薛家燕總動員全家狂包利是送好運 新年戒口修身欲穿性感戰衣
2024-02-06 09:00 
踏入2024年，薛家燕先後出席多個活動忙過不停，日前現身黃埔舉行《甘濃迎福賀新歲》見面會，即場選出心水舞王舞后並示範「有有舞」，吸引大批Fans與途人駐足欣賞，現場充滿愉快氣氛。
家燕姐早前與馬來西亞國寶級天后茜拉（Shila）推出賀年歌《有有有The Year Of YO!》大受歡迎，推出至今不足一個月，網上的點擊率已超過120萬，連家燕姐年僅兩歲半的孫仔Julian亦齊齊跟住跳。為了讓「有有舞」繼續發揚光大，會上更舉辦跳舞比賽，最後十強於台上展現最強舞技，渾身解數搏家燕姐「點燈」，有人做出一字馬、有人派心心，勝出者更獲得年初八於澳門舉行的演唱會門票。家燕姐大讚他們表現落力，決定皆大歡喜齊齊獲得演唱會門票，她又親自向途人派福袋。
家燕姐透露雖然忙於為新春群星演唱會綵排，但可以與Fans見面非常開心，其中有位小妹妹與婆婆齊齊參加「有有舞」比賽，逗得家燕姐好開心：「佢真係同我孫仔一樣好有天份，我孫仔睇咗幾次《有有有》就識跳，我已經約定新抱，等佢三歲就嚟家燕媽媽藝術中心，等啲老師好好栽培佢。」
提到孫仔家燕姐即笑不攏嘴，可惜農曆新年期間工作不斷，未能與家人外遊，但家燕姐準備功夫要做足，團年飯一定會與家人共聚，其中包利是是指定動作：「今年要乜都有，所以利是呢啲梗係要有，我已經準備好晒，個個都話收咗我利是全年都好運。以往包利是要兩個工人幫手，今年應該要成家人齊齊包。我都好樂意將啲福氣分享畀大家，總之人人開心，家燕姐就開心。」問她可會叫孫仔幫忙包利是？家燕姐笑謂：「我驚佢包完自己拎埋，佢最叻就係恭喜發財𢭃利是。」
至於年初八的新春群星演唱會，家燕姐表示原定有性感造型：「都開到好低㗎，不過我個女話太性感，我咪叫設計師幫我拉返高啲。我冇乜咩所謂，呢個年紀都着到，大家又睇得開心就得，不過阿女話唔好。」她表示近日正努力修身，除了忍口不吃年糕更要戒飯：「我覺得會瘦到，到時等大家見到肥家燕，唔係，係靚家燕先啱。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應