狀王之王丨王浩信孖金剛扮女人「胸前偉大」林子聰拆解奧秘到底塞咗乜？

2024-01-31 20:01

由張達明監製、林子聰任總導演、王浩信、姚子羚、金剛等主演的TVB劇《狀王之王》本周一開播。昨晚一集劇情講述王浩信飾演的「宋世傑」為深入調查「蜘蛛精殺人案」，拉着金剛飾演的「阿九」一起喬裝成「孫阿姐」及「孫九妹」潛入倚春閣，其間因要隱藏男兒身鬧出不少笑話，「九妹」更因遭倚春閣貴賓睇中「濕身」收場！

王浩信反串被女人？

王浩信與金剛的女裝扮相都夠晒嬌俏。

相反女主角姚子羚（左）同王子涵就豪邁得多，子涵仲要成套劇講嘢都又倔又冇尾音，喜感十足。

「王金CP」女扮男裝拍攝現場「Joy」情嚴重。

金剛呢幕倒豎蔥竟然親身上陣，果然專業！

係咪好有泥漿摔角Feel？

出水芙蓉！

金剛攰到冇晒電。

「有位金剛跌落水」正式出街畫面。

姚子羚啲反應好正。

王浩信啲鄉音同埋扮可憐嘅表情勁搶。

細微如手勢都睇得出王浩信花盡心思。

啲食花生樣正到。

含羞樣仲正！

真係難為要忍笑同佢做對手戲嘅姚子羚同文凱玲。

金剛話同浩信拍呢場戲一啲都唔尷。

呢幕20秒耍小雙刀場口，明顯為姚子羚度身訂造。

呢招又係好身手！

TVB官方社交網發布兩條相關花絮，片段所見女裝出沒的「王金CP」，即使呆企已足以令幕後忍俊不禁，不過最大受害者絕對是要近距離與二人對戲的姚子羚，一度要笑到「擰歪面」！王浩信的女裝演繹確是相當抵死，除了表情與蘭花手夠晒入型入格，王浩信更主動要求以「東北口音」上陣，配合角色高大身形之餘，順道增強喜感。

王浩信在劇中說：「佢係禾味味（我妹妹）孫九味（妹）」、「貿（冇）飯食」、「典（點）解」、「你唔巧（好）死」、「Kai（開始）始」、「獎（江）山」及「遇伏（佛）殺伏（佛）」等，加上溫柔無比的助語詞「喲」及刻意壓低的尾音，相當突出。王浩信首度在劇集扮女人，網民也受落，直指他皮膚白淨、「九頭身」身形perfect。

金剛王浩信狂野動作唔尷尬

為拍劇完全將演員包袱置諸腦後的「王金CP」，昨晚一幕互相幫對方「調較假胸」的場口亦是相當抵死，對於要向首度合作的王浩信做出如此狂野動作，金剛笑言零尷尬：「件事假㗎嘛，所以唔尷尬，可以去得盡啲。我同浩信本身係識嘅，所以更加冇障礙。」

對於要扮女人，金剛坦言有一件事讓他不習慣：「扮女裝其實都辛苦架，因為始終要戴住胸圍同埋個妝要化到好白好白，我平時唔化妝嘅，所以就覺得有啲唔自在，但成件事都係享受同開心嘅。」至於「王金CP」的女裝打扮為何如此「胸前偉大」，林子聰導演親自拆解箇中奧秘：「除咗胸圍之外，仲塞咗氣球同好多個墊喺入面。」

金剛玩出水芙蓉

另外，金剛的「濕身」場口亦十分經典，根據劇情金剛需要被大隻佬演員環抱兼倒豎蔥式插入浴池，雖然動作難度系數頗高，但金剛仍堅持親身上陣，他說：「除非好危險嘅動作，否則我都會自己嚟。嗰次都好安全，一來個浴池啲水好深，唔怕撞到；導演子聰同劇組又好好，我記得拍嗰時都幾凍，佢哋為演員準備咗暖水池，令我哋唔使凍住同震住咁拍。子聰導演佢好識照顧演員，包括感受同安全性。」

該場戲對於金剛來說絕對是「體能之巔」，除了要一再「跌低」兼「爬番起身」，更要大隻佬演員上演類似泥漿摔角式的「落水」動作；難怪金剛拍畢後幾近崩潰，但仍不忘收工時來個「金剛式出水芙蓉」，「搞笑擔當」當之無愧。昨晚姚子羚的20秒耍雙刀場口及「西洋繩秒速反枱」絕技亦是相當吸睛！

其他文章：

金剛獲長腿網民集郵！竟表現拘謹勁尷尬五粒字𠱁掂姜女笑開懷

「肥仔聰」林子聰一原因似激瘦兩個碼？太太誕女血崩切子宮幸福得來不易

58歲張達明罕有現身再暴瘦臉頰凹陷頸爆青筋 2011年曾證實患鼻咽癌

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字