李佳羅啟豪支嚳儀許願樹度新搞作《好聲音》帶挈癲賺過年約埋祈福丨獨家

2024-02-19 07:00

《中年好聲音》封王的周吉佩於短短10個月內快賺過百萬，更省靚《中音》招牌，其他「中一生」李佳、羅啟豪、丁文俊、支嚳儀 (Venus)及71歲長者吳大強亦有運行，名利雙收，收入較前提升30%以上。趁農曆新年，5人在林村許願樹下忽發奇想，合體組成A Cappella（無伴奏合唱）團，Venus提議取名《星島頭條》；大強開心附和：「不如由星島集團投資啦！」採訪：方騫平攝影：錢文坤

丁文俊(左起)、李佳、羅啟豪、支嚳儀、吳大強在許願樹下齊齊跳起。

丁文俊、李佳、羅啟豪、支嚳儀、吳大強去年大豐收。

丁文俊(左起)、李佳、羅啟豪、支嚳儀、吳大強去年勁賺錢。

5人誠心拋擲寶牒祈福。

過年期間，「中一生」李佳、羅啟豪、丁文俊、支嚳儀及吳大強到許願樹掟寶牒，5人齊齊跳起望步步高陞，又大唱新年歌應節，不過，李佳笑言願望太多，拋擲寶牒上樹絕對唔容易，而大強就只想身體健康，其餘4人目標是明天會更好，豬籠入水。

丁文俊、支嚳儀、吳大強去年豬籠入水。

李佳、羅啟豪過去一年名利雙收。

啟豪已變得獨立。

李佳笑言願望太多，拋擲寶牒上樹絕對唔容易。

Venus感恩《中音》後經營的烘培學校打開咗40+市場。

丁文俊叫大豐收嘅吉吉請食飯。

大強只求身體體康。

視周吉佩為努力目標

對於周吉佩旺到爆，年尾接job冇停手，5人齊讚吉吉好犀利，要他請食飯慶功，丁文俊爆料：「佢話好呀，但補一句『約到再算。』」德高望重的大強也忍不住笑說：「唔理真假了(係咪搵到咁多)，話知佢囉，哈哈。」除大強外，其他4人視吉吉為努力目標，佳佳坦言音樂學校生意上升超過3倍：「waiting list嘅學生有100個，都想擴充音樂學校。」啟豪除了開個人騷，年尾又跟肥媽到雲頂登台，他強調收入跟吉吉比較仍有段距離：「好感謝豪殼（fans）肯使錢落我度，冇粉絲就冇我，我由以前宅喺睡房走到大舞台。」啟豪已變得獨立，透露已搬出去獨居，但媽媽就唔太贊成，始終他長居外國20多年，難得回流返港，想黐個仔多啲。」

5人各有心願。

丁文俊、支嚳儀、吳大強祝大家心想事成。

李佳、羅啟豪想搵多啲。

大強開心多咗「仔女」

丁文俊除正職外，亦搵多咗Show錢，坦言多咗30至40%；Venus感恩《中音》後經營的烘焙學校打開咗40+市場，除後生女外亦多咗媽媽級客戶：「疫情後好多客對社會經濟感灰心，但借《中音》帶出希望，燃燒佢哋把火，原來仲可以咁，𠵱家海外有6至7間加盟商。」大強表明唔講錢：「夠生活已滿足，不過《中音》係我人生新一頁，估唔到喺咁嘅年紀仲可以多姿多采，做到鍾意做嘅嘢，仲要係多咗咁多『仔女』！最開心好多唔識嘅觀眾都支持我，覺得人間好有情，上天對我真係不薄。」問到健康問題？大強強調上次暈倒後敲響了警鐘，會正視健康：「一直以為自己好fit，原來去到某一個年紀都要注意吓，好彩檢查過冇事嘅，大家可以放心。」

佳佳趁農曆新年空檔舉家遊台灣。

羅啟豪去年成功開騷。

支嚳儀經營的烘焙店生意額大增。

丁文俊都有一班鐵粉。

71歲吳大強客串演出劇集《飛常日誌》，跟兒子吳偉豪演回兩父子。

Venus改團名《星島頭條》

5人又忽發奇想，覺得可組成開心無伴奏合唱團撼年輕女子組合After Class ！大強話年齡俾他拉高晒，啟豪即建議叫Senior class！Venus笑言不如叫《星島頭條》；李佳認為以年齡計，改做「神仙組合」最貼切。啟豪搶住做跳舞擔當；李佳說：「我比較悶啲，唱歌囉。」丁文俊建議唱歌時，可玩埋結他；大強要做和音及彈結他；Venus笑言負責煲糖水及甜品外，還可以唱跳加彈琴。