大食力港男自助餐豪飲10碗靚湯顛覆網民勁食三觀：仲食到嘢咩？｜Juicy叮

2024-02-02 08:02

食自助餐不少人講策略，精心部署放入口的每一啖，次序分明，務求食番夠本。有網民卻自報紀錄，因為老火湯太美味一共飲上10碗之多，顛覆網民食自助餐三觀，驚問「飲完10碗湯仲食到嘢咩？」。

自助餐好食豪食逐張睇↓↓↓↓＋網民眼碌碌回應↓↓↓↓

樓主自報紀錄，因為老火湯太美味一共飲上10碗之多。fb「香港茶餐廳及美食關注組」圖片

樓主沒有上載靚湯相片，有網民理解地指「因為碗老火湯買相唔靚仔，只係好飲，所以都費事影比你哋睇」。fb「香港茶餐廳及美食關注組」截圖

食自助餐講策略，有人精心部署放入口的每一啖，務求食番夠本。fb「香港茶餐廳及美食關注組」圖片

樓主：後生時比現在食多一倍。尤其生蠔，紀錄是36隻美國珍寶蠔」。fb「香港茶餐廳及美食關注組」截圖

樓主：親友去尖沙咀食自助，其老火湯好飲，結果共飲咗10碗。fb「香港茶餐廳及美食關注組」圖片

網民揚言至少喝5碗。fb「香港茶餐廳及美食關注組」截圖

樓主：飲10碗平30多年前紀錄

樓主早前在facebook群組「香港茶餐廳及美食關注組」上載5幀美食相片，興致勃勃地在帖文中表示「昨晚（1月28日，周日）同親友去尖沙咀食自助，其老火湯好飲，結果我共飲咗10碗，平咗自己30多年前的紀錄。其他食物尚算不錯」。

由於上載的5張美食照卻沒有一張屬帖文主角「老火湯」，被網民質疑「碗老火湯好飲到張相都冇埋」，有人理解地指「因為碗老火湯賣相唔靚仔，只係好飲，所以都費事影畀你哋睇」。樓主回應時則搞笑地指「飲到冇曬！」，稱當日的老火湯其實是「青紅蘿蔔湯」，並表明「我係好喜歡飲湯的人」。

自助餐好食豪食逐張睇↓↓↓↓＋網民眼碌碌回應↓↓↓↓

樓主指今次戰績：平咗自己30多年前的紀錄。fb「香港茶餐廳及美食關注組」圖片

餐廳位於尖沙咀YMCA內。

樓主指其他食物尚算不錯。fb「香港茶餐廳及美食關注組」圖片

網民上載相片推介濃蝦湯。fb「香港茶餐廳及美食關注組」截圖上十

網民推介濃蝦湯。fb「香港茶餐廳及美食關注組」圖片

網民：出幾百蚊去飲10碗湯？fb「香港茶餐廳及美食關注組」截圖

嗜湯網民：一定至少5碗

有同道中人指「其實我都係好鍾意飲湯，冇你咁多，但都一定至少5碗」。有好心網民則代樓主補充場內的蝦湯相片，指「我代樓主po啦，老火湯的確好飲，但係我冇影，濃蝦湯亦都超正」、「印象中我都飲咗3、4碗」。

有網民指，靚湯是「勝在食材豐足，唔會臨時加滾水增加流量......」；另有按日期計，當日與樓主同場的網民直擊靚湯銷情，指「我星期日食完，見完一煲清完，人哋又加返一煲，最後都係冇，原來係你，我係最後一枱走嘅」。

對於豪飲10碗湯的紀錄，有網民驚訝「好誇張」，問「飲完10碗湯仲食到嘢咩？」、「唔使食其他嘢，淨係飲湯都飽」。樓主豪言當晚還吃了「半打焗蠔、一隻龍蝦、牛扒、4隻琵琶蝦、一碟沙律、3隻鮑魚、甜品、生果、雪糕等等」，飽吃大餐後還可以「落街追巴士」；於是有人大讚「你好勁呀……仲食到咁多嘢！我平時都係飲1碗就夠」。