Anson Lo現身商台變簽名會 大談理想求婚方式 預告MIRROR將分小隊出歌

MIRROR完成新加坡演唱會後，前晚（2日）回港，休息一晚後，盧瀚霆（Anson Lo）昨日（3日）現身商台接受《叱咤樂壇》訪問，為新歌《深閨》做宣傳，當中除分享幻想中的求婚方式、大爆Jer （柳應廷）在巡唱中擔任導遊角色，更預告MIRROR 將分小隊出歌。

主持特意將直播室移師到一個很舒適、很有「家」感覺的直播室。

設有香薰、梳化、毛公仔等，AL直言有8成似佢自己屋企。

跟主持一齊大合照。

Anson Lo表示平時回家第一時間就是除晒衫，去浸浴，沖完涼有時就會飲杯酒、拉筋、間中聽吓R&B歌，

切合AL 的新歌，主持特意將直播室移師到一個很舒適、很有「家」感覺的直播室，設有香薰、梳化、毛公仔等，AL直言有8成似佢自己屋企，更表示平時回家第一時間就是除晒衫，去浸浴，沖完涼有時就會飲杯酒、拉筋、間中聽吓R&B歌，並謂曾因聽歌被鄰居投訴。經常被質疑廚藝的AL，更表示自搬新居後，未試過用屋企的爐頭及廚具，多數都是叫外賣，「叫外賣都係自己開門拎既，但通常我都係開門伸隻手出去，唔會見到樣」。

Anson Lo約於12時20分乘座七人車抵達商台。

Anson Lo在後門下車時亦禮貌地向神徒揮手打招呼。

至下午2時30分，Anson Lo完成商台工作後從後門離開。

Anson Lo遂一與神徒簽名合照。

又不時飛吻派心心，令神徒非常開心。

神徒們又紛紛向他送上禮物

Anson Lo亦貼心呼籲她們不要推不要迫。

AL 表示由細到大向來都「深閨」，但入行後更加誇張，「入行都踏入第六年，有時做嘢好大壓力，好驚自己每一下言行舉止會得罪人，或者今日表現好唔好？每一刻都好難放鬆，所以返到屋企最自在。平日做完嘢，司機哥哥都會問我仲有冇地方想去，我都即刻話係返屋企。」

《深閨》歌詞其中一句「你再別上班 專心纏綿，你再別社交 請給我獨佔」，AL坦言在愛情路上也是這樣：「我唔會要求佢唔好出街、唔返工、唔見朋友，但如果佢咁樣做我唔mind ，唔會講出口，但心裏面都會諗如果你成日痴我多啲就好。我自己係一個缺乏安全感嘅人，好易亂諗嘢，所以痴多啲，我就會冇咁多嘢諗。」他更表示暫時未試過check人電話，如對方主動報到，他會好開心。

AL 表示由細到大向來都「深閨」，入行後更加誇張。

Anson Lo話每次做完嘢，司機哥哥問佢仲有冇地方想去，佢都即刻話係返屋企。

Anson Lo表示暫時未試過check人電話，如對方主動報到，他會好開心。

Anson Lo坦言如現階段拍拖未必會公開。

Anson Lo表示遇到負面情緒時，亦會自己匿埋屋企喊，但近來這種情況亦少了 。

AL推出《深閨》前，原本是想出一首求婚為主題的歌曲。

Anson Lo話求婚會有一啲小驚喜，但唔係大龍鳳。

Anson Lo預告嚟緊MIRROR會分幾個小隊一齊出歌。

AL感激神徒五年來一路以來的支持。

Anson Lo表示《深閨》可能會有一個延伸版，歌詞、唱法有少許改動

教主希望神徒以後嘅日子都同佢一齊開開心心。

至於拍拖會否公開？他坦言如現階段拍拖未必會公開，視乎關係是否穩定成熟，確認這個人是可以長遠發展才會公開，否則分手後又要交代，覺得很不成熟。提到歌詞中「拒絕再做凡間千人迷」，AL 表示在錄音時唱到這句不禁流淚，但冷靜10秒後很快便回復情緒：「呢一兩年間唔中都會諗，其實係咪唔適合做呢一行（遇到咩困難？ ）我諗係大家惡意嘅言論或者係俾人誤會，冇辦法可以澄清，所有壓力，我入行本身想俾正能量同開心大家。」他坦言這一種感覺還未有疏離，並表示遇到負面情緒時，亦會自己匿埋屋企喊，但近來這種情況亦少了 。

