李龍基終於返港！一臉憔悴趕往大欖懲教所 辦手續探未婚妻王青霞
2024-02-21 11:15 
李龍基未婚妻王青霞（Chris）昨日因（20日）被控逾期居留等6項控罪，遭裁判官拒絕保釋須還柙看管，案件押後至4月16日再訊。身在廣州工作的李龍基今早終於返港，返港後的第一件事，要12時前趕往大欖懲教所辦理核實身份手續！
相關閱讀：李龍基痛心未婚妻還柙看管 透露王青霞被拘留後心情如釋重擔
李龍基返港最新圖片：
李龍基對於未婚妻王青霞被即時還押，他曾回覆《星島頭條》稱因早已安排了工作，不可能缺席，所以完工後立刻返港了解情況，昨晚李龍基再接受訪問時，因未有預早在網上預約的關係，所以即使返港都未能到懲教所見王青霞。不過事情出現轉機，今早李龍基回港前夕，收到懲教所通知要12時前趕往大欖懲教所辦理核實身份手續，以便盡快和未婚妻見面，所以他回港後立即趕往大欖懲教所，先核實身份後再預約探望Chris。
李龍基今早坐高鐵從廣州返港，拖住行李的他顯得憔悴，見到記者時主動揮手，主動交代因要趕及並親自現身登記核實身份，才能見面。問到可會有律師陪同探訪？李龍基指獲悉現階段只見面不需要，因此會自行探望，而入境處暫未要提出協助調查。李龍基再被問及王青霞時，不時搖頭嘆息，問可有為她準備日用品？李龍基說：「入面有。（係咪喊了幾日？）唉，都唔知點會咁。（她家人知道？）她家人在德國，會遲點通知其家人。」問到是否未聯絡到王青霞？他稱是剛剛返港，問若真要遣返內地？李龍基不禁低頭：「唉，咁都無辦法。如果要都無計，要接受現實。」隨後他獨自步向停車場。」
李龍基未婚妻Chris被爆哪些「黑歷史」？
自從王青霞被還押後，李龍基曾表示：「呢幾晚我都喺度諗，其實間接中可能係我害咗佢，因為佢成日同我講，話我年紀大，唔知陪得佢幾耐，所以佢咪要爭取每分秒嚟陪住我，所以咪諗埋呢啲屎橋囉，佢真係蠢，我成日話『點解你咁蠢』、『點解你咁蠢』，搞到今時今日咁大鑊，我仲傷心仲難過。」他又稱未婚妻一直背負這個包袱：「但係好可惜，好可惜佢一路都唔講我聽，畀我知道，最低限度係大家可以商量一下，有商有量，可以搵個好啲嘅答案，好似搵個好啲嘅律師上去自首，都係好啲，好過人哋上嚟捉妳嘛？我一路都唔明白，佢點解可以傻得咁交關，我最激係就呢點！不過，冇計喇，佢自己做嘅嘢係要自己承受，佢自己喺拘留所都講過，佢咁樣畀人捉一捉，好似如釋重擔。我都叫佢唔使擔心，乜嘢都好，錯咗就改過，我一定會等佢！」
其他文章：
李龍基未婚妻王青霞被控逾期居留等6宗罪 申請保釋被拒還柙看管
李龍基未婚妻Chris羈留室狀況曝光！代表律師謝偉俊：還可以
李龍基痛哭還原未婚妻被捕情況！自認寵壞Chris：唔係因為我或者唔會逾期
李龍基未婚妻黑歷史一文睇清！傳在美國騙婚借錢不還 名人畫作學歷真假成疑
李龍基未婚妻涉逾期居留被捕！近日是非纏身 月初清空IG飛機師大頭照消失
李龍基與未婚妻真實互動曝光！狂叫「老婆」Chris竟然越叫越走
--------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應