022現身台慶自揭患鱗狀細胞癌 公院留醫好無助 年初昏迷有幻覺
74歲顏國樑抗癌化療一度甩頭髮 北上被捕獲驚變白頭翁精神奕奕
顏國樑患鱗狀癌三期多次走出鬼門關 願做大體老師令生命更有意義
顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福
73歲顏國樑宣布將結婚 耗盡積蓄治癌取傷殘津貼感謝另一半照顧
-----------------------------
緊貼最新最快新聞資訊，請立即下載星島頭條App：https://bit.ly/3Q29Vow
最新回應