寒流襲港｜大帽山植物披上薄冰 晨運客冒寒登山「打卡」：心夠暖

本港今日（23日）天氣嚴寒，在寒風冷雨下，大帽山於今日凌晨錄得攝氏零下2.4度的最低溫，山上有植物的樹葉水點凝結成冰，部分樹木的樹枝亦披上薄冰。

大帽山有樹葉上水點凝結成冰。黎志偉攝

大帽山有樹葉上水點凝結成冰。黎志偉攝

黎志偉攝

黎志偉攝

大帽山山上植物披上薄冰。黎志偉攝

黎志偉攝

大帽山山上植物披上薄冰。黎志偉攝

大帽山錄得-2.4度。天文台網頁截圖

由於警方於今日凌晨將大帽山道封閉，車輛不能上山，有晨運客步行上山欲一睹結霜情況。退休人士趙先生於今晨6時半將車停泊在山下，然後徒步行上山。他指自己每日都行山，「行到慣咗，（今日）順便睇埋（有冇）結霜」，又笑言自己僅身穿3件衫，「都凍，但心夠暖」。

趙先生冒寒到大帽山晨運，順道觀看結霜情況。黎志偉攝

黃太帶備相機到大帽山拍攝植物結冰美景。黎志偉攝

黃太到大帽山拍攝植物結冰美景。黎志偉攝

黃太到大帽山拍攝結霜植物結冰美景。黎志偉攝

黎志偉攝

黎志偉攝

黃太大約於今早6時20分開始上大帽山，她形容：「由郊野公園上嚟，第一段時間落密雨，有風都幾凍，但感覺都OK，因為著夠衫。」她穿了3件衫，厚外套戴上帽，直言「風吹埋嚟，都唔係好辛苦，上嚟時隻手都暖。」

她說平日一星期也會上來一、兩次，「今次見到（結冰）都係撞彩！」她並沒有上山頂，來到半山腰看到植物結冰已覺心滿意足，「唔上頂了，驚太大風，結咗冰，落返去條路辛苦，雖然係車路，但好斜，有時落雨落去都好滑。」她更帶備專業相機「打卡」，笑言：「用相機戴手套影，但如果用手機就contact（接觸）唔到畫面。」

---

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