星8卦｜「叻叻」靠卖料赚人情外快 艺人敢怒不敢言任由宰割

讲起艺人身边最重要人物，就梗系嗰位经理人。所谓成也萧何败也萧何，如果你识拣，星途就梗系灿烂，起码唔会无嘢捞。「叻叻」其实都经历好多，所以储到足够弹药帮自己嘅艺人，但人行到一个位置，就想要好多，难免就会利用自己一手培育出嚟会生金蛋嘅金鸡帮自己搵着数，尤其喺国内咁大竞争嘅市场 。

好似佢一直跟住「红人」出入，尤其系拍戏开工时，佢真系唔瞓陪到底。其实佢系计数啫，边个帮到佢可以搵到最多钱就喺嗰位面前扮忠诚。最抵死佢最近唔知点解咁锺意搞自己嘅平台，有日「红人」拍戏失神跌咗落嚟，全个剧组吓到即刻扑埋去睇吓有无事，「叻叻」竟然第一时间开住手机拍片，然后发畀自己相熟媒体，再兜个圈发喺自己平台上面，做到以为人哋唔知 。

呢种行径唔系单一事件，耐唔耐又要旗下艺人交吓戏畀相熟嘅传媒卖交情，仲有一啲佢哋唔想俾人知嘅私人嘢都会唔知点解俾人摆咗上网，后嚟至知每个动作都令「叻叻」搵到唔少外快，而家佢喺国内几个大城市都买咗靓楼，甚至比旗下艺人更有钱！

 

相关文章：

星8卦｜「扮嘢」结婚玩神秘得罪全世界 生女想复出被嫌弃

星8卦｜「阿靓」被「红人」抛弃 闪嫁「英雄」误堕骗局做摇钱树

星8卦｜「乖乖」大红搵钱 「长辈」同经理人嘈分钱出粮自己使

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow