王嘉儀被花遮樣都要有表情學到嘢 麥浚龍執導電影級MV全因Wyman丨獨家

王嘉儀（Sophy）花兩年製作第4張大碟《水性揚花》，她視作由女仔變女人的成長記錄。最難得首次跟黃偉文合作《我們的鬼魂》，更得到老闆麥浚龍親自執導MV，又獲安排學跳舞幾個月，製作之嚴謹令Sophy大開眼界。採訪：杜杜 髮型:Toyo Ho化妝:Sharon Leung 服裝:MAJE、SANDRO 場地:Studio Meta / 朝映實景工作室

Sophy努力兩年終等到出碟，最想去北歐旅行放鬆。

Sophy的全新大碟名為《水性揚花》。

Sophy希望透過專輯記錄由29歲去到3字頭的過程，「由一個盲舂舂狀態，到依家比較篤定自己方向。」大碟名稱的「揚」字亦專登玩食字，「水性陽花係貶義，但我改咗用揚，代表女仔變成女人嘅過程。」

Sophy邀請了台灣歌手 YELLOW（黃宣）合唱《Race of Faith》。

Sophy憑《自然變態》在《TONE Music Awards 2023》奪得最佳年度單曲。

為拍MV排舞幾個月

《水性》是 Sophy加盟麥浚龍公司的首張大碟，老闆更為她執導《我們的鬼魂》MV，更搵來黃偉文填詞，她坦言這次合作並非計劃之內，「平日老闆好少參與我嘅製作過程，嗰日喺公司開會聽demo，老闆咁啱喺會議室，佢話『我有劇本要搞，你哋唔使理我照開會啦』，我哋傾到咁上下，佢起身走再拋低咗幾句話『對你做嘅有型嘢都好有信心，但都想聽吓你內心』，我諗咗成晚，最終都係揀咗呢首抒情歌，唔知佢係咪專登聽我哋開會，哈哈！」

Sophy估不到老闆麥浚龍肯幫她執導《我們的鬼魂》MV。

麥浚龍事前有問Sophy，接唔接受到鏡頭前錫錫。

Sophy濕身演出《我們的鬼魂》MV。

Sophy能夠搵到麥老闆製作電影級MV，全因黃偉文，「老闆搵咗Wyman幫我填詞，佢好鍾意首歌，仲留咗句『煩請拍MV』畀我，於是咪膽粗粗傳話，順便問老闆肯唔肯拍，佢聽完笑咗幾聲，第2日就問我『你鏡頭前錫得唔得』之後又安排我由零開始學跳舞。」真正感受電影級製作令她大開眼界，「有種大師級嘅感覺，排舞都排咗2、3個月，就算係咪咀，老闆都會講解劇情，最癲係我有個花嘅妝遮咗個樣，即係見唔到表情，佢都希望微表情係入戲，呢啲真係學到嘢，證明細節就是功力的彰顯。」

不懂跳舞的Sophy，為了MV苦練了近3個月。

化了這個花裝下咪咀，麥浚龍仍要求Sophy要入戲。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/