亞洲盃直擊｜對手兩度中楣 國足有運0:0和黎巴嫩 生死戰鬥卡塔爾

【吳家祺卡塔爾直擊】對手兩次中楣，武磊空門射唔入，國家隊周三晚同黎巴嫩打和0:0，A組兩戰兩和，仲未有入球。爭出線要睇最後一輪對主辦國卡塔爾戰果。

今場波攞到證落球場影相，國家隊固然有大量球迷到場，打鑼打鼓助威；黎巴嫩方面亦有唔少粉絲，當中更不乏年輕美女。

國家隊上仗同塔吉克打和0:0，攻力明顯不足，今仗起用張玉寧做正選，同武磊合作攻堅，製造的埋門機會比上仗多，最有威脅係68分鐘，戴偉浚右路傳中，黎巴嫩門將撲救甩手，武磊面對空門補射乏力，被對手於白界線前解圍，錯失黃金機會。

國家隊對黎巴嫩圖輯

完場後，國足球員好失望。（吳家祺攝）

開波前，正選球員好精神。（吳家祺攝）

 

戴偉浚傳中。（吳家祺攝）

（吳家祺攝）

（吳家祺攝）

（吳家祺攝）

武磊（右）錯失黃金機會。（吳家祺攝）

（吳家祺攝）

（吳家祺攝）

（吳家祺攝）

（吳家祺攝）

作為隊中首席射手，亦係國足歷史射手王，武磊當然被寄予厚望，但兩場分組賽表現都未如理想。空門不入後，很快亦被調離陣，只見他搖頭嘆息，相當沮喪。

香港球迷一向好關注戴偉浚，佢今仗繼續正選上陣，仲打足全場，對手曾有一個危險動作，踩到上佢塊面，未有嚴重受傷，應該亦冇破相。

其實黎巴嫩不乏入球機會，曾有兩個射門中楣，國足執番身彩。結果雙方互交白卷。目前A組卡塔爾3分、國家隊2分，黎巴嫩及塔吉克各得1分。卡塔爾及塔吉克未進行第2輪賽事。

現場球迷：唔明點解武磊仲打正選

國足又再和波，球迷反應不一。北京人徐先生父子檔首天到多哈即入場支持，徐先生說相比起之前那一場國足已經有改善：「國家隊今天好幾個機會沒有入球，但還有最後一場，如果那一場能夠賽和卡塔爾贏，3場3分仍有機會出線。」

看過4屆世界盃決賽周的香港球迷陳先生則說，國足今仗已有進步：「今天打得好一點了，上一場更加差，很多低級錯誤，組織好曳。國足今場起碼有一腳近磅埋門被人門前撈走，算是沒有運氣吧。」曾當導遊的陳先生指今次會留在多哈看香港隊及中國隊踢分組賽，期望兩隊越踢越好。

另有深圳及香港球迷博文、Oscar、Ali、KK攜手入場，Oscar表示武磊明顯兩場都沒有狀態，不明白為何教練堅持起用這位球星踢正選，影響球隊進攻組織。

黎巴嫩女fans（吳家祺攝）

 

黎巴嫩女fans（吳家祺攝）

國足擁躉。（吳家祺攝）

香港人陳先生

北京人徐先生父子

深圳及香港球迷博文(左起)、Oscar、Ali、KK攜手入場

 

 

___________

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