49歲向海嵐諗唔通曾拒演60歲老校長由Fans變演員參演《我們的青春日誌》丨獨家

2024-05-17 08:00

向海嵐（Anne）是長壽音樂劇《我們的青春日誌》的忠實fans，製作人陳恩碩（Tom）曾多次邀請她飾演「嚴校長」一角，但Anne怕駕馭不到未敢挑戰，後經關寶慧鼓勵才肯試，不過不幸地因失聲要延期演出。另外，Anne提到跟《無頭東宮》拍檔聚餐，跟陳妙瑛都有傾到再合作可能性。採訪：杜杜攝影：朱偉彥髮型:Justin Yu@Xenter 化妝:Stephen Lau@Stephenmakeup 服飾:Max Mara、Legacy Lab

Anne怕再染病影響演出，出街必戴口罩，又食維他命和運動養好身體。

對於《青春日誌》將拍電影版，Anne也想參與演出。

49歲Anne跟陳恩碩相識於2017年，看着《我們的青春日誌》誕生，「佢嗰時諗過搵埋我做監製！」該劇已公演超過400場，Tom亦曾多次找她演「嚴校長」，都被婉拒，「因角色有句歌詞『我𠵱家60幾歲』，佢又話唔可以改細，哈哈！最重要係啲歌好高音好難唱，又快又有Rap，擔心未必駕馭到。」

對於《青春日誌》將拍電影版，Anne也想參與演出。

Anne都有參與Tom的爆炸戲棚10周年《爆show》演出。

同陳妙瑛傾再合作

去年Anne及Tom跟演了兩次「嚴校長」的關寶慧飯敘，她在寶慧鼓勵下終決定一試，「嗰時寶慧排緊佢第2次演『嚴校長』，佢話新版本啲歌有調整會唱得舒服啲，又叫我『你又做啦』。」她亦想通角色年紀不是問題，「好多朋友攞咗樂悠咭都唔似60幾歲，況且我真係好鍾意個劇，又未試過有咁多跳舞戲，戲份又咁重，都想挑戰吓自己。」可惜她因綵排期間患上流感，2月的演出要推到5月才演，「病咗個幾月失晒聲，感冒菌入咗聲帶，好返就到Tom病，於是集中火力完咗10周年個騷先再排。」

溫柔的Anne少演惡死角色，「Tom提我諗返《無頭東宮》點演。」

Anne為《青春日誌》綵排，「嚴校長」已入晒戲。

講到早前跟2002年劇集《無頭東宮》的拍檔聚餐，勾起觀眾無限回憶，「同陳妙瑛都有傾，用返《無頭東宮》班底去做啲嘢，遇到好啱先做，唔想破壞大家期望。」另外，她最近還有新嘗試，就是直播帶貨，「好耐之前試過，覺得唔太適合，但今次係平台搵，有好多支援，仲用珠寶達人嘅人設好適合我，試咗1次幾好，應該會繼續做。」