家族榮耀之繼承者丨余安安發難式演技逐格睇！藐嘴藐舌鬧爆Dada 被封「關菊英2.0」

由梁家樹擔任總監製、佘詩曼、林峯、羅嘉良、許紹雄等主演的的《家族榮耀之繼承者》逢周一至五於TVB翡翠台播出。昨晚劇情最後講到「Niki」Dada陳靜的舅父希望承包丘氏旗下其中兩間酒店的洗衣工作；今集陳靜果然為舅父成功爭取，不過令二嫂「戴綺婷」余安安嬲爆。

相關閱讀：家族榮耀之繼承者丨75歲許紹雄內地爆紅獲封「暖男天花版」 預告超豪冧妻手段逐格睇

家族榮耀之繼承者丨余安安演技大爆發：

今晚（22日）《家族榮耀之繼承者》播出第8集，「Niki」Dada陳靜向老公「丘守仁」許紹雄表示舅父想承包一、兩間酒店的洗衣工作。雖然許紹雄指酒店洗衣工作一直由二嫂「戴綺婷」余安安的娘家負責，但陳靜表示舅父舅母對她有恩，而許紹雄亦心軟去找「丘智斌」羅子溢商量，獲對方答應與余安安商量。

不過在家人的飯局上，余安安竟然發難，一坐下就拍枱鬧爆說：「我細佬打嚟投訴啊！話佢承包開嗰兩間洗衣房工作畀人抽起咗喎！」之後又繼續發難說：「佢仲話啱啱入咗批新嘅洗衣機，冇咗大生意，你叫佢點算呢！」還一邊望向陳靜方向，問羅子溢說：「係咪有啲人瞞住你自擺自為啊？」

羅子溢淡定回答：「媽咪，係我決定。」余安安立即顯得相當震驚，不過羅子溢依然冷靜解釋陳靜的舅父亦是做洗衣行業：「我見大家自己人唔好計啦，咪喺舅父揀咗兩間畀大伯娘舅父做。」期間余安安不斷唞大氣，似乎嬲到爆。

陳靜亦為事件解畫，指想找辦法報答供書教學的舅父。不過余安安繼續藐嘴藐舌：「你都幾好笑㗎喎，你就去報答，我細佬就冇咗單大生意。」陳靜則以退為進對羅子溢說：「如果今次真係令你舅父有損失，你當我冇講過吖。」不過之後連「丘守義」羅嘉良亦幫口，陳靜還繼續說：「我以為一家人，唔使吓吓都計得咁清楚。」激到余安安瞪大眼、擘大口想繼續鬧，不過許紹雄又走出來救場，指會購下余安安細佬的新洗衣機，其他人亦幫口打圓場，只剩余安安繼續睨住陳靜。

網民都留言表示：「余安安好似潑婦」、「直情係，佢係咪成套劇由頭發癲發到尾」，還有觀眾提到昔日的《溏心風暴》：「啲屋企嗌交，都係以前《溏心風暴》最正，阮兆祥、關菊英、米雪。」、「余安安十足十關菊英2.0」。

 

其他文章：

家族榮耀之繼承者丨陳靜做「飯局妹」小背心極速征服許紹雄 譜父女戀變真愛

家族榮耀之繼承者丨羅子溢「船震」床戲激過《婚後事》？被跨坐激吻性感女星摸大髀

家族榮耀之繼承者丨第6-10集劇透 羅子溢的身世大曝光 佘詩曼林峯復合無望？

家族榮耀之繼承者丨林峯「車震女」是選美亞軍兼武術高手 擁逆天長腿激似馮盈盈周汶錡混合體？

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7