選美小姐連環出Po稱ViuTV屈整容？ 喊到眼腫欲訴諸法律：不知所謂
2024-04-23 15:48 
36歲現職空姐兼任模特兒的張凱莎（Belle），2021年以代號「孖四」參加ViuTV選美真人騷《最後一屆口罩小姐選舉》而廣為人識，可惜最終12強止步。近日她正拍攝一個比賽節目，惟其間似乎受盡委屈，前日（21日）更連環出Po疑似爆Seed鬧ViuTV！
相關閱讀：大肚選美冠軍被老公禁外出怕跌個仔出嚟 懷孕30周挺巨肚一部位疼痛
張凱莎被屈整容？
張凱莎落選後仍與ViuTV有不少合作，先後為另一真人騷《賭命夫妻》擔任嘉賓，以及為旗下男團ERROR的《我們不Chok》MV演出，早於2015年亦參選過《中華才藝小姐》。近日，張凱莎再參與一個素人比賽節目，惟前日忽然連環出8個IG Story怒罵有關電視台：「垃圾，你哋自己慢慢玩啦」、「我對於你哋台，從來都係充滿溫情和愛和回憶，我由零開始的時候係你哋接納我，教育我用愛訓化我，我只係估唔到今日要走到這一步，你哋今日真的太過份，不要怪我說真話。」
張凱莎：估唔到要靠屈人整容呃收視
隨後張凱莎貼出喊到眼腫特寫照，並續道：「我真的冇打任何嘢落面，天地良心，用我家人貓咪性命狠狠發誓，屈完我會發達，你哋良心過意得去就去，我沒有打嘢入面頰」、「化妝師就化妝師啦我呸，屈人有打針係度耀武揚威，係發生咩事？老娘我面頰有打半針，即刻全家死晒七孔流血，你繼續屈我啦」。接着，她用上疑似ViuTV廠景照作背景圖，繼續激動鬧爆：「估唔到你哋而家要靠屈人整容呃收視，不知所謂」，又指「我喺某電視台受咗一日委屈，想問有冇律師朋友，如果我面頰冇打過透明質酸、冇做過埋線，可唔可以告啲無知婦孺屈我，我真係冇做過」。
張凱莎更多靚相：
對此張凱莎回覆傳媒時，坦言最近跟ViuTV再合作拍節目，豈料被自稱「化妝師」的嘉賓多番暗示整過容，令她感覺不受尊重。不過，一眾網民卻質疑張凱莎爆料舉動似博出位，不少人更狠批：「為咗啲咁無聊嘅嘢就發脾氣，笑咗」、「想撈娛樂圈， 為咗一個化妝師講嘅嘢咁嬲」、「有啲女係講大話講到連自己都呃埋」、「點會無整啊，用對眼望吓就知同其他人差幾遠啦」，甚至有人番摷疑似張凱莎的大學舊照作對比。
張凱莎自稱非Artist無須博新聞
見群情洶湧，張凱莎昨日（22日）即於IG Story急撲火：「Hey~大家冷靜一下，我唔係Artist嚟，博新聞嗰啲大可不必。只係覺得不被尊重同被利用。」至今日（23日）凌晨又補飛說：「噚晚真係情緒崩潰，我相信唔同製作組，有唔同拍攝手法同意念，口罩小姐係喺立意上、拍攝上都好高質嘅一個節目，謝謝你哋。」
其他文章：
口罩小姐「浩南」鄭伊琪驚爆已做人妻！自揭陀B已近20周 公開婚禮靚相
口罩小姐起底丨鍾慧冰愛女林靜莉簽開電視照亮相ViuTV 鍾雨璇自嘲唱歌10年冇人識
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應