豪擲5000元禮聘母親大掃除 網民聲討「孝順仔」：阿媽唔係工人｜Juicy叮

家家戶戶趕著年廿八前洗邋遢。有與母親同住的「孝順仔」早前在網上「香港討論區」發文抱怨，指「阿媽寧願幫人大掃除都唔執自己屋企……」，並聲稱「畀咗5000蚊（當過年利是）」禮聘兼職家務助理賺快錢的母親出手大掃除。

5000元擲地有聲，但卻被大部分網民非議，提醒樓主「阿媽唔係工人，上班拍拖唔係大晒」，反問「點解你自己唔執？」。

「孝順仔」抱怨逐張睇↓↓↓↓

豪擲5000元禮聘母親大掃除 網民聲討「孝順仔」：阿媽唔係工人

「孝順仔」發文抱怨。

「孝順仔」：臨近新年，阿媽日日都唔見人去咗返part time（兼職）做家務助理喎。

「孝順仔」：佢話而家好多後生仔女都好忙冇時間自己執屋清潔，所以好捨得畀錢請家務助理／鐘點。

「孝順仔」：但係我屋企（同阿媽同住）都好亂，我阿媽又唔執喎......佢話出去做家務助理有錢收，但屋企執冇錢收。

「孝順仔」：仲話如果我想佢執都可以畀錢佢，最後我畀咗5000蚊（當過年利是），真係開始執，不過佢話出面嘅客戶比較重要，我排最後！

樓主帖文。「香港討論區」截圖

「孝順仔」豪擲$5000禮聘母親大掃除＋ 網民當頭棒喝回應↓↓↓↓

網民力挺伯母：你媽敬業啊

回應的網民力挺伯母，指「你阿媽100%做對」、「你媽做得對了！敬業啊」、「樓主有呢個阿媽，真好......」，並指↓↓↓↓

年廿八快到，家家戶戶趕著洗邋遢。資料圖片

網民：你媽等你執呀～

有與母親同住的「孝順仔」在網上抱怨，指「阿媽寧願幫人大掃除都唔執自己屋企……」。資料圖片

網民：到最後年廿八先執仲乾淨。

樓主的5000元擲地有聲，但卻被大部分網民非議。資料圖片

網民：年尾搵好多錢㗎，160蚊一個鐘。

網民：外面接咗就要準時做，自己家有走盞。

網民：點解唔幫手執？

力挺伯母——「你阿媽做得好吖」後，網民將視線轉移至樓主身上，提問「話時話，點解你又唔幫手執呢？間屋你冇份住咩？」，並質疑↓↓↓↓

網民力挺伯母，指「你阿媽做得好吖」。資料圖片

網民問樓主：「話時話，點解你又唔幫手執呢？間屋你冇份住咩？」。

歲晚忙著大掃除。資料圖片

網民：出去做家務助理有錢收，但屋企執冇錢收。你無畀家用？

網民：新年唔係要自動自覺畀多啲屋企人咩？

網民：你淨係識話阿媽，你冇責任㗎？

網民：點解你自己唔執？

網民建議樓主自己執 收返5000元

有人更加建議樓主「你自己落手執啦收返5000元」。而有悲觀的網民表明放棄執屋，指「最緊要係日常習慣，我屋企執完過幾日仲亂過未執之前，所以我都放棄咗執屋」。

說到底，還是有網民撐樓主，指「你估有好多後生真係唔使返工做隱敝（仔／女）咩！人哋返工都好忙嘅時候，返到屋企都好攰，未必會有時間執屋呀！」。

「孝順仔」豪擲$5000禮聘母親大掃除＋ 網民當頭棒喝回應↓↓↓↓

網民：正常唔應該要阿媽做，同埋畀得到，畀多少少錢畀媽用，唔好畀佢去打工，叫佢行下街出去玩。

網民：時間自己安排，阿媽唔係工人，上班拍拖唔係大晒，嫌三嫌四，自己執最乾淨啦。

網民：最緊要係日常習慣，我屋企執完過幾日仲亂過未執之前，所以我都放棄咗執屋。

網民：你自己落手執啦收返5000元。

說到底，還是有網民撐樓主。

歲晚家務助理 建議時薪135元-165元

僱員再培訓局的家居服務轉介平台「樂活一站」推出大掃除、煮團年飯及製作賀年糕點等服務，其中大掃除服務的建議時薪由135元至165元不等，比去年多10元。

「樂活一站」的農曆新年服務，包括大掃除、煮團年飯及製作賀年糕點服務。資料圖片

「樂活一站」的農曆新年服務，包括大掃除、煮團年飯及製作賀年糕點服務。資料圖片

「樂活一站」的農曆新年服務，包括大掃除、煮團年飯及製作賀年糕點服務。資料圖片

「樂活一站」的農曆新年服務，包括大掃除、煮團年飯及製作賀年糕點服務。資料圖片

「樂活一站」的農曆新年服務，包括大掃除、煮團年飯及製作賀年糕點服務。資料圖片

勞聯建議2024年家務助理時薪應不少於120至135元；大掃除時薪建議不少於165元。資料圖片

家務助理及農曆新年相關新聞：

「樂活一站」推大掃除服務 家務助理時薪最低135元仲包埋呢樣服務

「樂活一站」推大掃除服務 家務助理時薪最低135元仲包埋呢樣服務

勞聯倡家務助理時薪至少有120元 「大掃除」時薪高達呢個數

勞聯倡家務助理時薪至少有120元 「大掃除」時薪高達呢個數

8粒發財蒜頭盛惠68大元 網民𢲷頭：等佢發芽當水仙咁擺？

8粒發財蒜頭盛惠68大元 網民𢲷頭：等佢發芽當水仙咁擺？

拜年首次見未來奶奶 港女跪求送禮攻略 網民機警：要問清楚一件事......｜

拜年首次見未來奶奶 港女跪求送禮攻略 網民機警：要問清楚一件事......｜

港女送逾2000元禮物拜年 男友媽諷：個心意真係幾小喎

港女送逾2000元禮物拜年 男友媽諷：個心意真係幾小喎

拜年遇「密碼春聯」網民齊解密 有人晒「呢款」竟無人想見

拜年遇「密碼春聯」網民齊解密 有人晒「呢款」竟無人想見

8歲表弟拜年擅入房偷利是 港女踢爆感驚訝

8歲表弟拜年擅入房偷利是 港女踢爆感驚訝

的哥新春化身「財神」開工 車廂內金光閃閃勁有氣氛

的哥新春化身「財神」開工 車廂內金光閃閃勁有氣氛

 

----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg