譚詠麟晒「龍吐珠」曲線曝光半山豪宅美景 熱愛養魚有段故經常貼地落金魚街
2024-04-22 10:10 
現年73歲的譚詠麟貴為樂壇天王，身家相當豐厚，居於港島半山老牌豪宅。近年譚詠麟不時在微博分享貼地日常生活，又去大牌檔食飯，外出還搭地鐵。最近譚詠麟在微博晒「龍吐珠」，巨型魚缸反照維港美景，另類方法晒豪宅！
相關閱讀：73歲譚詠麟現身內地勁受歡迎 逾8千元LV搶眼頸巾成焦點
譚詠麟半山豪宅景觀有幾靚？
譚詠麟半山豪宅設巨型魚缸
譚詠麟前日（19日）於微博分享與愛魚龍吐珠的自拍合照，留言說：「今早忽然6點前起了床，看完三份報紙跑完都不到10點，今天時間真好用。」照片見身穿紅色上衣的譚詠麟似乎剛做完運動，頭髮似乎有些凌亂，在豪宅客廳中與愛魚自拍，由於魚缸巨型，加上設置於露台旁邊，見到譚詠麟半山寓所俯瞰中環維景美景，美不勝收，令人非常羨幕。
今次並非譚詠麟首次晒半山豪宅美景，去年7月譚詠麟因流汗太多失去抵抗力致病菌入侵，4日暴瘦15磅，在微博貼出多張爆汗相報平安，當時譚詠麟直接分享在露台跑步機旁的照片，直接晒靚景。譚詠麟位於半山住宅屬牌老牌豪宅，室內空間感相當大，而且視野亦非常遼闊。熱愛養魚的譚詠麟，在客廳位置設有巨型魚缸，他本身是金魚街的熟客仔，經常被捕獲在金魚街買魚兼嘆茶記，生活相當貼地，他曾說過養魚是用來減壓，每當工作繁忙，又或者有問題想不通時，他會坐在金魚缸前發呆，慢慢就會將碰到的困難、難題想通。
溫拿做《芷珊有約》頭炮嘉賓？
溫拿一日食足11餐？
另外，黎芷珊TVB節目《芷珊約您》今晚（21日）首播，溫拿五虎成為首集嘉賓。原來譚詠麟於在溫拿中最為食，每次一完騷或完成工作，譚詠麟必定第一時間「嗌食嘢」，看到美食開心到笑不攏嘴之餘，就連開騷前談及整個演唱會最緊張的部分，譚詠麟亦搞笑指是擔心完騷後沒東西吃。五子更笑言高峯期一日可吃足11餐，陳友笑言：「咪一個鐘頭食一餐咯。」
譚詠麟又大爆當年在溫拿酒吧唱歌，吸引不少名人捧場，當中包括邵逸夫及太太方逸華：「六叔同方小姐坐喺台邊，真係聽咗成個禮拜。原來佢哋揀卒，諗住簽我哋拍戲。」不過最後譚詠麟竟然斷然拒絕。
其他文章：
譚詠麟重提當年與張國榮傳不和原因 批歌迷唔生性：係會有啲尷尬
彭健新75歲生日愛妻罕現身！獲譚詠麟拉隊慶祝 苗僑偉夫妻檔恩愛到賀
62歲黃日華撐枴杖現身！行動不便照約周潤發譚詠麟BBQ 與人妻貼頭合照
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應