獨家丨女團XiX為肥瘦問題險破壞感情 只出1首歌兩奪新人獎開心到癲

參加《聲夢傳奇2》入行的女團XiX，去年9月推出首支單曲《SiS》，正式出道短短幾個月，已奪得叱咤樂壇生力軍組合銀獎及新城勁爆躍進組合，XiX開心有此成績，她們認為全靠簽到好經理人郭偉亮（Eric），選唱較易發揮的《SiS》，而未來最希望舉行演唱會。採訪：杜杜

XiX成員包括（左起）16歲楊秉頤（Caitlin）、14歲繆昀希（Charlotte）、16歲良玳瑩（Crystal）、16歲莊殷玥（Vici）及17歲鄧曉殷（Kiele）。

XiX成員包括（左起）16歲楊秉頤（Caitlin）、14歲繆昀希（Charlotte）、16歲良玳瑩（Crystal）、16歲莊殷玥（Vici）及17歲鄧曉殷（Kiele）。

17歲鄧曉殷（Kiele）

14歲繆昀希（Charlotte）

16歲莊殷玥（Vici）

16歲楊秉頤（Caitlin）

16歲良玳瑩（Crystal）

XiX成員良玳瑩（Crystal）、楊秉頤（Caitlin）、繆昀希（Charlotte）、鄧曉殷（Kiele）和莊殷玥（Vici），是2021年《聲夢JUNIOR》10強參賽者，再參加《聲夢傳奇2》奪得第4名，並取得「優秀表現獎」及「舞台魅力獎」。去年簽約經理人郭偉亮及環球唱片，並推出以友情為主題的《SiS》正式出道，她們認為新歌好易投入，Crystal說：「題材好貼近我哋講朋友，好輕快有少女感，會容易啲發揮。」

XiX去年9月推出首支單曲《SiS》，友情為主題。

XiX參加《聲夢傳奇2》時仲有成員劉芷君，出道前已退出。

有難題搵Eric Sir

5名成員都好珍惜這段姐妹情，雖然有意見不合時，Caitlin說：「比賽時有意見就會投票，𠵱家通常搵Eric Sir決定，都係啲唱歌分段或者企位問題，好小嘅事。」Kiele自爆全團為一件事最大反應，「有啲人成日話要減肥，但係好瘦，所以想打佢囉！哈哈！」其他成員一齊指住年紀最細亦公認最瘦的Charlotte，她好無奈：「我唔想㗎！」Kiele忍不住向她說：「你好瘦嘞OK！？」

Eric在《聲夢》已是XiX導師，簽約後更搵埋老婆葉佩雯做形象顧問。

XiX每次出活動，都有大量粉絲撐場。

講到只得1首派台歌，都能在兩大頒獎禮得到新人獎，Crystal話新歌《SiS》MV衝破100萬點擊時，已經開心到癲，估不到再有驚喜。Vici 說：「想攞獎係好正常，但我哋希望更多人認識我哋，更加多人鍾意我哋，可以有呢個機會已經係夢寐以求嘅嘢，所以我哋盡力去做好，攞到獎就係雙倍開心。」踏入新1年，她們兼顧學業之餘仍會努力做歌，Charlotte說：「希望可以出多啲唔同風格嘅歌，畀觀眾感受到唔同一面，最希望快啲開到演唱會。」

XiX得到叱咤樂壇生力軍組合銀獎。

XiX奪得勁爆躍進組合。

XiX得獎後返回後台，喊住向家人報喜。

《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/