獨家丨丁子朗想跟女神Ivy So拍結婚真人騷 參加《超星團》唱上癮預告出歌做歌手

丁子朗最近在《妳不是她》首次擔正男一，跟馮盈盈有大量親熱戲，單身的他好享受拍攝過程，直言過足拍拖癮，不過他更希望拍結婚真人騷，夢想假結婚對象竟是友台COLLAR成員Ivy So。丁丁又開心表示參加《亞洲超星團》令他愛上舞台表演，更計劃今年出歌正式做歌手。採訪：杜杜 攝影：Stanley

丁丁希望未來能演員、主持及歌手3線發展，做全能藝人。

丁丁希望未來能演員、主持及歌手3線發展，做全能藝人。

丁丁希望未來能演員、主持及歌手3線發展，做全能藝人。

丁丁希望未來能演員、主持及歌手3線發展，做全能藝人。

丁丁大讚監製安排他跟盈盈開拍前的一日拍拖實習，讓他們互幫對方揀戲服及為佈景揀傢俬，對演出有好大幫助，「好記得我哋行傢俬舖時，令我諗返以前拍拖，真係會一齊睇傢俬，幻想dream house係點，係好獨特嘅體驗，令我哋更易投入做『林信』同『夏莉』，我哋拍嘅時候掂到傢俬同衫感覺都唔同，關係密切咗。」

丁丁開拍前跟盈盈「拍拖一日」，對投入角色有好大幫助。

丁丁爆《妳不是她》不少橋段，是監製陳萍的親身經歷。

工作行先唔急拍拖

劇中丁丁跟馮盈盈有大量親熱戲，未有另一半的丁丁坦言過足拍拖癮，他稱現在是搏殺期，唔敢諗拍拖，「26歲嘅我會工作行先，就算有女朋友，如情人節約食燭光晚餐，但突然有工作，我會諗都唔諗去工作先，好自私咁諗，希望另一半好支持我嘅工作，但要搵到同自己同步的另一半唔容易。」丁丁最恨拍類似韓國《我們結婚了》的真人騷，既可以展露真實一面，又可以過到拍拖癮，問到假結婚對象？他想也不想：「Ivy So（COLLAR成員）囉！講唔講得㗎！哈哈！諗吓都開心！」

單身的丁丁，拍《下流上車族》一度跟郭柏研傳緋聞。

丁丁提到跟 Ivy So玩「假結婚」，開心到見牙唔見眼。

丁丁提到跟 Ivy So玩「假結婚」，開心到見牙唔見眼。

在《亞洲超星團》一直處於中游位置的丁丁很擔心最後成績，「𠵱家排30幾中間位置，坦白講都知自己能力中規中矩啫！排名係合理，因為呢個比賽我好享受舞台，以前我會好驚跳舞唱歌，但𠵱家好鍾意表演嘅感覺，好渴望就算唔能夠成團，也有機會去到最後個舞台。」丁丁認為就算未能加入男團，也能繼續唱歌跳舞做表演，新一年以此為目標，「出唔出歌唔話畀你聽住，哈哈！但呢個係2024年嘅目標，《超星團》係個好好嘅踏腳石，希望畀更多人認識我。」

丁丁參加《亞洲超星團》令他更享受舞台演出。

丁丁出席星夢娛樂及愛爆音樂祝捷會，相信好快以歌手身份出道。

《星島頭條》新網站有更多精彩內容：http://www.stheadline.com/