前港男新年前夕左耳突失聰有大量積水滲出：耳膜脹痛
2024-02-08 13:05 
港男出身的黃建東去年憑TVB台慶劇《下流上車族》「保安陳」一角備受賞識後，再獲得「全能司儀大賽」冠軍，入行11年終於見有起色，不過龍年將至，黃建東的左耳突然失聰！
相關閱讀：黃建東生日有人照進駐豪宅？ 公屋出身因赴美學戲花光父母首期
黃建東左耳突然失聰經過：
黃建東昨日（7日）在IG限時動態貼了一大堆藥袋的相片並說：「啱啱睇完耳鼻喉專科，因為左耳聽唔到嘢，原來鼻竇炎導致中耳炎導致耳積水，盛惠$4000 嚇咗一大跳，相士話我漏財真係有原因。」到了今日（8日），黃建東再出po分享現時情況：「話說上個月喺深圳拍緊《黑色月光》嘅時候惹到感冒，試過有一晚喺酒店房全晚發燒發冷完全瞓唔到，第二日仲要全日戲都有份，唯有連放 lunch都唔食偷時間補眠頂住。返咗香港睇醫生食藥有好轉，但鼻涕同咳都仲有。」
黃建東入行經過相：
黃建東左耳感覺喺水底兼有積水滲出
黃建東更稱當時見到病徵慢慢減緊，以為自己有好轉：「點知兩三日前隻左耳突然聽唔到嘢，好似潛咗落水底咁，個耳膜仲有啲脹痛，但係仲要喺深圳拍埋先。好驚聽唔到 cue同埋對手講對白，又唔敢話畀人知，係咁用隻右耳嚟聽。深圳一殺青第二朝返香港即刻去睇耳鼻喉專科，原來感冒菌入咗鼻同耳變咗鼻竇炎同中耳炎然後變咗耳積水，醫生要拮穿左耳個耳膜抽返少少積水出嚟，但係個左耳感覺仍然喺水底，同埋仲有好多積水滲緊出嚟。」
最後黃建東說：「我睇過啲報道話中耳炎如果唔及早醫的話，聽覺有機會會永久受損變成弱聽。冇咗聽覺先發現原來聽唔到嘢係咁辛苦，同世界所有人同事都好似有段距離咁。啲人一講嘢細聲啲我就已經聽唔到，同埋唔知道自己講嘢夠唔夠大聲。好想快啲好返。好想隻左耳快啲聽返嘢。#黑色月光# #彼德#我終於知道點解啲相士成日話我漏財#」
其他文章：
蔡嘉欣撇甩「哥哥」黃建東同親生家姐去清邁 鬥晒水着竟輸一條街
73歲李司棋左耳聽力剩兩成證息影！ 曾患子宮癌骨枯捱到五勞七傷
黎姿為父親慶生罕有分享合照 頭髮眉毛變白曾患腦膜炎失聰聽視力皆差
------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應