萬千星輝頒獎典禮2023丨群星現身慶功宴！洪欣兒子黐實一女星 蕭正楠黃翠如嚇親馬國明

《萬千星輝頒獎典禮2023》日前圓滿舉行，《東張西望》昨日（16日）再播出Afterparty的片段，同場更有連奪八獎的大贏家《新聞女王》的演員慶功，群星現身，場面熱鬧！當中蕭正楠及黃翠如、陳展鵬及單文柔等明星夫妻檔都在受訪時大放閃光彈，而沒有受訪的明星都被拍到換了衣服在場內歎美食，其中洪欣兒子張鎬濂更被拍到跟一名女星相談甚歡。

相關閱讀：萬千星輝頒獎典禮2023丨何依婷完場等佘詩曼擁抱被「無視」？曾因受訪互動傳不和 賀一小生得獎反應同被討論

《萬千星輝頒獎典禮2023》慶功宴逐格睇：

《萬千星輝頒獎典禮2023》日前圓滿舉行，《東張西望》昨日（16日）再播出Afterparty的片段。

佘詩曼成為三料視后，在Afterparty跟曾志偉聊天。

佘詩曼成為三料視后，在Afterparty跟曾志偉聊天。

《新聞女王》連奪八獎成大贏家，眾演員慶功。

《新聞女王》的演員情緒最高漲，眾人賀高海寧奪「最佳女配角」同時，亦賀高海寧的生日。

曾多番公開感謝佘詩曼教導的高海寧，在Afterparty上跟佘詩曼十足糖黐豆。

佘詩曼亦在慶功時再擁抱高海寧祝賀她。

《新聞女王》的演員與樂易玲一同受訪。

佘詩曼被樂易玲笑指：「屋企要加多個櫃啦！好多獎呀！」

佘詩曼被樂易玲笑指：「屋企要加多個櫃啦！好多獎呀！」

高海寧都搭嘴：「次次唔係雙料就三料，點搞呀？」佘詩曼即望向高海寧及何依婷說出鼓勵說話：「努力努力，你都得嘅！」

佘詩曼被問及在高海寧得獎時落淚，「忍唔住。」

高海寧（左二）更指得到「最佳女配角」是她今年收到最好的生日禮物。

蕭正楠這晚雖然失落「最佳男主角」，但出席Afterparty仍然好開心，更跟太太黃翠如一同受訪。

期間更跟在旁拿食物的出爐「大灣區最喜愛TVB男主角」及「最佳衣着男藝人」馬國明互動。

蕭正楠夫婦與馬國明互動爆笑。

蕭正楠與黃翠如一唱一和令馬國明難以招架。

黃翠如竟踩老公：「等多廿幾年，如果都冇呢，咁就冇㗎！」

對於失落「最佳男主角」，蕭正楠表示很替陳豪開心。

蕭正楠更笑指《萬千星輝頒獎典禮2023》的場刊照早有端倪：「你睇唔睇到得我同豹哥（單立文）有得坐，即係我哋後生，坐吓先，再慢慢等。」

蕭正楠面對老婆黃翠如的言論都不禁發笑：「你冇鼓勵性。」

陳展鵬早於2016年已得過「最佳男主角」，這晚雖然沒有得獎，但未見好失望。

陳展鵬更有心情冧老婆單文柔。

連身旁的車婉婉都表示被「閃盲」。

車婉婉之後又做出反白眼表情，非常搞笑。

張鎬濂就被《東張西望》拍到跟媽媽好姊妹陳法蓉同桌聊天，張鎬濂在長輩面前相當乖巧。

佘詩曼與多位舊拍檔同場，令很多後輩勾起童年回憶。

佘詩曼與多位舊拍檔同場，令很多後輩勾起童年回憶。

吳若希（右）大讚張智霖仍然好靚仔。

吳若希又跟《亞洲超星團》的學員互動。

吳若希又跟《亞洲超星團》的學員互動。

吳若希又跟《亞洲超星團》的學員互動。

《萬千星輝頒獎典禮2023》Afterparty中，劇集《新聞女王》的演員情緒最高漲，除了因為連奪八獎成為大贏家外，亦因為高海寧日前迎來37歲生日，眾人賀高海寧奪「最佳女配角」同時，亦賀高海寧的生日。曾多番公開感謝佘詩曼教導的高海寧，在Afterparty上跟佘詩曼十足糖黐豆，佘詩曼亦在慶功時再擁抱高海寧祝賀她。

佘詩曼被樂易玲提買多個櫃

《新聞女王》的演員與樂易玲一同受訪時，佘詩曼被樂易玲笑指：「屋企要加多個櫃啦！好多獎呀！」高海寧都搭嘴：「次次唔係雙料就三料，點搞呀？」佘詩曼即望向高海寧及何依婷說出鼓勵說話：「努力努力，你都得嘅！」佘詩曼被問及在高海寧得獎時落淚，「忍唔住。」高海寧都表示：「開頭冇咁緊張㗎！但我望到Man姐（佘詩曼）望住我，你話『我都好緊張』嗰吓呢，我係有少少緊張。我見到佢喺台下面都喊咗。」佘詩曼表示：「我好戥你開心，真㗎！」高海寧更指得到「最佳女配角」是她今年收到最好的生日禮物。

