李龍基揭未婚妻曾多次推搪出境！會面15分鐘好激動認證據確鑿難甩身

2024-02-21 15:04

李龍基未婚妻王青霞（Chris）因被控逾期居留等6項控罪，目前在大欖女懲教所還柙看管，李龍基今早從廣州返港，立即趕往大欖女懲教所辦理核實身份手續探望未婚妻，在等候期間，李龍基一度老淚縱橫，探訪結束後，李龍基坦言與王青霞見面時大家都激動！

相關閱讀：李龍基強忍眼淚填表等見面嬲未婚妻沒有商量：原來好多事我不知道

李龍基探完未婚妻見傳媒：

李龍基探訪結束後，在大欖女懲教所外接受訪問。

李龍基坦言與王青霞見面時大家都激動。

李龍基說：「我叫佢唔使擔心，乜都唔好諗，我應承佢一出嚟我就會同佢結婚。

李龍基探訪結束後，在大欖女懲教所外接受訪問。

李龍基稱：「我對住藍天白雲發誓，佢從來未喺我身上拎一個錢。」

再問王青霞可有道歉？李龍基說：「有，佢覺得可能累咗我，其實我覺得唔係。」

李龍基指事已至此，之後結婚也只會在內地進行。

李龍基指很多謝圈中很多朋友支持和幫手。

李龍基指不會暫停工作，暫時沒需要都交了給律師。

李龍基探訪結束後，在大欖女懲教所外接受訪問，李龍基坦言與王青霞見面時大家都激動，問到有何給她說話？李龍基說：「我叫佢唔使擔心，乜都唔好諗，我應承佢一出嚟我就會同佢結婚。呢個真，所以我叫佢唔使擔心，唔好理外界講乜，我知道她是真心，我相信佢經過教訓後，一定會變返好，我相信佢唔會唔再同我商量，呢個教訓都好大。」對於王青霞在美國有一段舊情，他相信大家都會有經歷，他也知情，曾經見過她與男朋友，知道二人是貌合神離，不涉及一腳踏兩船。

李龍基對藍天白雲發誓未婚妻「未喺我身上拎一個錢」

對於坊間指王青霞為錢與李龍基在一起，他稱：「我對住藍天白雲發誓，佢從來未喺我身上拎一個錢，我嘅錢放喺屋企，佢買餸都唔會拎多，咁多年來若我發覺佢係為錢，絕唔會發展到呢個地步。」李龍基指有向懲教所提出王青霞有哮喘要注意，問到可有追問王青霞為何要隱瞞至此？與李龍基稱見面時也有問她，稱有一郭姓人士欺騙她，而他也見過此人，原來是她經此人考證書但遭對方造假，「所以我會幫佢搵證據，清脫造假嫌疑。（諗方法幫佢解決？）我會同律師商量，睇吓點去解決，將痛苦減到最輕。」

李龍基抵達大欖懲教署相：

李龍基今早坐高鐵從廣州返港。

李龍基回港後立即趕往大欖女懲教所，先核實身份後再預約探望Chris。

李龍基離開高鐵站後，揸車直入大欖女懲教所。

李龍基隨後折返回到入口崗填寫申請表格進行登記。

李龍基神情好落魄。

李龍基一度眼泛淚光哽咽控制情緒。

李龍基又稱原本下午4時才回到香港。

李龍基在等候見面時受訪。

李龍基嘆稱是流年不利、犯太歲。

終於可以見面。

李龍基稱會堅強面對

再問王青霞可有道歉？李龍基說：「有，佢覺得可能累咗我，其實我覺得唔係，既然發生嘅就要面對，我一定會好堅強面對，希望佢都會堅強面對，唉，希望佢受咗教訓重新做好人。」問可有追問是否仍有隱瞞？李龍基稱：「唔需要，如果經過咁大挫折都唔坦白，我係唔會原諒，但我感覺到佢以前唔講嘅而家都講咗，我相信日後等佢出嚟，我哋可以過好日子。」追問是否所述的文件和學歷都是假？李龍基指會面只有15分鐘沒法一一問：「真真假假到時再算，佢講我便聽，等到時上庭睇吓點搞。」

關於王青霞逾期居留情況，李龍基指她真的有申請優才計劃，而他也曾和她出國，但都是疫情前的事，以為疫情後對方不想14日隔離：「你知道我呢個年紀，今日唔知聽日事，可能有一日走咗，所以佢盡量希望留喺我身邊，所以諗咗旁門左道，可能係我累了她。」至於可有想過王青霞為何可以一直留在身邊，李龍基稱沒有想過，因對方申請了優才：「我都有催過佢，上一上去再落返來，但係佢話唔使，得架啦，咁我咪信佢，結果一直到而家，搞出了大頭佛。」問王青霞是否久未出入境？李龍基想了想表示：「唔記得幾耐，都好耐喇，舊年去美國，甚至買咗佢嘅機票，飛前又話屋企有事唔去得，最後我自己飛咗，但亦冇懷疑，我只有相信佢屋企有事。」但李龍基稱並非一次，2023年年中飛美加時也被拒絕過。

