獨家丨「做工佬」 Ritchie認心急自薦華納《造星V》寵粉王頻飛香港見Fans

2024-01-12 06:30

《全民造星V》播畢近半年，畢業囝囝有簽約ViuTV拍綜藝節目，亦有自組男團MATCH開Show，當然仲有大量單打獨鬥，在樂壇努力搵機會，包括來自大馬，絕對是《造星V》寵粉王頭三名的「做工佬」梁瑋城(Ritchie)，去年11月跟同節目出身的黃哲(Chit)推出首支合唱曲《雞蛋仔格仔餅》，去年12月先後來港兩次宣傳、搞聖誕見面會兼出Show，難得Ritchie已成藝人依然坦白，做訪問仍然有嗰句講嗰句。採訪：廖思慧、杜杜攝影：朱偉彥化妝： Gloria Lam 髮型：Alson Chau, Wesker 服裝：SPORT b

Ritchie表示今年會不斷出歌，然後出Album，之後就可以開Tour，非常進取。

Chit坦言冇乜家庭壓力，可以全力發展音樂事業。

《雞蛋仔格仔餅》MV上架個多月有10萬點擊，兩人表示好滿意。

12月初，Fans為支持Ritchie，租了尖沙咀重慶大廈外牆的LED wall播放MV。

LED wall會連續14日播放《雞蛋仔格仔餅》的MV。

在LED wall前Busking吸引大量途人圍觀。

為宣傳新歌去咗雞蛋仔店做咗一日店長。

除咗整雞蛋仔仲要做埋收銀。

連續兩日在LED wall前Busking。

Ritchie講嘢唔隱藏，去年坦白承認未被Viu及其他公司邀傾合約，至目前仍未有公司問津，提到同屆《造星V》囝囝已拍綜藝，Taco已簽唱片公司甚至有派台歌，Ritchie答得老實，「講真都會心急嘅，唔係比較，只係拎嚟做標準，睇吓有無行啱路，其他人做得好，我必須要學，做得唔好就唔做。」他更坦言有自薦華納，更模擬收到回音的喜悅，「抱有希望嘅，但都未收到消息，每一次碌IG都希望見到有陌生人訊息『Ritchie，這裡是華納』，嘩哈哈哈。」

12月23日舉行「遲」來的聖誕「哲」生日聖誕派對。

Ritchie正努力寫廣東歌，「我覺得是一種誠意」。

又食又玩的聖誕派對，最後當然要影大合照。

更新社交網如呼吸
因為冇經理人，Ritchie去年聖誕節連唱3日Show均由自己接洽，問到有否被壓價?他笑言還好，「所有人都會話有budget限制，太低就唔會接。」講到入行後最大轉變，Ritchie稱忙咗好多，早上是審計師，夜晚變音樂人。至於會否用多咗時間經營社交平台?Chit即搶答，「佢超多，黐線，佢有兩部手機，同佢食飯，佢就一直撳手機，對眼Fix喺電話。」Ritchie面對老友爆料並冇否認，開始藝人生活的他覺得要Hold住Fans，就要不斷更新社交網，「就係多影相去出Po。」叫他計算每日碌社交網時間?他笑言不能計算，「好似呼吸咁，必須要做。」問到享受嗎?他細聲回應，「嗯，還好啦。」

12月24日在 Yoho mall 參與「聖誕Chillax Party音樂表演」。

12月25日聖誕節於荃灣Citywalk Busking。

聖誕夜，Ritchie唱足一小時。

演出結束後，Ritchie和Chit 逐一跟Fans拍照。

12月26日，Ritchie和Chit受邀參與旅發局舉辦的冬日嘉年華。

大批fans由四點幾就排隊入場爭取最佳觀賞位置，務求同兩人一齊睇煙花。

Ritchie表示，一至三月會再嚟香港同fans gathering。

《造星V》60強止步的Chit跟Ritchie相反，IG得個擺字，因為自覺講嘢唔叻曾修讀司儀課程，Ritchie非常好奇，「睇新聞跟住主播報新聞，等你個腦唔好快過個嘴，都幾有用。」他稱打算教唱歌，當然亦會繼續作歌，「都係寫普通話同英文多啲，廣東話真係好難寫㗎。」假設今年會有《造星6》會唔會再參加?兩人均表示不會，至於2024年目標就是跟公司簽約出道，Ritchie坦言，「簽公司最大好處係Marketing做得好足。」