獎門人丨黎諾懿自認妒忌心重拒絕為男藝員開節目 麥美恩「神龍教教主」造型暗藏獎項曬命
2024-02-19 10:50 
麥美恩、郭柏妍及劉佩玥等昨晚（18日）為《奬門人元宵感謝祭》錄影，當中麥美恩戴上勁高髮髻、以電影《鹿鼎記》內「神龍教教主」造型現身，非常搶鏡，早前在《萬千星輝頒獎典禮》中奪得「最佳女主持」的麥美恩，錄影時更突然從髪髻內取出奬項向錢嘉樂等人晒奬，非常搞笑。
相關閱讀：TVB賽馬日丨曾志偉爆《中年好聲音》開大灣區版！今年復辦華姐 福祿壽都有新搞作
獎門人丨麥美恩為乜自嘲「捉蟲」？
麥美恩指雖然今次造型是自己提議，但有點「捉蟲」的感覺：「佢哋搵師傅特登幫我設計，但我而家要戚眉戚眼，好似拍緊京劇咁。」又笑言最初以為這造型是林青霞飾演的東方不敗，但後來導演講了才知道是「神龍教教主」。麥美恩指農曆年由年三十晚工作到年初四，對她來說是好兆頭，更希望可將旺氣分享給身旁的郭柏妍，問到是否得奬後工作增加？麥美恩說：「各方面都有邀請，慈善活動都有，都好想做晒，做得幾多得幾多，而家工作排到去4月。」至於郭柏妍則大感羨慕，並希望有機會可跟麥美恩拍旅遊節目，麥美恩即笑言也可以一起拍古裝：「30幾度拍，減肥一流。」
獎門人丨錄影現場爆笑相：
黎諾懿與張振朗亦有為《奬門人》錄影，張振朗指新年主要也是陪家人及瘋狂𢭃利是，剛剛也𢭃了黎諾懿的利是，不過張振朗就不知道該如何稱呼對方：「我諗叫黎總好定黎監製，我驚叫得太低。」而黎諾懿即大爆最近拍節目時，有女演員拍攝時忘記了洪永城的名字，一直「呀呀呀」了很久。
黎諾懿則表示剛從北海道旅遊返港，他指年廿七出發，足足玩了10天，對於首次出外避年感覺得意，又透露這次旅程經歷了四季：「大風雪、20年第一次回暖溶雪，之後又凍返，不過阿仔玩得好開心，佢未見過雪，今次帶佢睇真雪開心到不得了，成日都話唔走，而家睇下暑假有冇班畀佢過去一路讀書一路玩。」黎諾懿指第一次見兒子滑雪，覺得他很有天份，張振朗即反問「係咪似你？」黎諾懿笑言「冇錯！」又大讚張振朗助攻得很好，笑問他開節目時會否預埋張振朗，他說：「大家都知我開節目係冇男仔，因為望住你（張振朗）又靚仔、有才華過我，我會唔開心。」
張振朗隨即提議可開節目，讓他跟女仔一起拍，黎諾懿聽後即笑說：「唔得，睇住你哋好開心，我又唔開心喎，我個人妒忌心好重！」黎諾懿指已有些節目籌備中，又指正構思一個類似《爸知弊！你嚟湊吖！》的兒童節目，不過就指不想兒子再出鏡，因帶他開工很攰。張振朗則希望新一年可唱多些歌：「我一直都想唱主題曲，希望有多啲機會，尤其是自己主演劇集歌曲，因唱出來味道會比較濃。」對於TVB總經理曾志偉指有機會開大灣區版《中年好聲音3》，張振朗就指不會參加，因為對手太厲害。
其他文章：
獎門人丨「三太」樊亦敏被小鮮肉連環啜嘴冧到暈 呂慧儀腳擒丁子朗
獎門人丨波波黃婧靈伸脷舔乒乓波吸力驚人！金剛猴擒進攻錫錯部位：成粒波都係口水
獎門人丨佘詩曼女王姿態登場全程勁玩得 李施嬅玩到瞓晒身兼四腳朝天
----------------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應