胡慧冲又喊又笑談許冠傑感激偶像啟發人生帶出正能量

2024-02-06 08:00

75歲歌神許冠傑（Sam）將於3月30日至4月1日在紅館舉行《許冠傑最緊要好玩演唱會2024》，作為鐵粉嘅「泰國通」胡慧冲(Roger)接受鄭丹瑞網上節目《健康旦》訪問，暢談成粉之路，講到阿Sam帶給他人生啟發時講到又喊又笑，相當感性。

胡慧冲接受鄭丹瑞網上節目《健康旦》訪問。

Roger講起阿Sam就激動。

早年已經成為阿Sam鐵粉。

歌神許冠傑（將於3月30日至4月1日紅館舉行《許冠傑最緊要好玩演唱會2024》。

許冠傑日前現身記者會。

馬榮成送上許冠傑漫畫肖像。

阿Sam一家。

許冠傑係Roger童年回憶：「我早年時已收藏佢啲剪報，包括保留住Sam Hui《繼續微笑演唱會》4份紀念品、啲朱古力仲keep住冇食到。」Roger還瘋狂到將《半斤八兩》及《女王密令》泰國版海報製成tee自用。而他最難忘去年隨夏妙然坐第二行睇騷，當阿Sam行過來跟妙妙打招呼時竟認得他，大呼「『泰國通』阿胡到嚟咗！」Roger勁興奮憶述道：「當時開心到起身爭咪唱歌，雖然係有啲核突，但可能係一生人很得一次嘅機會，其實幾年前坐半山睇阿Sam個唱時，都好羨慕啲幸運觀眾有機會唱到一大段嘅《阿郎戀曲》，心諗『如果係我就好囉。』原來諗吓諗吓，呢啲正能量係會發生嘅。」

阿Sam台上大呼「泰國通」阿胡到嚟咗！

最難忘去年同夏妙然一齊搶咪，對住阿Sam唱歌。

雖然係有啲核突，但可能係一生人很得一次嘅機會。

連舞台都影一餐。

最愛Sam Hui啲戲。

胡慧冲仍保留住Sam Hui《繼續微笑演唱會》4份紀念品。

阿Sam支持本地產業紅白藍膠袋。

收藏偶像啲剪報。

Roger將《半斤八兩》及《女王密令》泰國版海報製成tee自用。

Roger今年會帶埋唱片去場內要求偶像簽名。

Roger中1、2時已喜歡阿Sam，會隨公公及婆婆去麗聲戲院睇《半斤八兩》，最愛Sam Hui啲歌及古怪歌詞，故𠵱家《冲遊泰國》的插曲也加入阿Sam《浪子心聲》歌詞「命裡有時終須有，命裡無時莫強求」人生節理元素，寫有「得不到不必喊，皆因你未到終點」，希望能娛樂大眾同時，好似Sam咁有做人節理及帶出正能量。