美斯訪港丨球迷成功報《東張》！陳庭欣睇波心情似坐過山車：落嚟5分鐘都好吖
2024-02-05 22:00 
阿根廷球王美斯（Lionel Messi）隨球隊國際邁亞密訪港，豈料昨日在香港大球場與香港隊踢表演賽，竟然沒有落場，引起全港不滿！昨日有不少藝人亦專程入場追星，可惜亦失望而回，「東張女神」陳庭欣更被大批球迷要求「報東張」。今日《東張西望》當然亦有提到美斯事件，陳庭欣亦接受電話訪問還原當時情況。
相關閱讀：美斯訪港丨東張女神炮轟「違反商品說明條例」 抽水王林作：香港足球史上最大騙案
球迷成功報《東張》伸冤！
陳庭欣昨日與父親一同入場，打算欣賞球王美斯的求技，可惜亦失望而回；陳庭欣睇完波後，更在IG炮轟「更炮轟「違反商品說明條例」，更指有不少球迷向她表示要報《東張西望》。陳庭欣今日（5日）接受《東張西望》訪問，提到昨日的情況說：「去到下半場，大家都好心急想知美斯幾時出嚟，逢親現場鏡頭出現美斯，大家都會尖叫佢個名。越來越接近完場時，大家都估到美斯唔會出嚟，但我哋都繼續抱希望，佢落嚟5分鐘都好吖，大家都好開心㗎喇。由熱烈期望，到中間十五十六，最後佢真係唔出嚟，嗰種感覺好似坐過山車咁，我同爸爸係其中兩個耷低頭走嘅人。」
陳庭欣指當她離場時，球迷開始發現陳庭欣存在：「大家就話報東張，『你可唔可以幫我報東張』，我嗰刻都唔知點講，我自己都好想報東張。」陳庭欣續指：「就算真係腳傷踢唔到，兩、三鐘都落唔到去，唔緊要，你最後可唔可以同大家打個招呼、講句嘢，可以講句『Hello, Hong Kong』，大家都會好開心，但最終都冇，所以大家都好嬲，我完全明白嗰種心情。以一個國際球隊，去過咁多地方都親善表演賽，但佢噚日嘅表現係咪親善，我覺得有扣分囉。」
TVB主持劉倬昕是美斯的患實粉絲，更特地入住美斯今次下塌的酒店，他今日亦在酒店外接受《東張》訪問，昨晚劉倬昕更直擊美斯粉絲闖入酒店，與在場保安發生爭執，片段公開見到在場粉絲被保安壓在地上，更說：「他掐我脖子。」劉倬昕又表示見到有內地球迷問保安，可否問聯絡私下美斯：「大概凌晨1至2點，見到個場迷推保安，一推就開始打晒交。」
其他文章：
美斯訪港丨何超蓮三姊弟入場睇波未見球王無失望 捕捉到一位巨星好驕傲
美斯訪港｜直擊群星追星合集！甘比湊小朋友低調現身 影后葉童潮爆Look受訪
美斯訪港丨73歲TVB富婆甘草嬲爆 湯洛雯孖波牛老公失望而回要睇《少林足球》補數
美斯訪港丨謝東閔貼偶像球場返休息室片有驚人發現！逐格睇球王美斯被球衣掟中
美斯訪港丨梁朝偉劉嘉玲獲碧咸邀請現身！手拖手出場勁恩愛 影后一身Chanel登場
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應