張馳豪自嘲舞台演出太廢挑戰跳唱歌 辛苦操靚Body做肌肉系男歌手丨獨家

張馳豪（Aska）首次推出跳唱歌《Dirty Rhythm》，這是他去年給自己的挑戰，既要創作快歌，又要跳舞兼操肌，雖然過程艱苦，但成就解鎖令他對未來表演更有信心，還計劃於本月18日跟林智樂和潘靜文開騷時展現努力成果。另外，他預告跟全球先生亞軍的細佬張馳杰，齊爆肌拍節目，各位「睇肉家」要留意。採訪：杜杜 攝影：譚志光 場地:Mira Place

Aska認為成就解鎖後，未來演出可以有更多可能性。

Aska認為成就解鎖後，未來演出可以有更多可能性。

Aska向來愛挑戰自己，故以寫快歌、跳舞和操肌作考驗，「跳舞係件好型嘅事，係呢行需要嘅技能，就算唔係跳得好好，喺舞台上都應該有個律動，表演先會投入好睇，以前自己太廢，想做得更好。」3項挑戰中，他認為寫歌較輕鬆，「寫快歌有個好處就係有beat，聽落覺得精神想郁，比寫慢歌free好多。」

Aska已決定長期保持好身形，為工作做好準備。

Aska已決定長期保持好身形，為工作做好準備。

Aska已決定長期保持好身形，為工作做好準備。

同細佬拍節目當旅行

Aska認為跳舞是最困難一環，花了最多時間同心機準備，不過上完第1堂，令他有少少後悔，「由開始學到拍MV大概1個月，上咗5堂，第1堂排舞師跳副歌部份畀我睇，開頭覺得好型，但諗到要自己做就弊，係咪開大咗個頭？！真係好驚，哈哈！」他瘋狂練習後再上第2堂，先開始有信心，「我跳完一次副歌，排舞師講『都真係有返去練喎』，係打咗支強心針，證明嗰段時間發夢都見到隻舞係有用，呃到吓人。」

唱慣慢歌的Aska， MV跳唱表演令人耳目一新。

Aska在MV中的造型，亦令人眼前一亮。

Aska早前公開活動演繹《Dirty Rhythm》，為演唱會作預習。

大學讀運動生理學兼擁健身教練牌的Aska，操肌不難，但執行就好痛苦，「拍MV前得返12日，雖然只係減5、6磅，但每日要重訓，餐餐食番薯，雞肉同西蘭花或者菠菜，飲水都要調節，拍前要脫水再食返啲碳水化合物，等啲肌肉脹返。」他已計劃在18日的演唱會將努力成果呈現出來，還打算長Keep這副好身材，更透露將會同細佬拍節目齊騷肌，「一齊拍《自然系男子旅行》，會浸溫泉，以前都係一家人去旅行，未試過淨係同細佬去，都幾正。」

Aska坦認跳舞是長期燒腦，但操肌是考自律性，甚至幾自虐。

Aska在《Dirty Rhythm》MV，大晒健碩肌肉。

Aska細佬張馳杰為《2023年度全球先生競選》亞軍得主。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

 

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/