李龍基未婚妻Chris被爆哪些「黑歷史」？

73歲的李龍基有「御用皇帝」之稱。

還有一個溝女外號。

李龍基與女友因與同楊柳青（右）合照，令「基嫂」Chris身份曝光。

Chris獲李龍基寵愛，有傳獲男方贈予多層物業。

李龍基近日受訪時，澄清未有將物業業權轉讓Chris，倒是把所有樓、車位過戶前妻。

Chris自稱在美國長大，去過荷蘭及日本求學。

「基嫂」Chris相當多少多藝，本身是飛機工程師，與喜歡放遙控飛機的李龍基可謂志趣相投。

Chris早年曾報讀北京航空航天大學EMBA課程。

Chris寫得一手好書法。

李龍基未婚妻Chris亦送畫給盧宛茵、姜大衛與太太李琳琳，畫中四人均畫得栩栩如生。

李龍基的未婚妻被指臨摹淘寶畫。

李龍基未婚妻去年聖誕節離奇受襲。

李龍基的未婚妻受傷後，傷痕累累。

Chris連日來努力澄清負面報道。

Chris公開銀行交易紀錄作證據！

Chris亦貼出當年在杭州學直升機的畢業典禮的大合照。

Chris再貼上律師樓的相片。

YouTube頻道「無糧軍師Water」曝光多張疑似李龍基未婚妻Chris與另一男子的婚宴照。（無糧軍師Water影片截圖）

又有網民於討論區分享多張疑似是Chris上載到微博的照片。

不過該微博已刪除了所有照片。

該微博還有李龍基的照片。

Chris IG上月底IG刪剩8則帖文。

Chris的IG在本月2日，除書法及畫作被刪外，連profile pic亦消失不見。

李龍基再三強調「冇畀過七層樓佢」

問可有想過事件發展如斯，或因是王青霞遭人舉報？李龍基支吾道：「我亦唔排除係或唔係，好可能大家睇到、有啲小媒體或YouTuber好似羨慕、針對佢，結果發展到咁大，呢個社會有啲人比較得閒，可能寫信去入境處，唉。」至於有網民或身邊人擔心受騙，這件事是否也提醒了？李龍基則說：「沒錯，我都好多謝佢哋，有好多人都問『王青霞係咪否呃咗你七層樓？』、『你七十幾歲要守住啲錢』」、『要攞返七層樓！』，我都想再聲明，我冇畀過七層樓佢，七層係畀咗我前妻，因為我同前妻離婚，我係淨身而出，我乜都唔要畀晒我前妻，係我前妻、唔係我，唔係我名。」李龍基指名下已沒有物業：「好簡單，我冇物業錢又唔多，佢都願意跟住我，唔係為我嘅錢同啲乜嘢，佢係鍾意我呢個人、呢個性格。」他又指大家性格和興趣相似，覺得她也是找到了right man。

李龍基結婚只會在內地進行

李龍基指事已至此，之後結婚也只會在內地進行，「相信佢出返嚟都只會遞解出境，都唔係問題，返大陸住喇！」問若被判監禁時會否在獄中簽紙結婚？李龍基指沒辦法，因她不是香港人，李龍基更抽了一口氣，：「我應承佢，我、我一定會娶佢，我一定會同佢結婚，所以叫唔使擔心。邊度簽紙都冇問題，好大可能係喺內地簽紙。王青霞父母身在德國，或者暫時未知情，要睇佢嘅意願。」問暫時會留港探訪王青霞，他指不會暫停工作，暫時沒需要都交了給律師，有工作會繼續，但工作同時也會掛住她，若簽了約不能推工作。

李龍基直言沒有勝算因證據確鑿

問經歷咁多事仍相信王青霞？李龍基稱：「我選擇相信，亦覺得我可以改變佢。相信佢會改過，走一條更好嘅路，仲會為佢繼續申請保釋。」問到對官司勝算？李龍基直言沒有勝算，律師也指證據確鑿，但證書的確是被人呃、考了飛機牌，但收到的是假證書，希望找回資料幫她，問可會告當事人？李龍基指該人士爭很多人錢，亦已潛水、臭名遠播，也欠了王青霞很多錢：「佢係罪魁禍首。」問可覺得能很快告一段落？李龍基嘆道：「希望啦，希望法官網開一面，傷害性唔大，只係想留喺我身邊。（幫寫求情信？）絕對會，好多人都會寫，好多朋友我都感謝佢哋。（會請認識嘅保安局長鄧炳強寫？）我哋唔好牽涉到重要人物，我識鄧局長但唔係深交，唔會騷擾他。」李龍基指很多謝圈中很多朋友支持和幫手，問王青霞可會認罪？他稱是不能不認，是看求情能做到甚麼階段。

其他文章：

李龍基痛心未婚妻還柙看管透露王青霞被拘留後心情如釋重擔

李龍基未婚妻王青霞被控逾期居留等6宗罪申請保釋被拒還柙看管

李龍基未婚妻Chris羈留室狀況曝光！代表律師謝偉俊：還可以

李龍基痛哭還原未婚妻被捕情況！自認寵壞Chris：唔係因為我或者唔會逾期

李龍基未婚妻黑歷史一文睇清！傳在美國騙婚借錢不還名人畫作學歷真假成疑

李龍基未婚妻涉逾期居留被捕！近日是非纏身月初清空IG飛機師大頭照消失

李龍基與未婚妻真實互動曝光！狂叫「老婆」Chris竟然越叫越走

李龍基終極開腔！默認黑材料已成過去爆未婚妻許7字承諾

--------------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E