吳浩康呼籲張致恒做地盤！勸張太唔好搞個老公 雯雯嬲爆反擊：唔需要人認同
2024-02-21 18:00 
吳浩康自轉做「職安真漢子」，身兼數職養妻活兒後，昔日負面形象出現扭轉，獲網民大讚他有承擔，令演藝事業漸有起色，周六（24日）還會舉行演唱會。日前吳浩康接受周國豐和伍仲衡的YouTube節目訪問，期間吳浩康亦提起張致恒並說：「佢老婆唔好搞佢啦！」 結果今日（21日）張致恒老婆出PO反擊：「唔需要人批評我啱與錯！」
相關閱讀：吳浩康做地盤開演唱會仲有新兼職 為養妻活兒做埋「導遊」帶團收呢個價
吳浩康被張致恒老婆出PO反擊？
吳浩康勸張致恒不要公開搞老公
吳浩康與同期出道的張致恒先後因醜聞纏身而形象跌入谷底，不過吳浩康與郭思琳奉子成婚後終於定下來，努力工作養活家人，近日更自爆轉做「職安真漢子」，成功扭轉負面形象。日前吳浩康接受周國豐和伍仲衡的YouTube節目訪問，期間提到張致恒，伍仲衡忍不住說：「張致恒幫你唔少喎！」吳浩康尷尬地說：「係嘅！我喺IG出第三條片嗰陣，有個工友同我講，你再出呢啲片，你個friend死喇喎！其實呢我哋仲有聯絡，衰仔。」吳浩康沉默了一會兒續說：「佢老婆唔好搞佢得唔得呀？唔好公開搞，匿埋搞，畀啲空間佢搵吓食！」周國豐追問有否與張致恒傾過，吳浩康只扭扭頭，伍仲衡再問：「點解唔介紹佢返地盤？」吳浩康則說：「咪後話你知。我自己站於朋友立場，總知我自己嘅價值裡面，呢個人未至於係要放手割席嘅人。」
吳浩康被張致恒老婆反擊
吳浩康續說：「當然我係咁諗啫，其他畀佢傷害得更加深嘅人，我唔係話佢哋錯，呢個只係我立場。我自己都試過喺好谷底嘅時候，基本上呢一行好現實，好多人都唔敢行埋嚟呀，不過令我有修練，令我更加有性活，發達唔會同你分身家，乞我都唔會乞到你門口，夠食夠使，正行正業，盡力維持好屋企！」不過這番說話似乎觸怒了張致恒老婆雯雯，今日（21日）雯雯出PO反擊：「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」
吳浩康經常分享地盤生活：
吳浩康自從公開地盤工後領悟到不如自己交代
當年吳浩康在事業發展順暢的時候，爆出吸毒的負面新聞，事隔多年，吳浩康大方地重提舊事：「因為貪玩，群開班朋友食就一齊食，嗰陣冇失意，一路好順利，只係戇居不智，如果我唔係畀人拉咗，我應該食死咗喇！」吳浩康亦稱當時爸爸沒有鬧爆：「但佢應該好傷心，我而家有個仔，都喺度諗點接受個仔將來上A1被人話係白粉仔，我感受到爸爸當時嗰份難過！」吳浩康亦坦認自從公開地盤工後，領悟到與其被人講，倒不如自己光明正大交代清楚︰「我畀人鬧咗好多年，地盤俾人偷拍之後，我自己出片，係因為免百日之憂，直接話畀大家知，但冇諗過反應係咁好。」
其他文章：
吳浩康大爆75%藝人收入不如地盤工人！每日做足15小時 兩個原因拒借錢度日
吳浩康驚遇地盤盜竊事件？搵一人出手儆惡懲奸 豪氣萬歲成工地最受歡迎工友
吳浩康變地盤KOL！實測「地盤飯」只需XX元 吳若希見高空工作直呼腳軟
------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應