中年好聲音2丨大熱型男聲沙失準隨時12強被淘汰！伍仲衡聽到有精神病？
2024-02-18 23:00 
TVB歌唱節目《中年好聲音2》今日播出12強賽事「雙語之歌，累積排名榜 十強隆重登場！」上半場，12強選手將輪流獻唱雙語之歌爭入10強，而比賽亦由本回合開始起增設累積排名分，每回合最低分2位被淘汰。
相關閱讀：中年好聲音2丨陳俞霏曝光3歲女萌照！因童年陰影不想生育：唔想佢過我以前嘅生活
《中年好聲音》12強賽事上半場結果如何？
今集由鄭梓浩唱《只想你會意/認錯》打頭陣，之後有陳俞霏《守望麥田/百年孤寂》、古淖文《不如不見/Desperado》、黃劍文《明知故犯/明知道》、劉威煌《衹願一生愛一人/讓我一次愛過夠》和沈宗賢《紅葉斜落我心寂寞時/Right Here Waiting》。進入白熱化階段，12強選手為爭奪10強使盡渾身解數，本回合所有選手都獲得80分以上，競爭非常激烈。
鄭梓浩率先出場，演出《只想你會意/認錯》，不過鄭梓浩本回合似乎狀態麻麻，他唱完後聲沙沙表示：「平時唱呢個key係無問題，但今日把聲真係唔係好好，但我已經盡量放鬆去唱。」最後鄭梓浩獲得82分，張佳添也說：「我feel到你斷咗半臂去唱歌，我大部份嘅分係後半部份畀你，因為你開始唱得流暢啲，把聲開返少少。」肥媽亦說：「咁嘅狀態都82分，其實你個底打得好，但無辦法，歌唱比賽除咗講技巧、技術，都講運氣。」不過因為鄭梓浩一句唱廣東話、一句唱普通話，伍仲衡笑言聽到有少少精神病，還笑說：「我get到你精神分裂。」緊接鄭梓浩出場的陳俞霏演唱《守望麥田/百年孤寂》則獲得85分。
古淖文妖冶與外婆有關
古淖文今日演唱《不如不見/Desperado》，古淖文在訪問中提到：「一直以來大家都覺得我妖，呢樣嘢係受我由細到大嘅偶像，『梅姐』梅艷芳小姐嘅影響。」古淖文原來小時候已經喜歡花花綠綠的事物，而當時梅艷芳不論唱跳亦非常出色，當時他心想：「嘩！呢個姐姐咁得意，成頭生果都跳得咁好。」當時古淖文深得外婆愛錫：「佢攞啲生果金啊、老人金，買啲CD畀我，通常都係梅姐，我就喺佢間房係咁郁、跳，幼想自己係梅艷芳，隔籬阿婆就喺度炒菜，可惜婆婆已經走咗好耐。」古淖文今集表現超班，成功收起過份的妖冶，獲得93分！
黃劍文獲讚黑馬
黃劍文則再度挑戰女歌男唱獻唱《明知故犯／明知道》，越唱越強的劍文來到10強爭奪戰再有出色發揮，獲張佳添大讚：「你聲靚同感情恰到好處，我覺得你鬥心開始出嚟，係其中一隻黑馬！」周國豐亦說：「呢幾集你嘅信心返晒嚟，你嘅Vocal Performance表現得好好，你好唱到作為第三者嗰種痛，你激情得嚟又唔會太over，恰到好處。」伍仲衡亦大表認同：「你啲哭腔而家恰到好處呀，之前係多到漏！」最後黃劍文獲得89分。
劉威煌今集演唱《衹願一生愛一人/讓我一次愛過夠》亦獲得評審高度讚賞，獲得92分，成為暫時第二名！最後出場的沈宗賢唱《紅葉斜落我心寂寞時/Right Here Waiting》則獲得87分，最後鄭梓浩與陳俞霏齊齊落入危險區，只得82分的大熱鄭梓浩或有機會被淘汰！
其他文章：
《中年好聲音2》張佳添愛女夠18歲！批准做三事惹負評 曾離婚兼惹官非
中年好聲音2丨大馬參賽者沈宗賢公開尋愛！走出情傷陰霾 媽咪揚言娶新抱要送金
鄭啟泰逝世丨《中年好聲音2》悼念故友！曾任旁白報幕工作：好似一家人
《中年好聲音2》古淖文突晒與一女合照認愛？襯到絕獲讚天生一對 Po補眠照被批造作
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應