「億萬駙馬」結婚兩周年連環出招冧妻 送巨型鑽戒被質疑：點解你有咁多錢？
2024-05-09 16:00 
昨日（8日）是「億萬駙馬」伍富橋與富家女太太梁兆楹（Shirley）結婚兩周年，本來伍富橋為結婚2周年，花盡心思氹老婆，除了唱老婆最愛的Twins歌曲外，還在高級餐廳撐枱腳，期間伍富橋更為老婆送上驚喜，大手筆送上巨型鑽戒，殊不知被老婆不停質問：「你點解會有咁多錢？」
相關閱讀：「億萬駙馬」伍富橋富貴老婆發千字文 霸氣爆粗反擊網民：佢X得落佢本事，你恨唔X到咁多
「億萬駙馬」伍富橋被老婆瘋狂質疑：
伍富橋結婚2周年花盡心思氹老婆
伍富橋昨日在IG限時動態貼上多段短片，原來昨日是兩人結婚為兩周年，伍富橋今年花盡心思氹老婆，先在錄音室翻唱老婆最愛的Twins歌曲，接着在高級餐廳廳撐枱腳，期間伍富橋更為老婆送上驚喜：「老婆，你上次咪話好想知我個秘密禮物係咩嘅？」隨後他遞上閃令令的首飾盒，梁兆楹即笑問：「個驚喜係咩嚟呀？係咪得個盒上面有閃石裡面冇？等我睇下先！」梁兆楹在枱底打開首飾盒後，既驚喜又愕然並表示：「嘩，點解嘅？邊個買畀你？邊個叫你買呀？（咩買俾我啊，我買俾你㗎）邊個畀錢你買呀？（我自己囉）你自己攞錢出嚟買？點解你會有咁多錢嘅？（每個月儲啲儲啲就有。）」
梁兆楹收水滴型鑽石戒指瘋狂質疑
原來伍富僑為太太送上一隻水滴型巨鑽戒指，但太太收到禮物後，依然繼續質問：「真定假㗎？水晶嚟呀？咩呀？Mom畀錢你重新鑲呀係咪呀？冇可能！冇可能！你點解會有咁多錢？」伍富橋無奈表示：「你呢個咩問題？你試下啱唔啱先啦！」梁兆楹收到水滴型的鑽石戒指，目測起碼有三卡，不過梁兆楹錯晒重點，戴上鑽戒後繼續擺出一個嬲樣質問錢的來源：「靚啊，但點解你會有咁多錢？點解呀？我而家要重新考慮你呢個人。你講大話呃我呀，我係唔會沉溺喺呢啲物質上嘅嘢，我而家要了解件事嘅根源，就係你係一個好多秘密嘅人，我而家開始要密切咁觀察你。」
伍富橋梁兆楹上節目晒5,000呎豪宅？
伍富橋慘被老婆瘋狂質問要再努力搵錢
慘被老婆瘋狂質問的伍富橋其後笑言：「幻想嗰啲感動、流涕、擁抱，係唔會出現喺我老婆身上，睇嚟要再努力啲搵錢！有興趣減肥，增肌減脂，越野跑訓練，吹水，打發時間，歡迎DM！」伍富橋和太太梁兆楹的互動向來都很搞笑，而且經常被網民狙擊，雖然梁兆楹一向笑罵由人，踏入龍年卻突然一改作風，在社交網連環爆粗反擊網民：「我的社交帳號純屬個人分享，所以最後我想發表的是，人無完人，看人先看己，秤人也秤己，講到尾就係，佢X得落佢本事，你恨唔X到咁多，完！」
其他文章：
29歲「億萬駙馬」雙眼腫脹變咸蛋超人！老婆有一要求 無奈開年：有冇良心呀你
伍富橋躺病床「重口味」同老婆出動道具玩腳趾！ 億萬駙馬住豪華私家房晒行頭
「億萬駙馬」伍富橋戴老婆Bra扮大隻美人魚？曾變旗袍美女獲大讚再冧妻
-------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應