星8卦｜「叻叻」靠賣料賺人情外快 藝人敢怒不敢言任由宰割

講起藝人身邊最重要人物，就梗係嗰位經理人。所謂成也蕭何敗也蕭何，如果你識揀，星途就梗係燦爛，起碼唔會無嘢撈。「叻叻」其實都經歷好多，所以儲到足夠彈藥幫自己嘅藝人，但人行到一個位置，就想要好多，難免就會利用自己一手培育出嚟會生金蛋嘅金雞幫自己搵着數，尤其喺國內咁大競爭嘅市場 。

好似佢一直跟住「紅人」出入，尤其係拍戲開工時，佢真係唔瞓陪到底。其實佢係計數啫，邊個幫到佢可以搵到最多錢就喺嗰位面前扮忠誠。最抵死佢最近唔知點解咁鍾意搞自己嘅平台，有日「紅人」拍戲失神跌咗落嚟，全個劇組嚇到即刻撲埋去睇吓有無事，「叻叻」竟然第一時間開住手機拍片，然後發畀自己相熟媒體，再兜個圈發喺自己平台上面，做到以為人哋唔知 。

呢種行徑唔係單一事件，耐唔耐又要旗下藝人交吓戲畀相熟嘅傳媒賣交情，仲有一啲佢哋唔想俾人知嘅私人嘢都會唔知點解俾人擺咗上網，後嚟至知每個動作都令「叻叻」搵到唔少外快，而家佢喺國內幾個大城市都買咗靚樓，甚至比旗下藝人更有錢！

 

相關文章：

星8卦｜「扮嘢」結婚玩神秘得罪全世界 生女想復出被嫌棄

星8卦｜「阿靚」被「紅人」抛棄 閃嫁「英雄」誤墮騙局做搖錢樹

星8卦｜「乖乖」大紅搵錢 「長輩」同經理人嘈分錢出糧自己使

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow