張致恒親回被批「伸手黨」自認不夠成熟 公開承諾逐一還錢網民唔Buy狂狙擊？

39歲張致恒（Steven）與粉絲雯雯（區燕雯）於2019年奉子成婚，先後誕下四名兒子，惜近年屢傳婚變兼頻頻「賣慘」呻窮，本來張致恒在性商品店打工養家，未料1月初被爆辭去工作轉型開設影片製作平台，無奈不足一個月又暫停營運，上周五（1日）更再次做「伸手黨」貼出收款二維碼（QR Code）求助養，結果惹網民狠批「由借變乞」，相隔兩日他終蒲頭辯解。

相關閱讀：張致恒再做「伸手黨」！貼二維碼求課金濟貧 惹網民圍剿：由借進化到乞

張致恒「認衰」反遭網民喪鬧？

張致恒與粉絲老婆雯雯2019年奉子成婚結婚，去年再誕下第四胎。

張致恒與雯雯結婚4年多次鬧離婚。 ​

雯雯本月1日忽然又出放負Po表示：「問題已經步向解決，但我過不到現在，究竟怎辦？不會有奇蹟，我該怎樣走下去。」

張致恒於IG Story貼出一張支付寶香港（AlipayHK）的收款二維碼（QR Code），並公然請求網民「課金」濟貧。

大批網民爆粗怒插張致恒︰「由借進化到乞」。

大批網民爆粗怒插張致恒︰「由借進化到乞」。

張致恒昨晚（3日）於IG Story撰長文，自稱已找到兩份工作，並承諾會努力還錢給大家。

未料張致恒一番言論再引網民狙擊。

未料張致恒一番言論再引網民狙擊。

雯雯上月透露，其中一個囝囝確診autism plus hyperactivity（自閉兼過度活躍症）。

雯雯坦白要一個人照顧四個囝囝「真係冇能力」。

雯雯直認曾經萌輕生念頭，幸有張致恒一起學習照顧囝囝、共同面對全世界的責罵。

雯雯又透露所聘請的外傭兩個月內到，屆時可完全抽身打多兩份工幫補收入。

張致恒去年10月時蛀牙曾出Po求牙醫贊助，網民提議找許廷鏗。

張致恒爛鞋底又公開要求贊助，連他本人自嘲厚面皮。

張致恒早前自爆屢因未能繳交租金而搬遷，還苦呻「我唔想再搬屋......我真係好辛苦......如果有冇人可以幫到我。」

雯雯冬至前一日連環出Po求救。

雯雯暗示要離開屋企：「兩日可以去邊？」不過很快刪去此Po。

雯雯再加多兩錢肉緊說：「咁凍可以同佢哋去邊？原來去到絕路嘅時候，真係會冇人幫。」令外界猜測二人再次未能交租而被趕走。

來到2024年，雯雯又在IG狂數老公。

雯雯又再爆seed謂：「成日都話我生之前有冇諗清楚，佢哋而家已經活生生係度，係咪要丢左佢地？」

雯雯上月27日凌晨時份於IG限時動態發黑底白字長文。

 

張致恒昨晚（3日）於IG Story撰長文：「多謝大家關心，其實我已經有兩份工作，不用再介紹我工作。如果我冇錢係因為我唔去做嘢而畀大家鬧，我冇所謂，但我而家係因為冇人照顧小朋友，所以我出唔到個門口。」由於家有四子，最大的張天寶現時4歲，孻仔張天樂則約6個月大，他續說：「事實上一個大人照顧唔到四個咁細嘅小朋友，仲要有一個係需要特別照顧，呢個係我哋生之前唔夠成熟，冇安排好，但係我哋而家已經一步一步改善緊，亦再次喺呢度，多謝真心幫助過我哋嘅人。」

張致恒自爆長期負債

曾被爆周圍借錢欠債累累的張致恒，最後又承諾會努力還錢給大家：「到我們安頓好，我一定會逐一去還錢畀你哋，我而家呀唔係唔想還錢，而係根本而家長期都係負，多謝真心幫我哋嘅人體諒我哋。」可惜繼續被網民狙擊：「照顧唔到就咪XX生啦」、「而家先話生之前冇安排好」、「又係呢番說話，咩咩安頓好再還錢，好似一年前已經咁講」、「真係唔信一個大男人返兩份工會搞唔掂，一係佢就根本返得少．一係佢好大使，一係兩樣都中」、「憑咩佢負責生，人哋負責理」。

