Chill Club頒獎禮2024丨五大漏網鏡頭！楊洛婷為老公送咖喱雞 AL封王姜糖提早拉隊走人？
2024-05-13 17:00 
Chill Club頒獎禮2024丨ViuTV《Chill Club推介榜年度推介23/24》昨晚（12日）與亞博舉行，盧瀚霆Anson Lo獲票選為「年度男歌手」，而「年度女歌手」則由Serrini（梁嘉茵）爆冷奪得，節目可在ViuTV網站重溫。原來昨晚鏡頭外還有不少漏網花絮，前港姐楊洛婷更預早為Dear Jane主音老公Tim送上「咖喱雞」！
相關閱讀：Chill Club頒獎禮2024丨Anson Lo撼贏姜濤獲「年度男歌手」！Serrini奪歌后（附完整得獎名單）
Chill Club頒獎禮2024丨五大花絮重溫：
AL封王姜糖提早拉隊走人？
Anson Lo盧瀚霆昨晚票數以大批數拋離其他對手，撼贏MIRROR隊友姜濤，冧莊成為今屆「Chill Club年度男歌手」。在Anson Lo在台上講得獎感言時，鏡頭多次拍到觀眾席，竟然有大批觀魚貫離場，網上亦有圖片流出，見到Anson Lo在台上致謝時，台下出現多個吉位。有網民更以「AL拎男歌手獎，姜粉即刻走場」為題出post，在網上引起討論，不過有網民亦指出，當時已經接近完場，遲走變成「萬人逼地鐵」，加上亞博地點偏遠，提早離場並無不妥。
姜濤表演過後喘氣反白眼
姜濤表現經常引起熱議，姜濤昨晚在頒獎頒禮完結後，竟然在IG貼片「自黑」，片段見他不斷喘氣、反白眼，口噏噏疑似在說：「唔得喇，唔得喇，無命喇。」姜濤還留言笑說：「唱跳歌手不容易呀……（表情管理完全失控…）」其實昨日雖然天氣頗為炎熱，但MIRROR依然全套西裝上陣，而姜濤更是吸熱的全黑色，加上大褸，望到都覺得熱。
而且姜濤開場唱跳《DUMMY》及與MIRROR表演外，亦壓軸與MIRROR表演《DAY 0》，相信片段是表演過後返回坐位拍攝。姜糖也搞笑留言謂：「下次可以考慮參考下Tyson Yoshi衣著，咁就唔洗咁辛苦啦😂」、「你睇吓Gareth. T同Tyson就唔熱啦！一個背心仔一個呢……😆」、「IRROR是沒有夏天的，唔係訓練有素嘅咩？」
Chill Club頒獎禮2024丨歌手服飾逐個睇：
楊洛婷向老公Tim送咖喱雞
Dear Jane昨晚在頒獎禮奪得三個獎項，包括「年度樂隊」，成為大贏家之一。Dear Jane主音Tim黃天翱與前港姐老婆楊洛婷向來都好恩愛，昨日楊洛婷竟然自揭預先為老公送上「咖喱雞」：「我今日畀咗咖喱雞佢，同佢講如果佢哋上台攞獎我要見到，佢話一定唔會遮瑕。」結果Tim昨晚頒獎禮上竟然戴上勁巾，不過幸好從其他角度依然見到楊洛婷「愛的印記」。
女子樂隊FIESTER被轟「好難聽」
香港女子樂隊FIESTER在頒獎禮上將Twins的《愛情當入樽》改篇Metal版，不過遭炮轟「好難聽」！網民狂踩FIESTER：「全晚唱得最差」、「嘩好X癲，四個人玩梗四種拍子」、「去咗K房」、「原來twins啲歌係咁難唱，怪錯了。」、「唔怪得撈咁耐都上唔到地面」。網民甚至去其IG留言繼續踩：「喺現場聽，從未聽過咁難聽嘅live、編曲，主音你唱到不倫不類，型又型唔起、搞氣氛又搞唔起，有冇理過觀眾感受？」、「聽到即刻想熄電視，太尷尬啦，歌手？」、「又甩又走音……」
Tyson Yoshi代林家謙拎獎引熱議
昨晚林家謙獲得「年度唱作歌手」，不過林家謙未有出席，由Tyson Yoshi上台代為領獎，Tyson Yoshi一上台就笑說：「林家謙搵啲咁嘅嘢搞啊？」又搞笑謂：「我而家講咩係咪都入佢數？佢話：『唔係佢勁，係你哋廢』。」之後隨即衝落台。主持隨後又無端端叫Serrini：「梁博士，我想請你上嚟幫我哋講幾句說話。」Serrini亦顯得相當驚訝，又以air time為自己「賣廣告」，表示希望為其他歌手寫歌。
其他文章：
Chill Club頒獎禮2024丨歌手奇特裝似提早慶萬聖節？ 《超級巨聲》選手變神婆 女神低胸現排骨
Chill Club頒獎禮2024丨Marf與男友前度吳家忻同場唔尷尬：我哋有打招呼
Chill Club頒獎禮2024丨Serrini去洗手間被拍門拎女歌手獎 大讚陳蕾 Gin Lee唱得好 坦然得獎有壓力
Chill Club頒獎禮2024丨Tyson Yoshi唔怕被林家謙鬧 代入對方身份發表感言 繼續封嘴不提吳家忻
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應