退休教師昂平玩滑翔傘大霧迫降叢林 宿一宵搵路接通網絡求救終脫險
2024-02-17 15:23 
67歲退休教師昨（16日）傍晚馬鞍山昂平玩滑翔傘，起飛不久因太大霧被迫降落叢林，惟安全降落後卻因沒有網絡未能即時求救，在「叫天不應、叫地不聞」情況下，不斷祈禱求耶穌保守，挨着樹在叢林過了一夜，待今（17日）早上行山路尋找生機時，再次接通網絡，即報警求助，在救援人員帶領下終於脫困。
相關報道：昂平滑翔傘意外｜警指事主下載HKSOS後未詳細試用 出發前無啟動活動功能（附使用教學）
事主鍾先生脫困後憶述是次野外歷險記時似顯得輕鬆，但其實深知今次遇險「分分鐘出唔到嚟」。他說昨日下午約4時開始玩滑翔傘， 「昨日大霧，其實唔應該玩，自己曳，飛到出去睇唔到嘢，返唔到轉頭，見到下面有空草地，緊急降落，落咗去先知大鑊，原來緊急電話打唔到，冇網絡，惟有保持冷靜，不斷祈禱，感謝耶穌，求主保守，夜晚晚，乜都做唔到，咪挨住棵樹瞓一晚，等第二朝行出去搵路，行行吓，電話僅僅打到緊急電話，即打999，佢哋通知消防。最緊要係google map 用GPS搵到我定位。」
猶有餘悸的鍾男坦言「成件事都好感謝神」，他說「如果跌落樹林，係好難好難搵到你，我諗住分分鐘出唔到嚟，無論如何，我要感謝耶穌，我不停祈禱，求主保守，賜我智慧。」終於等到今日早上7時，他逕自行出山路，接通網絡才可報警。
他指即使警方的SOS在某些位置亦收不到，「冇網絡就傳唔到位置，你會覺得好無助，我當時大安旨意安全降落，以為就可以打電求救，但其實係叫天不應，叫地不聞，惟有求神賜智慧，讓我休息一晚，第二朝天光求救都容易啲。我奉勸傘友絕對唔好飛入叢林，降落咗冇訊息，係求助無援。」
他退休前教英文，兩年前友人介紹他玩滑翔傘，已有兩年經驗，又形容自己係「老頑童」，昨日大風大霧，很多傘友都跟他說「唔好飛」，結果令自己身陷險境，「今次好多歷練，當時挨住棵樹諗人生，係咪就咁玩完？」結果耶穌眷顧他，他行去搵出路時要攀山涉水，一踏泥地差點又跌下去，「感謝神我冇受傷，亦多謝消防員搵到我，有驚無險。」
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應