張致恒夫婦婚變日常：

雯雯一度暗示會與張致恒離婚，更表示愧對三個兒子：「不能給你們完整家庭。」直接鬧爆老公又懶又廢、躺平不湊仔。

去年3月，張致恒被拍到在內地脹曝登台。

之後再被爆雯雯已經陀第四胎，而張致恒似乎亦修心養性，先被拍到臉容憔悴小食店打工，還在街頭派安全套推銷賺奶粉錢，之後還去成人用品店做店員。

張致恒曾在小食店工作，但很快已辭職。

張致恒去年變成「離婚KOL」兼「結紮KOL」。

張致恒試過直播講結紮詳情！他指最初想在家計會做手術，不過因為要排期太長時間，張致恒還表示家計會要排至少半年：「我驚半年唔小心令到老婆又有咗。」

張致恒表示之前並非故意追仔：「真係唔小心，冇諗過自己能力咁強，哈哈。」

張致恒月初被KOL Sean大爆他辭去性商品店的工作，並公開疑似他與債主的對話錄音。

及後KOL Sean再爆張致恒「當網民是提款機」。

不過，張致恒仍努力Sell面膜。

有網民上月透露在屋企樓下公園偶遇張致恒，在零濾鏡下的張致恒竟「巨腩」暴現，且滿面鬚根都遮掩不住脹爆雙頰，全靠手臂紋身才認出是張致恒本人無誤。

樓主揶揄張致恒犯眾憎，直言不讓太太上前集郵，一班花生網民紛紛留言附和，朝諷張致恒極有可能「收費合照」。

兩公婆開設「Ugly Family Production Online」賺錢。

聲稱影片製作平台的使命，是創建引人注目的視覺內容來講述您我他的故事，並展示您的品牌。

其中《大娛樂家娛樂大家》由張致恒夫婦及巴辣姐主持。

雯雯表示夫婦檔成立一間公司幫人拍片及幕後製作：「剛剛開業 我哋兩公婆都會拍片關於人生百態，感情兩性婚姻娛樂新聞都會講吓，希望大家多多支持！」

張致恒更抱住囝囝積極拍片宣傳，並不諱言「性事都會講」！

《大娛樂家娛樂大家》每星期更新兩集，首集主題為「離婚界KOL雯雯遇上渣男首領張致恆」。

節目精華中預告，張致恒夫婦將談及性上癮、結紥、窮到無錢買condon、不停生仔、史提芬分享過往同女伴嘅床事等話題。

至於收費方面，一條指定影片售價為100元，有效觀看期為兩星期，另可選擇月費計劃，388元任睇所有影片，並獲得Phone-in談情說愛的機會。

未料上月8日張致恒與老婆雯雯分別於IG公布：「因與Uglyfamily網站投資者工作理念不合，所以已經終止所有合作！多謝大家嘅支持。」

一直陷財困的二人又再失去賺錢機會，引起網民討論。

雯雯去年2月底開網店賣寵物零食搵錢，張致恒都有follow。

隨後雯雯又開童裝網店，不過童裝網店又一度捲入淘寶風波。

後來雯雯宣布開設新IG帳號，並採取月費50元的會員制。

雖然反應未如理想，但兩公婆相隔兩個月捲土重來，再開新收費IG帳號Sell溫情。

張致恒於IG Story發文宣布，新收費IG採取月費50元的會員制度，主要分享家中的日常生活短片。

雯雯早前宣布開設YouTube頻道「Uglymama 雯雯」，​首條影片「深夜夫妻Q&A」上架。

兩人拍了兩短影片，夫婦並肩而坐回答網友的尖銳問題，雯雯全程盡展霸氣狂寸老公，搞到張致恒不時尷尬頭耷耷，完全唔畀面。

雯雯坦承後悔嫁給張致恒。

網民再次重提老公偷食，雯雯直言難以釋懷，並謂遲遲不離婚只是為了四個小孩仍努力苦撐。

在旁的張致恒全程木無表情，最後僅拍拋下一句「不願置評」。

其實上月底雯雯曾於IG Story發文，提及其中一個囝囝確診autism plus hyperactivity（自閉兼過度活躍症），早前更「跌爆咗隻耳仔」，她說：「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友……」

張致恒老婆雯雯欲輕生

雯雯坦言一度萌輕生念頭，幸有張致恒一起學習照顧囝囝、共同面對全世界的責罵，又透露所聘請的外傭兩個月內到，屆時可完全抽身打多兩份工幫補收入。雯雯亦表示，經歷兩隻愛犬痾血（心臟+肝+胰臟炎）終令她醒覺：「其實生活静静地平凡安穩就足夠，自己嘅情緒自己知道就足夠，如果能夠過到呢兩個月，我希望同自己嘅家人能夠搵一個地方静静地度過，遠離呢個公開又複雜嘅地方。」

 

【防止自殺求助熱線】：

香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
賽馬會青少年情緒健康網上支援平台「Open 噏」：http://www.openup.hk

其他文章：

張致恒兒子確診自閉及過度活躍症 老婆雯雯連番放負終醒覺：生活平凡安穩就足夠

吳浩康呼籲張致恒做地盤！勸張太唔好搞個老公 雯雯嬲爆反擊：唔需要人認同

張致恒雯雯出搲銀新招一個月急煞停！收月費388講性史床事 一原因終止合作

《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