愛回家丨接龍IT部「CPU」譚坤倫宣布離開TVB 試過長時間冇工開 曾在少林寺學武兼獲武術比賽亞軍
2024-04-22 13:23 
TVB處境劇《愛回家之開心速遞》近日多次傳出有演員離巢的的消息，在接離集團IT部飾演「CPU」的坤倫，昨晚（22日）在IG撰長文宣布離開TVB，今次是繼「熊心如」蘇韻姿及「龍力士」鄭世豪後，再有演員因離巢而退出《愛回家》行列！
相關閱讀：「熊心如」蘇韻姿突遭TVB官網除名宣布正式離巢 去年傳犯三宗罪被雪「回家」無期
《愛回家》「CPU」譚坤倫宣佈離巢：
入行13年的、現年32歲的譚坤倫在《愛回家》飾演接龍IT部職員，早期與「Mouse」吳展驊飾、「Keyboard」李興華再聯同「Router」鄧永健飾組成「IT狗」，後來因李興華離開TVB，於是改由孟希璘飾演「Laptop」頂替，譚坤倫毒男造型曾因爆肌的劇情而獲得注目，一度與「Gigi」羅雪妍有感情線，不過今次譚坤倫的離開，似乎這段情亦無疾而終！昨晚譚坤倫在IG撰長文宣布離開TVB，他坦言感謝《功夫新星》的所有人，因為當時衝動地參加而成為藝人，過了非常精彩的13年，他還說：「訓練班畢業之後，多謝監製潘嘉德先生，令我可以參與《On call 36小時2》、《拆局專家》、《醋娘子》、《流氓皇帝》、《三個女人一個”因”》。」
譚坤倫經歷咗好長時間嘅『失業』
譚坤倫還說：「然後要多謝莊偉健監製嘅信任，令到我可以參與《天命》呢套劇集，第一次有感情線，以及有機會展露我嘅三腳貓功夫。然後再多謝監製同埋導演嘅堅持之下，我先再有機會參與《包青天之再起風雲》，雖然經歷咗一個相當辛苦嘅拍攝過程，但令我得到非常難得嘅回憶。可以參與兩位金牌監製嘅劇集，真係會好開心，因為細個嘅時候，就睇過佢哋製作嘅《尋秦記》、《衝上雲霄》。然後兩位監製離開TVB之後，我經歷咗好長時間嘅『失業』，之後就要多謝監製陳耀全、方駿釗，俾我參與咗好多套劇集。」
譚坤倫昔日演出作品：
譚坤倫在2018年加入《愛回家》，他稱自己一直很希望加入這個行列，想不到在一位副導演的邀請下演出IT狗：「其實好耐之前我就好想加入開心速遞，呢套劇集幫咗我好多，令到一個內向嘅我，慢慢打開自己，尋找演員嘅自我創作，然後得到觀眾嘅笑聲，慢慢增加咗我嘅自信心。然後多謝珍姐，監製林建祥，俾咗更多演出機會我哋，亦都好多謝編劇知道我鍾意健身，寫咗個腹肌IT男出黎，令到我終於終於有感情線，我對唔住Gigi，要你再發掘下一個腹肌男。」最後譚坤倫多謝TVB這個大家庭：「無論幕前幕後，未能一一多謝嘅人，你哋都會在我心中，能與你哋一齊捱更抵夜，日曬雨淋，好多精彩嘅回憶。多謝你哋嘅照顧，包容，教導，提攜。我依然會繼續一直係呢個行業發展，歡迎大家搵我合作！」
譚坤倫曾到少林寺學校學習北派武術
譚坤倫小時候曾被送到內地的少林寺學校學習北派武術，曾奪得「河南省全市武術比賽-棍術套路冠軍及劍術套路亞軍」。在2011年卻參加了無綫節目《功夫新星》而入行，譚坤倫接受《星島頭條》訪問，他坦言這個決定並不容易，差不多用了幾年時間考慮：「我有一段時間覺得自己未ready，而且對自己又冇乜信心，今次係問咗好多朋友，再識落咗唔同嘅人先夠膽走出去。我都係繼續做呢一行，嚟緊會上去北京拍一部內地電影，不過之後嘅安排暫時未知，都要一步一步慢慢嚟。」譚坤倫坦言自己很喜歡演戲，尤其是古裝動作戲，所以會朝着這個方向發展，他更說：「之前見到一個朋友，以前做戲都好掛住要靚仔，不過因為佢有好多演出經驗，令到佢演技非常自然，我都好想有多啲機會磨練演技，呢一個大方向係我最想要。」
其他文章：
愛回家丨郭珮文首現身！演秘書玩倒奶濕身誘惑 扮高海寧拉拉鏈老戲骨流鼻血
《愛回家》女星近期少出鏡突「消瘦」 曾在劇中作性感演出震撼網民
------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應