許冠傑演唱會冇加價希望市民留港消費 大仔膀胱癌痊癒可做嘉賓
2024-02-01 18:10 
75歲歌神許冠傑（Sam）將於3月30日至4月1日，在紅館舉行《許冠傑最緊要好玩演唱會2024》。今日舉行記者會，獲過百粉絲到場支持。許冠傑一出場即跟粉絲打招呼，其後自彈自唱歌曲《大家跟住唱》、《滄海一聲笑》、《鐵塔凌雲》。擔任主持的旦哥（鄭丹瑞）表示今日天公做美，原本天氣很潮濕，但許冠傑是巨星就變成放晴，並謂許冠傑的粉絲年齡差距好大，由取得身份證到樂悠咭都有，粉絲亦很有心在商場未開門前已排隊。當大合照時，有多位粉絲獻花更親吻許冠傑，他來者不拒，相當友善。
記者會上各主辦方送禮物給許冠傑，其中陳淑芬送上1983年許冠傑在紅館開演唱會的工作證001號，當年亦是首位華人在紅館開Show。而馬榮成就送上許冠傑漫畫肖像。最搞笑旦哥大爆去年許冠傑開騷時，有人送贈一副眼鏡，原來是龍婷。龍婷出場後送上親自包製的餃子，而且跟許冠傑合唱《浪子心聲》。不過旦哥搞笑未知她能否到紅館做嘉賓，還叫她等消息。
談到是否未夠喉開part 2演唱會，許冠傑承認意猶未盡，要繼續玩繼續瘋狂，現在開三場，未知會否加場，因為其中一個會跟兒童合唱團合唱，不能唱太多場次。他說：「依家已經有演唱會流程，亦開始綵排。今年會唱去年無唱過嘅歌，大約會唱5 、60首歌，當中有串燒歌。嘉賓方面會請炎明熹外，仲有本來答應做嘉賓嘅契女梁詠琪，因為上次中招嚟唔到，都會邀請龍婷、兩個兒子同埋許冠文都會嚟。（兩個兒子身體狀況如何？）大仔膀胱癌無事啦！細仔係好少事都無事啦。（孫仔會否現身演唱會？）佢哋仲細未識表演，但喜歡音樂，仲識唱我嘅歌，例如《半斤八兩》，2025年先邀請孫仔啦！」
提到今年票價維持380元及880元，許冠傑坦言希望市民留港消費，並透露現時已邊做運動邊唱歌練氣，今次個唱亦會向兩位已故好友李小龍和黃霑致敬。他說：「黃霑當年寫咗首歌畀我，當時我隻大碟夠歌，一直放喺度，廿年無錄到，歌詞好動聽叫《紫信箋》。歌詞一直保存，但唔見咗！只記得第一句歌詞，就係「當年狂哭紫信箋」，其他憑記憶寫返落去，用咗一星期，到時喺演唱會第一次唱。致敬李小龍環節就會唱剛強嘅歌，就有《男子漢》同《做個自由人》。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應