拜年首次見未來奶奶 港女跪求送禮攻略 網民機警：要問清楚一件事......｜Juicy叮
2024-01-27 11:18 
有蜜運中的港女即將趁親春拜年首次見家長，正緊張地為送賀年見面禮籌謀，希望給未來老爺奶奶留下好印象。
樓主早前在網上「香港討論區」以「到底去男朋友屋企拜年，送咩賀年禮盒會得體啲？」為題發帖，向網民廣徵送禮攻略↓↓↓↓
拜年首次見未來奶奶 港女跪求送禮攻略逐張睇↓↓↓↓
港女跪求送禮攻略。
樓主：話說都同男朋友拍咗一段時間拖，
樓主：今年新年男朋友屋企人就吩咐佢帶埋我去拜年，
樓主：因為今次係第一次見面都想畀佢哋一個好印象，
樓主：就諗住買啲嘢上去送畀佢屋企人都好。
樓主：想問吓大家，如果係咁嘅情況，通常送咩禮盒畀佢哋會得體啲？
樂於助人的網民提供不少實用送禮建議，最多人提到避雷必選——送海味。有過來人指「我當年買咗花膠、魚翅同冬菇果啲禮盒」，有人強烈建議送「瑤柱，好睇又實用，成家都啱食」。另有人好心提醒，送禮前原來要先問呢樣嘢↓↓↓↓
港女跪求送禮攻略 網民列免踩雷清單回應↓↓↓↓
樓主帖文。「香港討論區」截圖
網民：如果有經濟能力，瑤柱冬菇。
網民：買冬菇有冇得諗。
網民：送乾鮑花膠。
網民：鮑參翅肚唔少得。
網民：去上環海味街辦貨啦。
網民：魚翅燕窩一定無問題，大方得體。
有人則建議買生果、朱古力或曲奇餅，甚至認為可以帶兩梳蕉，「人去便可以，甚麼也不用帶」；還有人從投其所好方式進行，建議先「問下男友家人喜歡咩」、「打探下伯母喜好先啦！」。另有網民細心分析首次見家長的送禮原則，以及題外話地提供衣著打扮心得↓↓↓↓
港女跪求送禮攻略 網民列免踩雷清單回應↓↓↓↓
網民：第一次上去唔駛咁大手筆。
網民：去連鎖海味店，按預算，少則零食，多則海味之類。
網民：打扮smart casual（半正式休閒裝），乾淨企理。
拜年首次見未來奶奶 港女跪求送禮攻略 網民機警：要問清楚一件事......
網民：豪嘅買海味，否則曲奇加盒朱古力已OK。
網民：車厘子，大方得體，個個都食得，包無詐型。
網民：我會買生果。
農曆新年相關新聞：
港女送逾2000元禮物拜年 男友媽諷：個心意真係幾小喎
港女送逾2000元禮物拜年 男友媽諷：個心意真係幾小喎
保安員新春大豐收利是一字排開拆到手軟
保安員新春大豐收 利是一字排開拆到手軟
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
關鍵字
最新回應