洪永城細女出世！老婆梁諾妍晒B女照報喜「Sir Face 2.0」被爸爸緊抱現嫌棄表情？

2024-03-23 17:04

洪永城與太太梁諾妍（Inez）於2021年結婚，同年誕下女兒「Sir Face」洪靖嵐（Amber），至去年底宣布懷有第二胎。今日（23日）梁諾妍於IG上載多張細女照片報喜，宣布細女已出世，細女Beryl同樣非常似爸爸，被封「Sir Face 2.0」！

洪永城與梁諾妍細女出世：

洪永城與梁諾妍於2021年7月舉行婚禮。

洪永城與太太梁諾妍育有一女「Sir Face」洪靖嵐，近日再迎來一女。

洪永城去年40歲生日時，宣布太太陀第二胎喜訊。

洪永城公開第二胎超聲波相。

洪永城日前公開冧太太梁諾妍說：「都就嚟生，但係點樣你都唔似有小朋友？你是否騙我？」

洪永城更讚太太梁諾妍是「最漂亮的懷孕媽媽」，又笑指「最喜歡夜晚飲珍珠奶茶的媽媽」。

梁諾妍早前於IG Story貼出Sir Face 2.0超聲波圖，可見「Sir Face」基因強大，連她也再一次驚嘆「2.0無誤」。

今日（23日）梁諾妍於IG上載多張細女照片報喜。

洪永城再迎一女非常高興，將細女緊抱在懷中，不過「Sir Face 2.0」卻睜開一隻眼望爸爸，看似做出嫌棄表情，相當趣怪。

「Sir Face 2.0」重7磅2。

Sir Face一同迎接妹妹。

早前卸貨在即的梁諾妍，於社交網分享一輯大肚寫真。

梁諾妍直言今次時間倉促無暇出去影孕照，但又難得有些想法，於是昨日匆匆買了日落燈及Bra Top，花了一小時在家中Low cost留倩影。

相中所見，雖然梁諾妍腹部已經籮咁大，但四肢依然纖幼，上圍更加明顯升Cup，輕鬆谷出深長事業線，獲一眾圈中好友紛紛大讚辣媽。

對於獲讚陀B仍毫無肥腫跡象，梁諾妍撰長文親揭「長胎不長媽媽肉」秘訣，指今次懷孕期間進行「168」間歇性斷食，並攝取高蛋白質少碳水及做適量運動。

梁諾妍坦言過今胎比陀第一胎辛苦許多，因過程中三度染上流感、新年後再中埋covid，這兩天還腸胃炎屙到脫水發燒，且胎盤成日頂住個胃，搞到食多少少就想嘔。

洪永城與梁諾妍早前為第二胎性別，舉行Gender Reveal Party。

洪永城與梁諾妍的2歲大女「Sir Face」也有到場。

梁諾妍與洪永城咀嘴放閃。

洪永城的愛犬也有出席派對。

區永權更拍片全場大叫：「BB女⋯好嘢！」

梁諾妍晒日落相，洪永城留言稱估到太太會去打卡。

梁諾妍懷孕照跑步。

洪永城兩公婆不時孖住做運動。

梁諾妍不時分享大肚跑步的照片。

梁諾妍陀B期間仍有做運動。

梁諾妍上載的父女合照見洪永城再迎一女非常高興，將細女緊抱在懷中，不過「Sir Face 2.0」卻睜開一隻眼望爸爸，看似做出嫌棄表情，相當趣怪。梁諾妍於IG留言指：「2024年3月21日我們的 sirface 2.0妹妹 Beryl喺荃灣港安醫院出世了，重7磅2，51cm tall，SIR NOSE😂多謝你選擇我哋做你父母，我會係你和家姐最強嘅後盾。由於第一胎食全餐關係，為咗避免同上次一樣，今次要開刀攞妹妹出嚟，而由於第一胎我係震（陣）痛到瘟瘟沌沌，今次嘅剖腹產對我嚟講好似第一次體驗咁。當聽到妹妹出世嘅喊聲，我同洪爸爸都忍唔住，捉住對方隻手一齊感動到喊出嚟，呢個感覺太奇妙了。見到你足晒磅健健康康，成隻粉紅肉肉豬仔咁，媽媽倍感安慰。多謝荃灣港安醫院，由Sirface 已經一直照顧得我哋好好到二胎，謝張智醫生，最細心的婦科醫生，令我完全放心將我同BB交給你。感謝兒科伍永強醫生、麻醉科鄭浩怡醫生同所有好好嘅護士姑娘，多謝洪爸爸一直嘅陪伴，繼續組織一個又熱鬧又溫馨嘅家庭，期待3姊妹嘅相處。」