MIRROR 近月做了多站巡唱，被問到12位子當中誰是導遊，AL毫不猶豫說是柳應廷（Jer) ：「我哋搭緊車去下一站酒店，佢已經search緊附近有咩餐廳名勝等等，然後就會講幾點出發，邊個參與？」相當搞笑。他更笑言巡唱最掛住是一碗沙嗲牛肉麵：「因為自己本身好鍾意食茶餐廳嘢，炒飯炒河，平時諗唔到食咩，最後都係食沙嗲牛肉麵，我係外賣Expert。」並指在巡唱中，對兄弟們的生活習性了解多了，謝茜嘉即叫AL爆料， 他就笑言：「阿Jer好易肚痛，但最令人嬲嘅係佢肚痛，但係又繼續食，令人好擔心嘅一個細路仔」。

MV中有一個鎖出現在橋上，原來這個鎖與神徒有關AL表示：「其實呢幾年我自己見到鎖，都會諗起神徒，因為第一年喺韓國拍Mirror  go，我喺一個鎖上面寫咗神徒同我個名，寓意大家一齊走下去，過咗五年大家都仲記得，所以今次MV呢個鎖都代表同fans之間嘅聯繫。」

AL推出《深閨》前，原本是想出一首求婚為主題的歌曲，被問到他有沒有想過如何求婚，他表示：「我有諗過自己有一日會求婚，唔會係好浮誇，淨係兩個人，件事係好cozy，可能係煮下嘢食突然求婚，會有一啲小驚喜，但唔係大龍鳳。」

被問到下首歌會是什麼類型？向來是「劇透Lo 」的他，即欲言又止表示《深閨》可能會有一個延伸版，歌詞、唱法有少許改動，唱嘅人有少少延伸。至於團隊方面，他大賣關子表示會分小隊出歌：「嚟緊MIRROR會分幾個小隊一齊出歌，但未confirm嘅，或者完成澳門站演唱會先會開始去籌備，但係小隊幾肯定係好有驚喜，我初初睇到個組合都大聲「嘩」，諗唔到做啲咩，但嗰啲小組係好有趣。」

最後，AL再次感激神徒五年來一路以來的支持，並《深閨》在這個神教的大家庭裏，「希望你哋以後嘅日子都同我一齊開開心心、安全、守秩序、團結，唔想見到神徒有拗撬，想大家一齊團結，互相support就係我想要嘅嘢，希望你哋開心。」

Anson Lo唔想見到神徒有拗撬，想大家一齊團結，互相support就係佢想要嘅嘢。，

教主不停收禮物同信。

神徒們紛紛向他送上禮物

現場即變成小型簽名會。

Anson Lo簽了一小時才完成。

相機鏡頭都幫神徒簽。

個個都簽，非常公平。

Anson Lo表示昨晚睡了4個多小時，但精神不錯

Anson Lo指今日天氣涼，故穿了長袖衣服。

向神徒送上大心心。

逐一向神徒揮手道別。

Anson Lo說接下來的工作都比較輕鬆，會乘機休息。

同神徒躹躬後才登車離開。

而過百神徒（粉絲暱稱）得知教主上商台一早到場等候，Anson Lo約於12時20分乘座七人車抵達商台，神徒即大聲歡呼，又不斷大叫「盧瀚霆」，Anson Lo在後門下車時亦禮貌地向神徒揮手打招呼，又以手勢向神徒示意要入商台，未有逗留太耐就很快就步入商台。至下午2時30分，Anson Lo完成商台工作後從後門離開，未知是否因上次到商台工作時匆匆離開，Anson Lo今次遂一與神徒簽名合照，又不時飛吻派心心，令她們非常開心，神徒們又紛紛向他送上禮物，不過由於有大批神徒，Anson Lo亦貼心呼籲她們不要推不要迫，他會為大家都簽名合照，現場即變成小型簽名會，Anson Lo簽了一小時才完成。

Anson Lo之後應記者要求企定拍照，他表示昨晚睡了4個多小時，精神不錯，又指今日天氣涼，故穿了長袖衣服，不過和神徒互動後也覺得熱。Anson Lo昨晚回港時表示會自己煮宵夜，他笑言太累，回家沖涼後就睡了，之後亦有一些拍攝工作，亦要為澳門演唱會排舞，未能抽時間去個小旅行，不過接下來的工作都比較輕鬆，會乘機休息，而他上車離開前亦向神徒送上大心心，並揮手道別才離開。

 

《星島申訴王》已推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