蕭正楠夫婦與馬國明互動爆笑

蕭正楠這晚雖然失落「最佳男主角」，但出席Afterparty仍然好開心，更跟太太黃翠如一同受訪，期間更跟在旁拿食物的出爐「大灣區最喜愛TVB男主角」及「最佳衣着男藝人」馬國明互動，蕭正楠指着馬國明說：「都話你（打扮似）『上海灘』㗎啦！攞最佳衣着呀！」而黃翠如亦夫唱婦隨，指着已換了衣服的馬國明：「你件牛仔褸我想買㗎！」一唱一和令馬國明難以招架，最後他僅回答：「多謝你啦！」但表情就引起蕭正楠質疑：「好似想鬧我咁！」

《萬千星輝頒獎典禮2023》藝員台下互動逐個睇：

奪得最佳男配角的林子善上台領獎時相當激動，一度下跪，後來他表示是向父母表示謝意。

TVB高層樂易玲睇到眼濕濕，仲要用紙巾抹眼淚。

樂小姐仲抹咗幾廿秒，睇嚟好感動。

林子善奪最佳男配角獎後一度滿場飛，周圍攬人。

林子善high爆周圍攬人。

何超儀當晚罕有出席TVB頒獎禮，高層樂小姐同何超攬頭攬頸，鬼死咁friend。

何超儀一行埋高層檯，即刻有唔少人嚟同佢咬耳仔。

高海寧當晚成功攞到最佳女配角，梗係要喺台下搵高層曾勵珍「珍姐」傾下偈，有返咁上下身高嘅高ling，就算著住條咁長嘅晚裝裙都要跪低傾。

李施嬅同佘詩曼雖然一齊競逐女主角獎，但兩人台下超friend，一齊研究手飾，李施嬅仲肉緊到揸住阿佘隻手唔放。

李施嬅好肉緊咁，到底同阿佘傾緊乜呢？

阿佘橫掃多個獎項，佢每次上台攞獎都有大批《新聞女王》演員圍住攬佢，何依婷（圖左白衫）開心到呢！

袁志偉當晚獲頒榮譽大獎，一眾高層都同佢握手祝賀。

到場擔任頒獎嘉賓嘅羅嘉良（左），喺後台同同樣專注北上發展嘅黃宗澤（右）似乎惺惺相惜！

周奕瑋同麥美恩雙雙奪得最佳男女主持獎，兩個人由前台high到去後台，影合照嗰陣幾咁開心！

陳豪奪得最佳男主角，仲由太太陳茵媺頒獎，當然好感動，兩個人去到後台當然要錫錫畀記者影下相。

錫唔停。

阿佘奪得「最佳女主角」後請出「初哥哥」張智霖，兩位舊拍檔重聚，chilam緊係有紳士風度扶阿佘落台。

佘詩曼壓軸行紅地氈，行埋去幫等佢好耐嘅fans簽名，認真親民。

高海寧奪得最佳女配角，打扮性感嘅高ling，搞到「黑哥」姜浩文都唔知應該望邊度。

提名「最佳女主角」嘅蔡思貝成晚冇上過台，睇騷睇到發呆。

林子善奪得最佳男配角後，上台領獎前獲得多位兄弟祝福，馬國明同佢攬攬送祝福。

林子善攞獎好多老友戥佢高興，開心到樹熊式攬住陳山聰。

劉佩玥都上前祝賀林子善。

你睇劉佩玥開心到好肉緊咁捉住林子善塊面。

你睇劉佩玥開心到好肉緊咁捉住林子善塊面。

劉佩玥開心到喊出嚟。

劉佩玥喊完第一件事梗係要補妝先。

林子善得獎，當然要去多謝高層樂易玲。

林子善當然都要多謝埋曾勵珍「珍姐」。

胡楓同林明禎上台頒獎，女神好溫柔咁扶實胡楓，好有愛！

李施嬅同阿佘繼續密斟。

阿佘成晚係咁上台，同劇演員個個爭住攬。

《新聞女王》演員齊齊爭住攬阿佘，何廣沛攝唔到入去都唔緊要，起碼捉到阿佘隻手。

好耐冇出席TVB頒獎禮嘅阿佘，攞完獎行落台時，笑得好得戚。

黃宗澤成晚滿場飛，周圍同人飲杯。

仲自隊一杯，好開心！

黃宗澤難得返嚟娘家，梗係要周圍騰同人傾偈。

After Class負責「致敬環節」獻唱《抱緊眼前人》，眼淺嘅炎明熹喺台上抹眼淚。

游嘉欣奪得最具潛質新人，不過呢個獎喺尾段先頒，又真係等到幾攰嘅。

陳茵媺頒「最佳男主角」獎畀老公陳豪，當場喊出嚟之餘仲攬實老公，好sweet！

陳豪仲好溫柔咁輕吻老婆額頭！

真係好溫馨！

楊茜堯同林峯擔任神秘嘉賓，已經為人母嘅楊茜堯，大頭拍攝之下仍然皮膚好好！

仲畀心心，好cute！