曾志偉獲網民洗板式激讚！多次在台前幕後低潮雪中送炭 人緣極廣成功拯救TVB
2024-01-16 22:00 
現年70歲的曾志偉在影視成就卓越，早在1992年已憑《雙城故事》成為金像影帝，電視綜藝節目《獎門人》系列亦有聲有色，播到今時今日仍有大批捧場客。近年曾志偉成為TVB總經理（節目內容營運），不只集齊四大天王重返TVB，亦大膽起用新人。最近有人在fb群組提起曾志偉昔日的好人好事，有不少網民亦留言大讚曾志偉！
相關閱讀：TVB台慶2023丨曾志偉「被唱」眼濕濕爆阮兆祥拒聽指令 堅持扮林家棟歌頌總經理
網民如何讚曾志偉？
曾志偉多年來大膽起用新人
自稱昔日在影圈做「打雜」的網民「羅人」不時在fb群組「文人多說話」提起在演藝圈工作的軼事，在TVB《萬千星輝頒獎典禮2023》後，昨日（15日）在群組發文大讚曾志偉在他眼中是一個女人，更是他的恩人：「我好多年前，真係冇工開，佢畀過好多碗飯我食。」更指曾志偉「好多人都幫過」。「羅人」在文中提到曾志偉在1989年執導拍攝《返老還童》期間，當時他窮到無飯開：「佢真係餐餐請我食飯，係一日幾餐，有時仲同佢一齊食。」
「羅人」同時大讚曾志偉不論在電視、電影界別，亦都願意起用新人，如在《萬千星輝頒獎典禮2023》竟然是丁子朗擔任司儀。「羅仁」亦大讚曾志偉在TVB「已經做得好好」，四大唱片公司與TVB破冰，不少曾獲曾志偉幫助的藝人亦重新亮相TVB。
TVB 14個月內集齊四大天王：
「羅人」的帖文引起網民熱烈討論，不少人亦提到曾志偉擔任TVB總經理後，四大天王亦重返TVB演出：「未必係一個出色嘅管理者，但應該係幾重情義的人，睇下佢歸位後叫得郁晒上咗神枱的四大天王返去TVB，呢份情面香港冇幾多個；仲係一個幾出色的演員，琛哥、阿天、下山豹、笑口棗……」、「娛樂圈中幾乎只有佢係可以人面廣到請得郁啲資深老前輩，四大天王一齊幫手做台慶/其他show…有時睇報導，佢生日開party，你講得岀口既藝人巨星都畀面岀席，相信係因為好多娛樂界既人喺低潮期時，曾生都曾經岀手幫助過。」、「自從睇咗雙城故事之後，我欣賞佢台前幕後都得。入到TVB亦見佢開啲節目lead住啲新人，又提㩦後輩。喺TVB入面佢完全做到嘢有凸，係得。」
曾志偉90年代末期開戲助影圈
有網民同時提到在90年代末期，曾志偉與王晶曾開拍多部低成本電影，保住電影人飯碗：「九八九九年盜版盛行期晶哥志偉都有開好多套低成本戲，唔單止養到電影人三餐更填補當年港產片戲院檔期，因為冇戲上映期就從缺，會令大家手停口停。」亦有接觸過曾志偉的網民大讚他平易近人：「好多藝員在低潮期得佢俾機會，（陳）山聰、（林）子善、崔建邦，數之不盡，我都見過志偉哥本人，平易近人冇架子。」
其他文章：
伍仲衡結婚丨賓客陣容強勁星光熠熠！曾志偉許志安陳曉東到賀 星級母女父女檔齊集
曾志偉被指將離任無綫 TVB發聲明澄清不實傳聞：保留法律追究權利
獎門人丨曾志偉返嚟喇！陳茵媺泳裝打底準備好濕身 連詩雅要贏家品貢獻屋企
TVB記者會丨許濤轟失實報道或影響股價交執法機關處理 曾志偉手術後隔空現身
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應